هناك هزة قوية قادمة للسوق

[الدانة]

الله اعلم ... ان هناك هزة قوية قادمة للسوق السعودي ... الخروج افضل من البقاء ... بناء على نصيحة الخبراء و الهوامير في السوق ...

اللهم بلغت اللهم فاشهد ..

من يعرف احد في السوق ينقل الخبر

و الله اعلم ..

 

[MOoOoON]

اختى الدانة كلامك مو مقنع كلام هوامير اذا الخب مايتضمنة تحليل فنى واساسي لاينفع الكلام اللى تقولينة واذا انتى وربعك ماشين على الاحساس الاسواق ماتمشي مع الاحاسيس

 

[الدانة]

عزيزي القمر .... كلامك صحيح اذا كان في غير السوق السعودي ...
رجاءً عطني تحليل يصدق في السوق السعودي ..

و إلا أقول لك عطني اسباب هبوط السوق السعودي قبل فترة 1400 نقطة ...

يعني لابد من كلام الهوامير و الاحساس فقط في هذا السوق و انا سميته في السابق " سوق البعارين " و ليس الهوامير ...

الهوامير رايحين يسحبوا فلوسهم إلى السوق الاماراتي ... و الحين هم جالسين يلعبوا في السوق الكويتي و الاماراتي .. و انا اقول لك انه عند الاكتتاب في شركة المصارف الجديدة راح تشوف ان السوق الاماراتي و الكويتي رايحين ينزلوا نزلة كبيرة لأنسهم رايحين يسحبوا فلوسهم و يكتتبوا في الجديد ...

و ازيدك من الشعر بيت ان هناك مستثمرين غربيين دخلوا في السوق باسم مواطني دول التعاون و هم من يلعبوا في السوق حاليا ...

و الله اعلم

 

[MOoOoON]

كلام مقنع

 

[ابو سعود]

شخصيا أشوف ان الاستثمار في بورصة تل أبيب .. أزين من الاستثمار في السوق السعودي ..

من جد سوق طقها وألحقها ..

وعلى فكره .. الأموال السعوديه المهاجره رجعت للسوق السعودي بعدما طردت من السوق الأمريكي بسبب تلاعبهم المتواصل بالسوق ..

ومؤسسة النقد السعودي ثلاث أرباع قوانينها تدعم هوامير السوق ..

اللي عنده فلوس ما يبيها .. ومضايقته .. يحطها في السوق السعودي ..

أؤيد الدانة طبعا .. لا فيه لا تحليل أساسي ولا فني ولا مؤشرات ..

 

[waseem]

سقوط نظام صدام حسين .
ارتفاع اسعار البترول .
رجوع نسبه ولو انها بسيطه من الاموال السعودية بالخارج .
القروض بالنسب الخيالية التي تقدمها البنوك ووصول الطلبات لأرقام تاريخية .
كمية الحديد المصدر للخارج والمحجوز لمده سنتين قادمة من انتاج سابك للصين .
اكثر من 7 مليون خط جوال .

كل هذه وماتبي الشركات والبنوك ترتفع وترفع معاها المؤشر اجل وش بقى .

انا معك بإن السوق معرض للنزول ولكن بسبب الأعمال الإرهابية التي قاعده تصير واللي اذا ما تم استأصالها في اقرب وقت ستؤثر على الاقتصاد السعودي ومجال الاستثمار فيه .

 

[الدانة]

- 151 نقطة في يوم واحد

الله يستر من الجاي

 

[Alrowii]

المسألة لا يمكن ان تكون احاسيس او هوامير على قولة الاخت دانة ، هناك تحليل فني وكل الاسواق تتعرض الى نكبات حتى السوق الامريكي ، فلا بد من وجود دعم وارتداد والاسلم ان نتبع التحليل الفني للمؤشر السعودي وعلى ضوئه ممكن ان نعرف مستقبل المؤشر للسوق ....... مع احترامي للجميع

 

[meshal]

المسألة لا يمكن ان تكون احاسيس او هوامير على قولة الاخت دانة ، هناك تحليل فني وكل الاسواق تتعرض الى نكبات حتى السوق الامريكي ، فلا بد من وجود دعم وارتداد والاسلم ان نتبع التحليل الفني للمؤشر السعودي وعلى ضوئه ممكن ان نعرف مستقبل المؤشر للسوق ....... مع احترامي للجميع

ياجماعه مشكلتنا تدرون شنهي ؟؟؟


ببساطه ؟

نحنو ضعااااف !!

حتى في التفكير

بالنسبه للاقتصاد , للسياسه , بالاجتماع , بكل المجالات حتى في مجال الفن واسخف المجالات عندنا مشكله دايم نعول عليها وهي ؟.؟؟





المؤامره !!!!


هذي مشكلتنا

ماناخذ بالاسباااااب كل نزلة سوق وراها شخص يلعب في تحركات السوق

كل مصيبه في بلد وراها اسرائيل او امريكا !!

كل زلقه قلنا مؤامره !!

ولا ناخذ بالاسباب ولا نستفيت من الاحداث


احلا كلما سمعتها من شيخ بدون ذكر اسمه قال

الناس هو يستفيدون من الاحداث ولا يخلقون الاحداث . ( انتبه !! ) واخشا على من يعتقد بهذا الاعتقاد على عقيدته من هذا التفكير !! انتها كلام الشيخ


ويقصد ان الخالق للاحداث هو الله وليس البشر والشاطر الي يستغل الاحداث لصالحه


ولا اريد ان اطيل ولكن فلننظر في وضعنا هنا

لاشك ان الاسواق من خلقت وهي في نزول وفي صعود ولا عمرنا سمعنا عن سوق دايم مرتفع !! اذا في سوق جذي دلوني عليه

وماكو انهيار يكون الى وورائه اسباب سببت هذا الانهيار

فإذا السوق سوف ينزل لابد من سبب فأين سبب النزول ؟؟؟ اذا كان في مؤامره حول السوق في الايام القادمه سوف تنزل السوق فأين المصدر؟

اذا ماكان فيه مصدر ويقول الشخص انه اهو كان قاعد وياهم وسمعهم يتآمرون على السوق فوين المكان الي كان قاعد وياهم خلنا نقعد احنا بعد ونسمع


في الختام قصه


دائماً اهل السوق الكويتي يقولون الصناديق الاستثماريه هي الي خسرتنا وهي الي سوت وهي وهي ( تبرير موقفهم من الخساره وأسبابها ) يقول احد الاخوه ممن كان يعتقد هذا الشي

وقد وضع امواله في صندوق استثماري واراد ان يسحبها يوماً قال جيتهم قلت ابي فلوسي

ردو عليه قالو السوق نازل الحين ومانقدر نبيع انطر ارتفاع السوق وابشر بالخير !! ............

وهو له علاقه مع مدير هذا الصندوق .!

آسف على الاطاله

 

[عائض بن فيصل ال رشيد]

السوق السعودي

والله انه يضيق خاطري اذا شفت موضوع يتكلم عنة
نصيحتي انسى


ان فية سوق سعودي للاسهم

طبعا لايفهم من كلامي اني ضد طرح الموضوع

شكرا

 

[الشامري]

ياجماعه مشكلتنا تدرون شنهي ؟؟؟


المؤامره !!!!


هذي مشكلتنا

ماناخذ بالاسباااااب كل نزلة سوق وراها شخص يلعب في تحركات السوق

كل مصيبه في بلد وراها اسرائيل او امريكا !!

.......................................................................................................

ويقصد ان الخالق للاحداث هو الله وليس البشر والشاطر الي يستغل الاحداث لصالحه

لك مني تأييد مطلق

 

[الشامري]

لاتتشائم يابن العم والله ان الامر اللي يحزنكم (في المملكه او في اي دوله مسلمه ) يحزنا

واللي يسعدكم والله وبالله انه يسعدنا

........ تفائلوا بالخير تجدوه ...................

 

[abooyaser]

فيه ناس تمشى في لندن وباريس
وناس بشبوكها ترضع بهمها

اسواق دببه و بقر وبعارين وحمير وهم فيه اسواق خنازير
واللبيب بالإشاره يفهم والسلام