)*&^% سلوكيات دخيله %$#@

الموضوع في 'إستراحة المنتدى' بواسطة yoyo1983, بتاريخ ‏9 فبراير 2009.

  1. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    ما اعتقد ان فيكم أحد ما سمع عن هذا الموضوع

    الاستقبالات


    الاسقبالات دائما تدل على وجود مناسبة سعيدة

    وهي تدل على كرم صاحب(ة) الدعوة

    وحرصهم على مشاركة الفرح مع الاهل والقرايب والاصدقاء

    وكثرة الاستقبالات تعني كثرة المناسبات السعيدة

    الله يزيد ويبارك هالمناسبات


    والله لا يقطع الوصل بين الناس

    ويديم الكرم والمحبة في قلوب الكل


    والاستقبالات موضة يديدة في مجتمعنا عوضت شي قديم

    اليوم كلمة الاستقبال حلت محل كلمة عزيمة

    على الأقل عند الحريم

    ولو أن الكلمتين لهم نفس المعنى

    بس ... يله ... اهو تغيير


    انزين ...

    الى الآن وكل شي زين



    لما تصير الاستقبالات على كل شاردة وواردة

    هني أتحلطم

    لما اتصير الاستقبالات على مناسبات مفروض ما يصير لها استقبال

    هني أتحلطم

    لما نشوف اللي يصير في الاستقبالات من مباهاة ومبالغات واسراف

    هني أتحلطم

    لما يكسر الاستقبال ظهر الميزانية بس علشان نترس عيون الناس

    هني أتحلطم

    لما ننسى السبب الرئيسي للمناسبة وبس نبي نسوي استقبال

    هني اتحلطم


    اسمحولي بافسر شوي واقولكم شنو أقصد بكلامي



    اليوم صارت على كل مناسبة صغيرة ولا كبيرة ... استقبال

    مناسبة تسوى والا ما تسوى... استقبال

    ملجت البنت سوولها استقبال

    ولدت سوولها استقبال بالمستشفى

    رجعت البيت... سووا استقبال الاربعين!!

    طلع ضرس للولد سووا له استقبال "نون"!!

    مشى الولد سووا له استقبال !!

    دش علينا رمضان.. صار استقبال رمضان!!

    أول قرقيعان يشوفه هالحفيد ... سووا له استقبال قرقيعان!!

    راحوا الحج ورجعوا ... سووا استقبال!!

    صار الصيف ... سافروا الناس ... رجعوا من السفر... سوولهم استقبال!!

    دش واحد منهم المستشفى وطلع ... سووا له استقبال!!


    في مناسبات جان زين هالناس حامدين ربهم عليها وبس

    لان من الاولى انهم يتصدقون لوجه الله بسببها ...

    حمد وشكر على ان الله سلمهم من شي عظيم

    مثل الولادة ... أو الخروج من المستشفى

    وفي مناسبات الواحد مفروض يرجع منها زاهد الدنيا

    مو يرجع العكس... مثل الحج!!

    وفي مناسبات عمرها ماكانت موجودة... شنو استقبال القرقيعان؟؟؟


    المشكلة في هذي الاستقبالات انها صارت منافسة بين هالحريم

    منهي تحط أكثر ... ومنهي تحط اليديد... ومنهي تطلع فيها!!

    وكل هذا على حساب أمور أهم

    واللي يقول ان اللي يسوي يحط على قده... هذا كلام مأخوذ خيره

    الحريم بينهم نغر... ودايما يشوفون بعض..



    افرحوا ... ان شاء الله كل أيامكم افراح

    وشاركوا الناس افراحكم

    بس لا تخلون هالاستقبلات تنسيكم اصل الموضوع... الفرح

    لاتخلون هالاستقبالات تنسيكم سبب مناسباتها

    لاتصير هالاستقبالات مناغر ومنافسة


    رجعوا المناسبات الى أصولها... وانتوا ترتاحون

    الحج مناسبة دينية عظيمة الواحد لا بد يتعظ منها... مو يرجع لسابق عهده بالدنيا من ثاني يوم؟!

    الولادة فرحة بسلامة الوالدة والمولود... مو فرحة بانهم لقوا لهم حجز برويال حياة!! (الولادة برويال حياة والبيت مافيه ايدام!!)

    الانسان بعد الخروج من المستشفى بسبب المرض أو الحوادث... لا بد يشكر ربه على السلامة .. مو ينكرها بالاسراف!!


    طبعا في سلوكيات دخيلة أكثر من جذيه

    بس ما بغيت أثقل عليكم بها الموضوع


    الله يحفظكم ويبعد عنكم كل شر
     
  2. Kuwait

    Kuwait مراقب

    التسجيل:
    ‏28 فبراير 2006
    المشاركات:
    1,394
    عدد الإعجابات:
    7
    مكان الإقامة:
    ♡♥ Kuwait ♡♥
    سويت ياخوفي يتغير كلامج بعدين:)


    شكرا على الموضوع

    ومافقرنا غير هالسوالف
     
  3. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    لا انا قول وفعل

    :)