محمدهايف: السجن 6 أشهر لمن يُعاكس أنثى

[ياسر الروقي]

قـــدم النائب د.محمد هــايف اقــتراحا بقــانون لـ «قمع المعاكسات في الأماكن العامة»، ينص على ان يعاقب بالحبس مدة لا تجاوز 6 أشهر وغرامة لا تجاوز ألف دينار أو بإحدى هاتين العقوبتين كل من عاكس انثى بمكان عام.

 

[ياسر الروقي]

يا كثر اللي بيدشون السجن لو تمت الموافقه على القانون

 

[قلم حر]

والمسكين الذكر لما يعاكسونه مافيه قانون يحميه

 

[acton]

شذنب مهند كل من يعاكسه

 

[ياسر الروقي]

والمسكين الذكر لما يعاكسونه مافيه قانون يحميه

لووووووووووووول والله ضحكتني قلم حر
عاد صدق اني اذكر وحده عاكستني
بس شلون ارفع عليها قضيه

 

[قلم حر]

لووووووووووووول والله ضحكتني قلم حر
عاد صدق اني اذكر وحده عاكستني
بس شلون ارفع عليها قضيه

مالك حق ترفع قضيه لك حق ترفع الجام بس

 

[مراقب الاسهم]

لو يمكن جمليه مع السجن تقريعه و15 فنقر تمااااام

 

[ياسر الروقي]

لو يمكن جمليه مع السجن تقريعه و15 فنقر تمااااام

هههههه في عقاب نفسي اقوى وهو عدم وضع مكياج لمدة 6 اشهر
طبعآ راح يترتب عليه انقطاع عن العمل وعدم الخروج من المنزل وراح تصاب بأكتأب كل ما طالعة نفسها بالمنظره

 

[المزين]

اغسل ايدك بديتول اذا وافقو عليه ، عيال الكباريه هم اكبر ناس يسوونها كله معاكس على بنه سياراتهم من البورش و انت طالع إلي بالضاحيه و شويخ و النزهه تعال شوفهم بشارع الخليج ،

لا و الف دينار بعد ، يعني ثلاث ترباع الكويتين بياخذون قروض ،

اقعععععععد البنك لاعب لعبته عدل اي والله بتستانس البنوك من قلب ،


اصلا مستحيل يتطبق هذا القرار ، لأنه بإختصار اذا تطبق راح تصير مشاكل كثيره ، و مضرته اكثر من نفعته ، اذا صار شي او تعرضت البنت لأي معاكسه تقدر البنت تشتكي بأي مخفر و ترفع عليه قضيه و اذا كلش البنت تخلي اهلها يتصرفون مع إلي يعاكسها يعني في حلول ،


عشان ماشالله شبابنا بالجامعه كله بالسجن حتى الدكاتره معاهم ...:cool:

 

[بو ذياب]

اغسل ايدك بديتول اذا وافقو عليه ، عيال الكباريه هم اكبر ناس يسوونها كله معاكس على بنه سياراتهم من البورش و انت طالع إلي بالضاحيه و شويخ و النزهه تعال شوفهم بشارع الخليج ،

لا و الف دينار بعد ، يعني ثلاث ترباع الكويتين بياخذون قروض ،

اقعععععععد البنك لاعب لعبته عدل اي والله بتستانس البنوك من قلب ،


اصلا مستحيل يتطبق هذا القرار ، لأنه بإختصار اذا تطبق راح تصير مشاكل كثيره ، و مضرته اكثر من نفعته ، اذا صار شي او تعرضت البنت لأي معاكسه تقدر البنت تشتكي بأي مخفر و ترفع عليه قضيه و اذا كلش البنت تخلي اهلها يتصرفون مع إلي يعاكسها يعني في حلول ،


عشان ماشالله شبابنا بالجامعه كله بالسجن حتى الدكاتره معاهم ...:cool:

عيال الكباريه تره هم ناس متربيين مو عيال شوارع وعلى فكره اللي تقول عنهم عندهم مواتر اغلبهم مأجرينها او قروض ....

وفكره مشروع القرار ماظنها راح تنجح لانه فيوايد بنات مايخافون الله ومن الصعب تثبت ان الشاب قاعد يتحرش بل بنت

 

[ياسر الروقي]

يا اخوان خلونا نتكلم بموضوعيه اكثر واتركوا الناس وتصنيفاتهم لان هذا راح يخلي الموضوع جدلي ويفقد مضمونه

الحقيقه ان المغازل بالكويت اصبح ظاهره لدرجة انك تشاهد المغازل في كل مكان يعني بالجمعيه بالمستشفى بالوزارات ناهيك عن الاسواق والحدائق وشارع الخليج كله من المسيله لين توصل المسجد الكبير
يعني الامر يحتاج وقفه لانه اصبح مثل المرض في المجتمع وحقيقه الكل ملاحظ مخازز الكويتين في المقاهي والمطاعم شي مقرف
قبل يومين يسولف لي صديق يقول شاب اماراتي لازق في بنت بمجمع ويتحرش فيها بطريقه خلت الناس كلها تلتفت واطالع فيه وهو يكلمها بصوت عالي وانا اعتقد ان هالظيف يعتقد ان هذا الشي طبيعي وعادي بالكويت والامر نقاشه يطول لكن جزاه الله خير محمد هايف على التفاته للموضوع وسن تشريع له

 

[kwt.to.kwt]

نتمنى تفعيل القانون إذا وافقوا عليه

 

[المزين]

عيال الكباريه تره هم ناس متربيين مو عيال شوارع وعلى فكره اللي تقول عنهم عندهم مواتر اغلبهم مأجرينها او قروض ....

وفكره مشروع القرار ماظنها راح تنجح لانه فيوايد بنات مايخافون الله ومن الصعب تثبت ان الشاب قاعد يتحرش بل بنت

أخوي انا ما اجيب الكلام من عندي ، انا عارفهم و معرفه قويه بيننا مثل الاهل من الكباريه و تراهم جنبي انا بالفيحا او ما اطلع او ارد من الدوام شايف كل شي و شلي يصير بهالشارع هذ كله ، و عاف ناس منهم ، و طبعا البعض منهم ، و انا ما اتكلم عن إلي يأجر و من هالكلام لا اخوي انا عارفهم عدل و ما يحتاج انت تميزلي اياهم ،، و لكن شباب و مراهقه توقع يعني 90 بالميه انه يسوي هالشي ،


و الحين بهالايام المغازل و المعاكسات صارت شي طبيعي و عادي بالكويت ، والله العظيم و اقسم بالله وين ما تروح تشوف معاكسات والله انه اطفال من 8 سنوات و انت طالع يتحرشون بالبنات و قدامي عيني عينك ، والله ساعات الواحد يفتشل يطلع مع الاهل اي مكان ، المشكله مافي مكان تروحله إلا و تشوف هالمعاكسات و المغازل ، خلاص قبل وين و الحين وين ، يمكن عند بعض الشباب المغازل صار روتين و ادمان لازم كل يوم يطقله جم فره و يغازل ،


و ابشرك حبيبي من كثر ما المغازل صار شي طبيعي ، تره اخواننا إلي بالخليج كلهم درو انه الشي بالكويت عادي ، روح شوف ايام الاجازه السعوديين و الاماراتيين و القطرين يفترون كل مكان و معاكسات و مغازل في البنات ، و ما اوصيك العيد الوطني و التحرير جايين ، روح شوفهم كيف يتفرون إلي جايين من السعويه و الامارات و قطر و مغازل في البنات و روح بنيدر عند الشاليهات و شوف شكثرهم ،،


انزين إلي جاينه من بره الكويت اذا عاكس بتحبسه 6 شهور..؟؟​

 

[بو متعب]

بالمره اللي تلبس ملابس فاضحة واغراء يكافؤون من يتحرش فيها بسيارة رينو

 

[Amani]

ماتوقع هالقرار صائب انا اعتبره قرار عشوائي وماله معنى
فرض الغرامات الماليه على التجاوزات او عدم تطبيق القرارات اثبت فشله والدليل غرامات السرعه الزايده اللي الناس تدفعها


موضوع المعاكسات بالذات ما ينفع معاه جذي ابدا.. المفروض هالشي يبدي من البيت نفسه ومن التربية والتعليم من كل شي حوالينا احنا ما نيي ونفرض شي على اساس مو صالح لا المفروض نعدل الاساس عشان يصير قوي بعدين نبني عليه مو خربوطه كل شي فوق بعض وبس تخبط بكل شي

وبعدين الغلط مو بس دايما على الشباب في بنات يغلطون شنو عقابهم​

 

[duwailah]

اتمنى تطبيق هالقرار بصراحه وانه ما يكون حبر على ورق .. نبي جديه في الموضوع ..

وانا من رايي يبلشون بشارع الحب ..

 

[Kuwait]

اغلاق

يمنع طرح مثل هالمواضيع

واغلب الردود مالها اي داعي للأسف