طفلي الصغير والشيخ العفاسي

[Hi5]

يا جماعه عندي طفلي الوحيد عمره 5 شهور وطبعا حاله حال أي طفل بهذا العمر يكون كثير البكاء ، وبصراحه لما يبجي بمجرد ما يسمع صوت الشيخ العفاسي سورة ( ق ) إللي مخزنها بنقالي على طول يسكت وتصير فيه حالة هدوء وخشوع مو طبيعيه بصراحه ...

فلما يعجز الكل عن اسكاته بمجرد ما اشغل هالسورة يسكت واشوفه بحالة خشوع ...

مادري حبيت انقل هالشي للدلالة على ان صج صج الله سبحانه يقول : ألا بذكر الله تطمئن القلوب ولم يقل قلوب الكبار بس حتى هذا الطفل الرضيع يسكت ومستحيل يعاود البكاء . وكأن سكوته وعدم بكائه احتراما للقرآن ..

مادري اللي عنده ياهل خل يجرب هالشغله معاه وممكن يصير معاه مثل ما صار معاي ...

انقل لكن هالموضوع للفائدة والشي الثاني للتدليل على ان صج صج القرآن فيه شفاء للنفوس وهدوء وسكينة للقلوب ..

 

[تفاءل بالخير]

سبحان الله

جزاك الله خير

 

[مراقب الاسهم]

سبحان الله

عسالله يخليه ويبارك فيه

ويحفظه من كل شر

تفس حاله ولدي بالضبط

كان عمره بالاشهر كان بشوش ومرح جدا فجاه تغير الولد وانقلب لا ليله ليل ولا نهاره نهار كله يبجي بحرقه كانه مقروص واذا بجي مايسكت من ايد لايد يتناوبون عليه امه وعماته وجدته والخدامات فريت المستشفيات كلها مافيه شي آخر شي رحت لامام مسجدنا ابو احمد عسالله يرحمه ويغفرله ويسكنه الجنه((توفي )) قرى عليه وشربه ماي زمزم ومن عقبها تحسنت حالته من اول ما ركبت السياره وصار بلبل يغرد ويناغي ولله الحمد ورد نومه طبيعي وبعد شهرين رحت العمره وحلفت اني اجيب معاي ماي زمزم لابواحمد اللي قرى عليه لكن تفاجات ان ابو احمد امام المسجد توفي قبل لايوصل له الماي عسالله يسكنه الفردوس الاعلى ويتقبل منه صالح الاعمال ويوفق ويصلح ذريته ويبارك فيهم

صحيح القرآن فيه شفاء للناس وقراءته تهدي النفوس

 

[yoyo1983]

سبحان الله

 

[NoOoOoR]

ماشاءالله الله يخليه لك