1. هاب ريح

    هاب ريح عضو جديد

    التسجيل:
    ‏21 مارس 2004
    المشاركات:
    190
    عدد الإعجابات:
    0
    السلام عليكم ورحمه الله وبركاته.........سهمTmar

    الواحد اذا شرا سهم وده كل الناس تتكلم عنه. :) وفالحقيقه انا شريت هالسهم وودي احد يشوف شارته ويتكلم عنه وشنو تتوقعون مستقبله الشركه عليها قضيه والسهم يوم يصعد ويوم ينزل. الي يعرف عن هالسهم اي شي يقوووووول :)

    والخبراء اخواني الخبراء دقايق من وقتكم بس ابي رأيكم الي هو مهم عندي . والمشوره زينه. انا ابي هدفه البعيد طبعاً يعني علي مدي مثلا 3اشهر. ووضع الشركه هل هو خطير او لأ الي يقدر يطلع هالمعلومات اتمني يرد علي ويقولي ...

    للعلم سعر شرائي للسهم 0.51سنت. والكميه بصراحه كبير. بس انا متأمل فيه خير...

    وجزاكم الله خير وشكرا مقدماً........
     
  2. النوووخذه

    النوووخذه إلغاء نهائي

    انا حق التخرع زاهب :D

    انا معاهد نفسي اني ماادخل سهم يحتمل افلاسه في اي لحظه .. لاني بصراحه منقرص وايد... :mad: شوف اخوي انا قبل لا ادش على اي سهم اشوف التحليل الاساسي له .. خاصه واني ما احب المضاربه اليوميه.. تقدر تقول اني مستثمر قصير الاجل ... المهم ادش على هذا الموقع
    http://finance.yahoo.com/q/is?s=TMAR&annual

    واشوف ايرادتها .. وتكاليف انتاجها.. ووضعها المالي بشكل سريع.. والاخ الشاغي جزا الله خير الجزاء اوضح طريقه قراءه وتحليل القوائم الماليه

    على العموم راح اشوف انه ايرادات هالشركه قام تقل... وتكاليف الانتاج مرتفعه بعد...ووضعها ساء من الربحيه في 2001 الى الخساره في 2003

    ووراها ادش على النتائج الفصليه واشوفها

    http://finance.yahoo.com/q/is?s=tmar

    واشوف انه ايرادها قام تقل بعد... يعني مؤشر سيئ

    وبيني وبينك هم اشوق جم مقدار الخساره وهل تقدر الشركه ان تتحمله ,, وراح اشوف انه خسارته كبيره ومو هينه.. واكبر حتى من الايرادات وقبل حتى خصم تكاليف الانتاج.

    المهم بعدين اروح على موقع النازداك واحط اسم الشركه .. واشوف شارتها .. وين كان هبوط السهم .. او وين كان ارتفاعه ... واقرا خبر الي رفع او الي هبط السهم طبعا من اي موقع بس انا تعودت على موقع www.nasdaq.com

    احط اسم الشركه واضغط على كلمه sharts وراح يطلع لي الشارت عن فتره 3 اشهر . وبمجرد ما ضغط على صوره الشات .. راح يعطيني بالتفصيل حركه السهم اليوميه من مده 3 اشهر تقريبا... كم كان االاقفال والفاليوم.. ومنه راح احدد اي يوم نزل واي يوم صعد.. واقرا الاخبار التي صدرت في ذلك اليوم او قبله وراح آلاقي هذا الخبر
    http://www.stockta.com/cgi-bin/fund.pl?symb=TMAR&page=news&mode=stock
    والصراحه ما دققت بالخبر بس بشكل عام.... كان الخبر عن تغييرات في مجلس الاداره .. والشركه تعترف بوضعها المالي الصعب... وتحاول ان تعيد ترتيب اوراها . ... وتبحث عن بدائل ومن هالكلام...

    يعني الخبر كان سيئ ونزل السهم بشكل كبير وفي 4/6/ 2004 رفعوا المساهمين قصيه على الشركه مستندينان الشركه ضللتهم في انها اوحت على الرغم من الخسائر المتكرره انه في المستقبل شوف تتحسن الايرادات

    وطبعا كان هناك في صعود في سعر السهم من 21, الى 35, الي 55 خلال يومين... و ما لقيت اخبار .. يعني مضاربه في مضاربه... وهذا يأكد انه المضاربه السريعه فقط اليوميه هي افضل طريقه للتعامل مع مثل تلك النوعيه من الاسهم ... ولكنه خطر وانا لا افضلها ...الا كان يومي فقط ادخل واطلع في نفس اليوم .. لانه في اي يوم قد تفلس الشركه وتدخل تحت فصل الماده (11)

    وبعدين وبعد كل هذا.. اشوف شارت والتحليل الفني
    وراح اشوفها انه حاليا تقريبا عند دعم قوي والي اقوى منه دعم 38, والثاني على 35 , اذا كسره بيكون سيئ واحتمال يتجه الى 23,

    هو حاليا في ترند لاين نازل... على السكستي والديلي.... وانا رايي ان السهم لازم يحدد اتجازه خلال الايام القليله المقبله بين كسر ترند لاين والارتفاع او الانخفاض

    على العموم اذا كسر الترند لاين على السكستي وكسر44. كسر حقيقي بيكون الهدف 54, بتكون في مقاومه قويه على 50, واتصور بيكون فيه بيع قوي

    على الديلي في ترند لاين نازل يضغط على السهم .. وكسره عند 52, ( احب دائم ازود سنت او سنيتن والصح اكثر بعد... وارشح 55. ) بيكون مؤشر على اتجاه السهم الي 1.50 ولكن سيكون هدفه الاول والسريع 1.20 تقريبا وستكون مقاومه شرسه

    ادري اني طولت عليك .. بس حبيت الكل يستفيد من طريقه كيفيه اختيار الاسهم.. ولانه اختياري يتم اولا بناء على التحليل الاساسي ومن ثم التحليل الفني ومن خلال الشارت احدد نقاط الدخول والخروج ... اتمنى من الكل انه يحاول يطبق هذه الخطوات لانها برأيي افضل الخطوات هذا بالاضافه الي تحليل القطاعات والتصور لأي القطاعات المتصور لها مستقبل...هذا كله بالاضافه الى تحليل الاخوان وتوصياتهم وآرائهم .

    اتمنى لك وللجميع التوفيق
     
  3. هاب ريح

    هاب ريح عضو جديد

    التسجيل:
    ‏21 مارس 2004
    المشاركات:
    190
    عدد الإعجابات:
    0
    والله ماقصرت يالنوخذه. علي العموم هم انا خايف من السهم بصراحه. وصارله اسبوع عندي صعد سنتين عن سعر الشرا مالي بس مابعت ورد نزل....

    المهم انا بإذن الله سبحانه بحاول اتخلص منه او اشوفله صرفه من خلال هالاسبوع....


    وبالنهايه والله ماقصرت يااخوي مشكور من كل قلبي اي والله......


    الله يوفق الجميع..
     
  4. النوووخذه

    النوووخذه إلغاء نهائي

    اخوي هاب ريح... حياك الله في كل وقت... ما سوت شي.. هذا حق الحداقه على بعض ;) على العموم اخوي... ما ابيك تخاف.. تدري... لو ينزل خبر حلو شنو بيصير... بصير فليم بهالسهم... بس المفروض ما ندش بهالسهم الا بعد كسر الترند لاين النازل...يعني بعد الخبر ... وانت قلت 3 اشهر تصبر... وهالنوعيه من الاسهم ما تقعد فيها 3 اشهر لانها تخرع... بس اذا صار كسر ترند لاين تدش... واعتقد بس يصير الكسر ودام السهم مراقب من الشباب راح يشيرون له ... اذا كنت تبي تقعد 3 اشهر لابد من تحليل اساسي للسهم... انا ناوي استثمر في اسهم لمده قصيره الاجل يعني مثلك... بس انتظر الوقت المناسب للدخول... واسبوع الياي ان شاء الله بطرح اسهم من الي اقل 2 دولار والي اتصور انها راح يكون لها شأن ... يعني راح اعرض بعض الاسهم الجيده من نواحي عديده .. واهمها ... الايرادات في زياده... انخفاض سعرها نتيجه التصحيح في السوق .. وليش لخبر او اي شئ آخر...واسهم اتصور ان بيكون له مستقبل.. ولا اخفيك بأنه سيكون.. الهدف كبير من ورائهم ...لاني ارى فرص ممتازه في بعض الاسهم... ولم ادخل بها بعد ...على العموم السوق سيتذبذب .... شبح الفائده سيعود.... الاسواق ستنخفض نوعا ما.. ننتظر الي اجتماع المجلس الفيدرالي... والذي ستم رفع الفائده... ارى ان الاسواق ستتأثر فقط لفتره بسيطه...وستعود بعدها للاتفاع ... لذلك الانخفاض المقبل فرصه للشراء.... :cool:
     
  5. هاب ريح

    هاب ريح عضو جديد

    التسجيل:
    ‏21 مارس 2004
    المشاركات:
    190
    عدد الإعجابات:
    0
    الله يعطيك العافيه يالنوخذه والله انك شقردي... وانا ناطر ويا الشباب الاسهم الي راح تطرحها...

    مشكور يااخوي :)
     
  6. ابو الفيصل

    ابو الفيصل عضو جديد

    التسجيل:
    ‏17 ابريل 2004
    المشاركات:
    34
    عدد الإعجابات:
    0
    اخى النوخذه ولا عليك امر ممكن تعطينى رابط شرح اخينا الشاغى
    ولك الشكر
     
  7. النوووخذه

    النوووخذه إلغاء نهائي

    http://www.indexsignal.com/vb/showthread.php?t=14700

    على العموم اخوي بو فيصل هو الموضوع المثبت في اعلى صفحة مواضيع السوق الامريكي... وموضوعه من اهم المواضيع والتي لابد من الاطلاع عليها
     
  8. هاب ريح

    هاب ريح عضو جديد

    التسجيل:
    ‏21 مارس 2004
    المشاركات:
    190
    عدد الإعجابات:
    0
    خبرين انزلوا علي الشركه بعد اغلاق السوق الاول في هذا الرابط.... Tmar
    Mon 4:30pm - PR Newswire

    http://biz.yahoo.com/prnews/040614/dam034a_1.html


    وهذا الخبر الثاني....

    Mon 4:54pm - EDGAR Online

    http://biz.yahoo.com/e/040614/tmar8-k.html


    واتمني اتقولون لي شنو تأثيرهم علي السهم هل هم سلبيين او ايجابيين انا ترجمتهم وقريتهم بس والله مافهمت شي ........

    الله يرزقنا وياكم ان شاءالله اجمعين........
     
  9. الشعثاني

    الشعثاني عضو مميز

    التسجيل:
    ‏20 مارس 2003
    المشاركات:
    2,302
    عدد الإعجابات:
    1
    مكان الإقامة:
    ** بلاد الورد **
    الخبرين تتعلق - باستلام الشركة للانذار بالطرد من الناسداك

    مع اعطاء الشركة فرصه الى يوم December 6, 2004

    لتستطع الشركة الايفاء بشروط السوق ومن

    هذه الشروط - ان يتم تداول سهم الشركة بسعر فوق الدولار
     
  10. هاب ريح

    هاب ريح عضو جديد

    التسجيل:
    ‏21 مارس 2004
    المشاركات:
    190
    عدد الإعجابات:
    0
    لاحول ولاقوه الا بالله.... الله يستر هذي والله المصيبه. مافي سهم اشتريه الا ينزل وينزل نزول قوي والله ماشريت سهم ارتفع كل يوم عن يوم. قسم بالله اني تعبت من هالاسهم والبورصه. موكافي اني خسران للحين 60%من راس المال الي داش فيه 6الاف دينار بثلاث اشهور طارت... يالله انك اتعوضنا يالله... والحين خبر عن طردها من النازداك. شهالحظ الردي هذا


    علي العموم نشوف اليوم شنو تأثير هالخبر والله يرزق الجميع ان شاءالله

    مشكور يااخوي يالشعثاني ماقصرت..

    فمان الله.
     
  11. المستثمر2015

    المستثمر2015 عضو جديد

    التسجيل:
    ‏16 مايو 2004
    المشاركات:
    20
    عدد الإعجابات:
    0
    السلام عليكم ورحمة الله وبركاته
    ارجو إفادتكم بأن سهم tmar لا يجوز تداوله
    وشكرا