ترى طقت جبدنا !! ـ ـ

الموضوع في 'إستراحة المنتدى' بواسطة yoyo1983, بتاريخ ‏21 فبراير 2009.

  1. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    ترى طقت جبدنا !! ـ ـ




    " إي والله إنطقت جبدنا " هذا كان عنوان الإيميل إلي وصلني اليوم

    إيميل برد قلبي بصراحة إيميل إلي كتبتة حبيتها على طول .. الله يعطيها ألف عافية

    وانا أقرا إيميلها حسيت ماي بارد يسرسح على قلبي الله يبرد على قلبها إن شاء الله

    قبل لاتقرون ترا الأإيميل في تفاصيل وايد تعالو عاد فججو العقد

    :)

    v

    v

    والله الدنيا ترى ماتسوى...

    والرب واحد والعمر واحد....

    ياجماعة نبي نفتح الإيميل عشان نستانس، مو عشان تلوع كبدنا ....

    ياجماعة نبي نضحك، نبي نحب الحياة، نبي نتعلم شي جديد مفيد ما اييب الغلقة وضيقة الخلق... كفاية الدنيا فيها أحزان ومصايب.. بعد الإيميل ما خليتوه في حاله؟؟

    إلا عصير البرتقال ماركة الديك يسوي سرطان

    وإلا كورن فلكس النمر يسبب داء الجنون

    والبلاليط مصنوع من أمعاء القطط


    والفاضيين: قائمة بالمواد الغذائية اللي فيها مادة ABCD XWZ 007 واللي تقطع النسل وتذبح جميع البشر وتسبب التسونامي

    واللي أفضى منهم: الدونت والبطاطس المقلية مخطط شنيع لنشر الصهيونية بواسطة دهن الخنزير

    والمصدقين روحهم: أمريكا تغزو ديار المسلمين بواسطة شيبس ليز وسنكرز،

    واللي عادين روحهم أطباء:

    شرب الماء البارد بعد المجبوس = سرطان القولون، وإلا سرطان الجهاز الهضمي كله أحسن

    شرب اللبن قبل الدجاج المشوي التندوري (مو البروستد) = قرحة في المعدة إلى الأبد وماتروح

    أكل السلطة في صحن مسطح من غير ليمون = ديسك في الظهر والرقبة واليد اليسرى

    ومع ليمون = التهاب المفاصل والركب والإصبع الصغير

    عدم أكل وجبة الإفطار الساعة 6 = انسداد في الأوردة بالإسمنت

    خبز الخباز = أمراض الكبد وإنفلونزا الدجاج

    واللي عادين روحهم أصحاب نصيحة:

    لا تآكلون سويت - لاتآكلون برجر

    لا تآكلون آيس كريم - لا تآكلون سمارتيز

    لا تآكلون خبز وجبن

    لا لا لا لا لا لا لا لا لا لا ......

    شدعوة...؟؟؟

    شنآآآآكل عيل؟؟

    كل ما طلع شي جديد ذبحتونا عليه...

    شيليز وكرسبي كريم وماكدونالد وستاربكس وبيبسي هدوا العالم كله وقرروا يخلون المسلمين يأكلون خنزير....

    ترى سندرتونا

    كل شي مسرطن؟؟؟

    يالله...

    كل شي زين وحلو وناجح فيه دهن خنزير وجزء من المؤامرة الصهيونية الكبرى..؟؟

    سلامات...

    ترى فلسطين راحت بدون دونت كرسبي كريم

    وأفغانستان يقصفونها كل يوم بقنابل متقدمة مو ببطاطس مكدونالد

    تركوا عنكم الخرابيط.... وتركوا عنكم حكي الإشاعات...

    الموبايل يسبب التفوئيد

    والصابون سرطان مباشر ما في كلام

    وشامبو جونسون للأطفال اللي كلنا من سنة الطبعة سبحونا فيه واحنا يهال يسبب السرطان ويقضي على الأجيال

    واللابتوب يسبب الحصبة

    والواير مال تلفزيون الصالة فيه ذبذبات خطيرة تسبب جنون البقر لعيال الفريج

    ياحبيبي على وحش التكنولوجيا اللي بيهجم علينا .. لو ما قرينا الإيميلات كان رحنا ضحية الكارثة الإلكترونية البغيضة والوايرات المشربكة

    كل مافتحنا الإيميل: إحذروا.... الامر خطير.... لا يجب السكوت عنه....

    حصل في البحرين: سيدة خذت كارد فيه مادة مخدرة وصادتها دوخة وباقوا فلوسها

    هام جداً جداً جداً جداً جداً جداً جداً

    حصل في مجمع الدانة واكتشفت الشرطة عصابة تنقل الإيدز

    ونفس الإيميل نسخة (ماتعبوا روحهم يغيرون التفاصيل) عن مجمع "الغرير" في الإمارات..

    والله شلخ... وشلخ بايخ بعد

    شالخرابيط؟؟؟ تقصون على الناس؟؟ تطلعون إشاعات وترجونها ليش؟؟؟


    ياجماعة ترى رب العالمين شديد العقاب صح


    بس بعد غفور رحيم، وسعت رحمته كل شئ

    والحي أبقى من الميت..

    والرسول عليه الصلاة والسلام جدّم الفرح على الحزن...

    والله قال: "ولا تكن فظاً غليظاً"

    هاذي غير وصايا وتحف الاستهبال:

    الشيخ فلان مكشوف عنه الحجاب شاف منام اللهم صل عالنبي

    وكلكم لازم تقرون الإيميل وتطرشونه حق 10 أشخاص وإلا بينهار سد مأرب... شكو؟؟؟

    بسكم عاد من سوالف الترهيب والفتاوى اللي تلف الانترنت كل يوم...

    وما يبط كبدي الا جماعة "ارسلها"... عشان خاطر حبايب خالة جيرانكم ترسلها... ارسلها ترى بتندم... ارسلها أمانة عليك يوم القيامة.... استحلفك أن ترسلها.. رح زين

    وانت منو تحملني أمانة وتستحلفني مرة وحدة يا أخي؟؟؟

    داش إيميل وإلا داش حرب؟؟؟

    وعيال عمهم: جماعة "انشر".. إعلان أهو؟؟ ولا تسويق إجباري؟؟

    ما قاصر الا يقولون لك: "انشر احسن لك" أو "احترم نفسك وانشر"

    والا اللي ايقول لك: إذا تبي لا ترسلها... بس الأجر بيروح عليك...

    يعني الأجر ألحين كله صار في هالإيميل...؟ انصك باب الحسنات يعني؟؟؟

    ومن خولكم تطلبون من خلق الله ترسل إيميل؟؟؟ مو على كيفكم من يرسل ومن ما يرسل وشنو يرسل...

    والمتفلسف يقول لك: لا تخلي الشيطان يقص عليك وما ترسلها

    احذر أن يوسوس لك إبليس أن لا ترسلها

    حلفوا عاد؟؟؟

    الشيطان قاص عليكم وماكل بعقلكم حلاوة وانتوا بس تارسين لنا الـinbox بإيميلات متشابهة كل يوم نفسها توصلنا

    وعباقرة الرياضيات: طرشها مرة تكسب 456739832469 حسنة

    طرشها مرتين تكسب 849656504594547664444748700000

    حسنة..

    "؟؟؟؟؟؟؟؟؟؟؟؟"

    بس ملينا.. حتى الدين ما رحمتوه؟؟

    ياجماعة.. "الكلمة طيبة صدقة"

    والدين يسر...

    الإيميل وسيلة تبادل معلومات خفيفة واستفادةو دعوة، ولا مركز خدمات أمراض الموت... ولا مركز التحذيرات من عصابات البش والدبش، ولا أداة للتنفير من الدين
    وإذا الإيميل له قيمة وفيه فايدة الكل بينشره بدون صيغة الأمر البايخة.. وطريقة أرجوك أحب خشمك ترسلها

    والناس أدرى باللي ينفعهم، ما يحتاجون أحد يقول لهم شنو يسوون

    خلوا الإيميل جزء حلو من اليوم، يرسم ابتسامة، ويضيف معلومة

    مع تحيات: وحدة طقت جبدها من إيميلات تحتوي المذكور أعلاه

    *******************************

    تعليقي على الموضوع



    لا ننسى هالحديث الشريف عن الحبيب عليه أفضل الصلاة وأتم التسليم قال : شر الأمور محدثاتها وكل محدث بدعة وكل بدعة ضلالة وكل ضلاله بالنار

    اللهم آجرنا من النار
     
  2. Shima

    Shima عضو نشط

    التسجيل:
    ‏17 أغسطس 2007
    المشاركات:
    1,120
    عدد الإعجابات:
    0
    ياجماعة.. "الكلمة طيبة صدقة"

    والدين يسر



    لا ننسى هالحديث الشريف عن الحبيب عليه أفضل الصلاة وأتم التسليم قال : شر الأمور محدثاتها وكل محدث بدعة وكل بدعة ضلالة وكل ضلاله بالنار

    اللهم آجرنا من النار


    بارك الله فيك ......... شكرا لك اخت سويت
     
  3. موادع الشرقية

    موادع الشرقية عضو جديد

    التسجيل:
    ‏18 سبتمبر 2007
    المشاركات:
    92
    عدد الإعجابات:
    0
    مكان الإقامة:
    KSA

    كلام صحيح
    شكرا
     
  4. ريّس نفسه

    ريّس نفسه عضو جديد

    التسجيل:
    ‏17 يناير 2009
    المشاركات:
    587
    عدد الإعجابات:
    0
    فكرت احط هالموضوع بس قلت اكيد راح اييني المراقب يقولي ليش

    اتحلطم ؟؟؟ ما تعرف قوانين المنتدى .. التحلطم ممنوع ممنوع ممنوع :d

    وانا مؤيد لما ذكر في الايميل .. صاجه ،

    تسلم الايادي
     
  5. الهمس الخجول

    الهمس الخجول عضو مميز

    التسجيل:
    ‏6 أكتوبر 2008
    المشاركات:
    8,739
    عدد الإعجابات:
    2
    فعـــــــــــــــــــــــــــــــــلاً كثرت قائمة الممنوعــــــــــــــات هالأيام وبشكل ملفت للأنتباه - شكراً لصاحبه الطرح
     
  6. ^البرنس^

    ^البرنس^ عضو جديد

    التسجيل:
    ‏8 يناير 2009
    المشاركات:
    256
    عدد الإعجابات:
    0
    مكان الإقامة:
    الكويت
    هههههههههههههههه

    هذي ما خلت شي ما قالتله

    صراجه صاجه والله

    كل يوم طالعين بشغله غريبه

    جتى مره قاعد ويه شياب عشا عندنا بالبيت

    جان يقولون شنو هذا الزمن الي كل مانبي ناكل شي قالو ممنوع
    حتى اللحم ما ناكل والبيطاط لا عيل شنو ناكل
     
  7. NoOoOoR

    NoOoOoR عضو نشط

    التسجيل:
    ‏18 أغسطس 2008
    المشاركات:
    10,667
    عدد الإعجابات:
    9
    مكان الإقامة:
    الكــويـــت....:))
    شكرا على الموضوع
     
  8. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    thanx
     
  9. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    العفووو
     
  10. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    الله يسلمك حط اي شي مدام انك ماجرحت بأحد :)
     
  11. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    شكرا على مرورج
     
  12. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy


    :) :) : )

    شكرا على مرورك
     
  13. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    ثانكس
     
  14. acton

    acton عضو نشط

    التسجيل:
    ‏22 فبراير 2008
    المشاركات:
    6,336
    عدد الإعجابات:
    3
    مكان الإقامة:
    UK-Acton-W3
    اكل ماتشهي نفسك والبس مثل ماتشتهي الناس
    فعلا طقت جبدنا
    شكرا
     
  15. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    العفو صديقي :)