اللي محتار شنو يشتري شنو تنصحونه

[Maxima]

السلام عليكم
انا محتار شنو اشتري
ابي سيارة من الوكالة مابي مستعمل
ومحتار شنو اشتري وشرط لايتعدى سعرها 9 الآف دينار
شنو تنصحوني فيه
علما بأني راعي مشاوير وسفر للسعوديه ابي سيارة لي وللزمن وتتحمل
ملاحظة هامة : انا ماعندي سيارة ف رجاء لحد يقولي انطر شوي لين تنزل الاسعار

 

[bin-haider]

اخذلك باترول 2006 وفوق
جيب صح او اخذلك لاند
لانه بوقت البيعه ما تتحسف وحق سفر يعجبونك

 

[صقرالبحر]

hundy - Genses

 

[vtc_305]

سفاري سلوقي طال عمركـ بالوكاله بـ9400

 

[kuwait1]

والله نصيحتي لك خذلك فورد فكتوريا او ماركيز بس يفضل فكتوريا

5500 بالوكاله 10 سنين كرف
وفوق هذا قطع غياره لي اخترب اتحصلهم باقرب بقاله )

اسأل مجرب ....

 

[بوحمود1]

كاااااااااااااااااااااااااااااااااااااااامرى واقطع

او لاند كروزر اذا تبى جيب

 

[Maxima]

مشكورين أخواني على نصائحكم
ياليت مزيد من الآراء واكون شاكر لكم

 

[LITERATURE]

Gmc yukon
ford edge

 

[Maxima]

ابي اسعار اليوكن وكالة لو تسمحون
اقل مواصفات

 

[ابو بـدر]

انت تبي سيارة دفع رباعي جديد من وكالة وميزانيتك 9 الاف

مالك الا تاهو ولا سفاري

 

[MilaNi]

حبيبي عليك بالياباني
ميزانيتك 9000
عندك كامري واوريون
ولكزس جي اس 300 موديل 2006 او 2007 يابانيه وفخمه بس مستعمله
واذا تبي دفع رباعي اخذلك يوكن بالوكاله 8800 اقل مواصفات موفق يالغالي

 

[NBKq8]

والله نصيحتي لك خذلك فورد فكتوريا او ماركيز بس يفضل فكتوريا

5500 بالوكاله 10 سنين كرف
وفوق هذا قطع غياره لي اخترب اتحصلهم باقرب بقاله )

اسأل مجرب ....

اشاركك الراي

 

[مهم للغاية]

الله يرزقك البيعه الطيبة

لو انا مكانك

بدون تردد ولا مشاورة احد
اصلي ركعتين استخارة
واروح الساير واشتري برادو 6 سلندر اصفار اللون ابيض وارجع والابتسامه شقاقية

موتر كد ومد ومواصفات خيالية وسعر معقول نوعا ما

 

[Maxima]

اشكر الجميع كلن بإسمه

أخوي مهم للغاية البرادو مرتفع سعره
6 سلندر كامل مواصفات 10600 الصراحة سعر خيالي
وانا ودي فيه والله لكن مشكلة الاستغلال

 

[ياسر الروقي]

لا تشتري كاش الكاش ملك حتى لو 9000 دينار
الفايده في ادنى مستوياتها يعني سياره قيمتها 5000الاف ارباحها على بيت التمويل تقريب 500 دينار على 3 سنوات
اما بخصوص السياره فسجل واحد عندك هم محتار لاني ابي سياره عائليه وابي سياره استعمال شخصي

 

[مهم للغاية]

اشكر الجميع كلن بإسمه

أخوي مهم للغاية البرادو مرتفع سعره
6 سلندر كامل مواصفات 10600 الصراحة سعر خيالي
وانا ودي فيه والله لكن مشكلة الاستغلال

الله اكبر

يوم من الايام خذيته 8600 من الساير

موديل 2003

ليما الحين عندي وما افكر ابيعه


شلون صار 10600 ما فرق عن اللاندكروزر ولا عن السيكويا

 

[Biz-Link]

الله اكبر

يوم من الايام خذيته 8600 من الساير

موديل 2003

ليما الحين عندي وما افكر ابيعه


شلون صار 10600 ما فرق عن اللاندكروزر ولا عن السيكويا

السبب ان سعر صرف الين ارتفع من 2003 الى اليوم تقريبا 24%
وهو بالضبط نفس نسبة ارتفاع السعر من 8600 الى 10600 !!!

 

[بومعالي]

خذلك تاهو ولا يوكن وارتاح .... الياباني بهالوقت مشلع فوق واللي يشتري ياباني الحين خسران

واذا مصمم على الياباني انطر كم شهر لين تنزل الأسعار

وعلى فكرة البرادو راح يتغير شكله 2010 والسفاري بعد راح يتغير شكله 2010

 

[MilaNi]

عليك بالياباني او اخذلك يوكن

 

[NAY]

اوريون وبسسسسسسسسسسسسسسس
السيارة طلقة وكبيرة وواسعة
وتركبها فخمة نفس اللكزس
فل اوبشن بالوكالة 8.5
نصيحة من اخوك المجرب ترى والله ما تقول اخ على الطريق وتشق الشارع شق بالسرعة والقوة