عداد السيارة !!!

[khaled777]

السلام عليكم ,,

مثل ماانتو عارفين ياشباب ان كثير من الكراجات

والمكاتب قاعده تنزل العدادات للسيارات بغرض

ايهام وخداع الناس بشأن ممشي السيارة الحقيقي !!

عشان جذي بغيت اسألكم عن طريقة معرفة الممشي

الحقيقي لسيارة وكالة بس صاحبها صار له

جم سنة مايروح للوكاله ويسوي سيرفس !!

ياليت تعلموني بالطريقة المجربة والاكيدة والاماكن

اللي يتم فحص العداد فيها ؟؟

وجزاكم الله خير .

 

[خالد المـطيري]

قارن بين نسبة المكينه وقارن بين ممشاها وان شاء الله راح تعرف بس صعبه احد يبين فرة العداد

 

[khaled777]

مشكور المطيري على الرد بس انا مايهمني

نسبة المكينة تقدر اتجفت مكينة موديل 95 وتطلع لك النسبة

90 وفوق !!!!

بغيت اعرف طريقة مجربة لفحص العداد ؟؟؟

 

[alfares]

يالغالي انا سمعت انه في جهاز في اغلب الوكالات يبين كم مشت السيااره او اذا فيه تلاعب من عدمه والله اعلم

 

[khaled777]

مشكور يالفارس على الرد

ياليت احد يفيدنا عن تجربة شخصية

عن جهاز او كهربائي بكراج يقدر يفحص التلاعب بالعداد بالكويت .

 

[blazer]

والله ياخالد ماأعرف أي مكان ممكن يفيدك
لكن أذكر واحد من الشباب شرى رنج من الإمارات كان ممشاه قليل
وصار بالقير خراب ووداه للوكاله قالوله الخراب كهربائي وبعد تصليحهم رجع العداد على الممشى الحقيقي للموتر يعني طلع ماشي اكثر من قبل .

 

[MilaNi]

اللي اعرفه ان اذا شلت العداد في ستيكر الوكاله حاطينه بطريقه يبين اذا كان مفتوح ولا لا اذا تمون على صاحب مكتب خله يبطلك العداد وشوف الستيكر
وموفق يالغالي

 

[qoqo]

مثل ماقال اخوي في ستيكر حاطينه الوكاله يبين معاك بس المشكله او انك تمون على صاحب السياره

 

[khaled777]

والله ياخالد ماأعرف أي مكان ممكن يفيدك
لكن أذكر واحد من الشباب شرى رنج من الإمارات كان ممشاه قليل
وصار بالقير خراب ووداه للوكاله قالوله الخراب كهربائي وبعد تصليحهم رجع العداد على الممشى الحقيقي للموتر يعني طلع ماشي اكثر من قبل .

مشكور اخوي بليزر على الرد والمشاركة بس غريبة سالفة صاحبك

شعلاقة القير بالعداد !!

 

[khaled777]

اللي اعرفه ان اذا شلت العداد في ستيكر الوكاله حاطينه بطريقه يبين اذا كان مفتوح ولا لا اذا تمون على صاحب مكتب خله يبطلك العداد وشوف الستيكر
وموفق يالغالي

مشكور اخوي MilaNi على المعلومة وصح كلامك فيها صعوبة

بس انا مابي اشتري من المكاتب بغيت اشتري من الحراج

او الاعلانات ! ماادري شلون اجيك !

 

[khaled777]

مثل ماقال اخوي في ستيكر حاطينه الوكاله يبين معاك بس المشكله او انك تمون على صاحب السياره

مشكور اخوي على المشاركة وانا كلمت صاحبي

كهربائي عشان طريقة اسهل من جذي قال

انه ممكن يجييك على براقي العداد ويعرف اذا كان مفتوح من قبل !!