اشارة الخروج من السوق ؟؟؟؟؟؟؟؟

[الاسهم باعتني]

من الملاحظ اليوم بداية خروج نهائي من بعض الاسهم وبكميات كبيره لجني الارباح وانتظارها للنزول مره اخرى لقيعان اكثر عمقا ولو تلاحظون التسييل حتى على اسهم البنوك .

واذا ما ني غلطان اتوقع الهبوط المفاجئ المباغت خاصة قبل العطله ومن ثم الانتظار لبعد صدمة مناقشة خطة الاستقرار المالي التي هيا بمثابة تحليل معاشات فريق الاطفاء بقيادة فرق نقل الموتى من البورصه للمحاكم .

 

[weld.q8]

على أي أساس .................اخوي اشاره الخروج من السوق ..... هل من واقع تحليل

 

[سوق الجت2009]

اكثر من محلل صرح اليوم بان السوق اعطى اشاره خروج


بس حنا اغلب محللينا كلامهم مو مضبوط ويطلع العكس
​

 

[أسد سليمان ملك]

اكثر من محلل صرح اليوم بان السوق اعطى اشاره خروج


بس حنا اغلب محللينا كلامهم مو مضبوط ويطلع العكس
​

ليس كل محلل محلل وليس كل من رسم شارت يصدق ولكن يجب عليك معرفة لو القليل من التحليل الفني حتى لا تكون تباع فتسقط بالهايه من ثم تقول محللينه كله العكس

 

[Bo_jassim]

ليس كل محلل محلل وليس كل من رسم شارت يصدق ولكن يجب عليك معرفة لو القليل من التحليل الفني حتى لا تكون تباع فتسقط بالهايه من ثم تقول محللينه كله العكس:d

اي ديد نوت انديرستاند انيثيج يا كازن
الترجمه: لم افهم شيء يا ولد العم
:d

 

[الاسهم باعتني]

على أي أساس .................اخوي اشاره الخروج من السوق ..... هل من واقع تحليل

اخوي لو متابع اخر تحليل فني موجود بالمنتدى يبين عندك ان السوق لو ما كسر حاجز 6700 يكون خروج من السوق وخروج نهائي لو كسر 6600 .

الشئ الثاني السوق مضاربي في الوقت الحالي والاكيد ان كل الشباب بياعين قبل عطلة العيد الوطني نادرا ما راح تشوف مضارب بيزاته مو بحضنه اربع ايام عطله هذا رأي متواضع اطرحه عليكم والنقاش حلو ولا خاب من استشار .

 

[صوفان]

انا مالي بالتحليل وايد لكن السوق اليوم نزل حيل والاسهم القياديه نزلت اذا باجر فتح بنزول انا اول واحد ان شاء الله بشرد واسيل بعدين اركد الي بعد العطله ... فالكم التوفيق

 

[باحث قانوني]

السلام عليكم
اخواني اعتقد كلام اخونا مضبوط
انا ماني محلل ولكن لي النظره العامه حالي حال اي واحد بالسوق
والمال عديل الروح
انا متابع السوق الخليج بصفه عامه من بدايه الازمه
في الاسابيع اللي فاتت السعودي ونظره خاصه السوق القطري
صعد صعده حلوه ولكن للاسف قوع فيهم حيل وهذا إن دل يدل على التسييل
والسعودي بعد السبوع الماضي نزل حيل ومفاجأ
والكويتي صعد وبعدها تذبذب وقلبيت الناس تقول لابد يصحح اهو صعد علشان يصحح
وصعوده كان أعلان الربع الاخير لا أكثر ولا أقل علشان التفصيخات
لبعض الاسهم
والله يستر منه
واكثر المحللين يقولون كسر الوزني
وهناك قاع جديد بالاسفل
وعسى الله يكفينه شر الخساير
قووووولوا آميييييييييين

 

[سوق الجت2009]

ليس كل محلل محلل وليس كل من رسم شارت يصدق ولكن يجب عليك معرفة لو القليل من التحليل الفني حتى لا تكون تباع فتسقط بالهايه من ثم تقول محللينه كله العكس:d

الحمد لله عندي خبرة بسيطة بالتحليل وتاكد ان بالكويت لا يوجد اي شخص يتقن التحليل وكلهم هواه وحتي فوزي الصبيح مايعتبر محلل مع انه اكثر شخص متغلغل بالتحليل الفني بالكويت

الي عندما هواه بالتحليل وينقصهم الكثير مع احترامي لهم

 

[{Wolf}]

الحمد لله عندي خبرة بسيطة بالتحليل وتاكد ان بالكويت لا يوجد اي شخص يتقن التحليل وكلهم هواه وحتي فوزي الصبيح مايعتبر محلل مع انه اكثر شخص متغلغل بالتحليل الفني بالكويت

الي عندما هواه بالتحليل وينقصهم الكثير مع احترامي لهم

فوزي الصبيح اكثر شخص متغلغل بالتحليل
صح كلامك خاصه لمه وصلنا إلي قمة السوق وقال السوق رايح 20 الف

 

[{Wolf}]

its time to run away even for the short term

 

[سوق الجت2009]

its time to run away even for the short term

جنها صارت

 

[mbshier]

السوق نزل من 15600 و توه الحين يعطي اشارة الخروج !!!!!!


كان فيه مليون اشارة خروج قبل واللي ما لحق يطلع ...راحت عليه

 

[الاسهم باعتني]

السوق نزل من 15600 و توه الحين يعطي اشارة الخروج !!!!!!


كان فيه مليون اشارة خروج قبل واللي ما لحق يطلع ...راحت عليه

اخي العزيز لو كنا اتبعنا اشارات الخروج من السوق ما كان هذا حالنا ولازم نتعلم من اخطاءنا بس نتبع اشارات المرور ونكسر اشاراتنا الحمرا بس .

 

[{Wolf}]

السوق نزل من 15600 و توه الحين يعطي اشارة الخروج !!!!!!


كان فيه مليون اشارة خروج قبل واللي ما لحق يطلع ...راحت عليه

السلام عليكم أستاذي اعتقد انه عندك سوء فهم الشارت اللي نزلته
يبين لك الخروج من الترند الصاعد اللي كان متكون علي المؤشر الوزني
واللي فيه بعض الاسهم حققت ربح بنسبة 100% بل و أكثر
اما مسألة نزول السوق من 15600 فهذي مسأله منتهين منها منذ زمن بعيد
لو كنت تعرف تقرأ الشارت ما قلت السوق نزل من 15600 وتوه يعطي اشارة خروج
تقبل تحياتي

 

[قديم في البورصه]

السوق مو طيب خرووووووووووووووووووووووووووووووووووووووووووووج
الله يستر اهداف الاسهم تخرع بس فيه حل واحد لصعود السوق وتتغير الاهداف الحل هو 0000000حل المجلس غير جذي مافيه

 

[سوق الجت2009]

السوق مو طيب خرووووووووووووووووووووووووووووووووووووووووووووج
الله يستر اهداف الاسهم تخرع بس فيه حل واحد لصعود السوق وتتغير الاهداف الحل هو 0000000حل المجلس غير جذي مافيه

الامير الله يحفظه قال ان هو متمسك بالديمقراطية يعني ماكو حل لمجلس الامة

 

[قديم في البورصه]

الامير الله يحفظه قال ان هو متمسك بالديمقراطية يعني ماكو حل لمجلس الامة

السووووووووووووووووووووووووق رايح لتحت الله يسترنا بستره

 

[عصويد]

حرام عليكم التعميم علي السوق كله وراح أتشوفون باجر الاسهم ألي فيها خير اشلون راح يشيلونها.اتقوا الله في انفسكم لاوصل السوق القاع تقولون قطوا خروج

 

[wld al salmiya]

الله يكتب اللى فيه الخير

اعضاء مجلس الامة اغلبهم موافقين على خطة الانقاذ وخصوصا بعد رساله سمو الامير حفظه الله ورعاه من كل شر

حتى اللى ماكان موافق الحين وافق

وان شاء الله تاثر الاخبار هذى تاثير ايجابى على السوق فى الجلسات القادمة