لو جاتك شنو بتسوي

[مساهم11]

لو نجح مشروع الغانم بتوزيع مبلغ 10 الاف دينار
لكل كويتي
وجاك المبلغ شنو راح تسوي فيه ؟

 

[مراقب الاسهم]

لو نجح مشروع الغانم بتوزيع مبلغ 10 الاف دينار
لكل كويتي
وجاك المبلغ شنو راح تسوي فيه ؟

الله يعطيك العافيه مساهم 11

مقترحات النواب اوهام
ومشاريع الحكومه سرااااااااااااب
وللعلم
مشورع العانم قرض بدون فوائد وليس هبه وحاله من حال القروض

ولا اعقد انه سيرى النور بالمجلس الانه سيحل قبل

وان صار انا اول و احد من يذهب للبنك الربوي اللي انا فييه واكيش القرض بافي منه 4 آلاف ويخلص والبافي احج فيه واعلن التوبه من الربا

 

[مساهم11]

عسي الله يوفقك اخوي مراقب اسهم
ويبغكك نيتك ويسد عنك دينك ويوفقكك للحج ويفكك من اسر البنك الربوي

اخوي مراقب هي مجرد احلام الراعي

والا النواب شاطرين يلعبون بمشاعر الالم

 

[yoyo1983]

اغير سيارتي ​

 

[NoOoOoR]

للحـــــــــين ما فكرت !!!!!!!!!

بس اكيد بتنصرف على طــــــــول )))))))

 

[Shima]

انت تبينا بس نحلم معك واخرتها مايعطونا شئ ,,
اشتري فيهم بيت بالمدينه المنوره واسكن فيه ,, ​

 

[alanzi]

لو صااار ليصير البيبسى بدينار
وكل شي رااح يرتفع
وطيح ببطون التجااار

وكأنك يا ابو زيد ما غزيت

 

[مساهم11]

سويت ليلي
مبروك مقدما ولكن ما قلتي اي سياره بتشترين


نور
تخطيط سليم ونظره مستقبليه



شيماء
خلينا نحلم شوي مو خسرنين شي وبالنهايه حلم
ومشروع ممتاز شراء بيت ببقعة مباركه وبجوار الحبيب صلي الله عليه وسلم



العنزي
لا تظلم التجار ولا تنسي وراهم شحن ومخازن
ولا فيها شي لو زادو البيبسي لدينار
ربعنا واخوانا !!!

 

[q8-1978]

بصراحه ألف العالم كله فيهم

شكرا لك

 

[maha_Q8]

(( لو نجح المشروع )) !!! ؟؟؟​

 

[أبو أنفال]

لو تفتح عمل الشيطان ؟؟؟؟؟........ الله يلعنك ياشيطان كله مزاحمنا مع اقتراحات النواب

 

[على نياتي]

لو صااار ليصير البيبسى بدينار
وكل شي رااح يرتفع
وطيح ببطون التجااار

وكأنك يا ابو زيد ما غزيت

والله ياخوفي انه هذا اللي راح يصير وساعتها نلعن الساعه اللي عطونا القرض ,,,, بالنسبه لي آنا ازيد كمياتي بالاسهم وهي خساره خساره اورثها لعيالي ولا آنا لله الحمد ماشيه معاي مستوره ,,,

 

[راشد (بو نواف)]

اتزوج ثانية

 

[fabulass]

ما يبيله بعد خو احنا ما نتوب من السوق

 

[الأرستقراطي]

اتزوج ثانية

10 الاف ما تزوجك يا بو نواف ،،، جان بس مهر ميخالف ،،، هذا الاقتراح آنا قايله من 3 سنين بس لو يخلون ال 10 الاف 20 الف أحسن ،،، علشان ما يبقى واحد من الطبقة الكادحة مديون ،،،

 

[قلم حر]

اشتري تلفزيون ملون

 

[الوافي ابو محمد]

بخليها وديعه ثابته

 

[شجرة العود]

أخوي لو بيعطونك 10 آلاف أو 100 ألف نفس الشي تدري ليش
في مثل يقول المدبر غلب المعبر شنو الفرق بينهم
المدبر لو راتبه قليل بيحسن التصرف وبيدبر أموره وبيوفر
والمعبر هو الشخص اللي يصرف ويصرف بدون تفكير وتدبير وبلحظة تلقى كل ما معاه نفذ ينطر آخر الشهر المعاشات
في ناس من جماعتنا توفى ابوهم وتوزع الورث بين عياله طلع لكل واحد تقريبا 3 مليون ريال المهم في منهم من ضاعف الـ 3 مليون ومنهم من مابقى معاه شي منهم
يعني باختصار المشكلة مو في الفلوس المشكلة في مالكها​

 

[راشد (بو نواف)]

10 الاف ما تزوجك يا بو نواف ،،، جان بس مهر ميخالف ،،، هذا الاقتراح آنا قايله من 3 سنين بس لو يخلون ال 10 الاف 20 الف أحسن ،،، علشان ما يبقى واحد من الطبقة الكادحة مديون ،،،

من صجك بوخالد ماتزوجني

انا رجال مشدق مابي واحدة صغيرة ابي واحدة نصوف لا عرس ولا طقطقة

 

[مساهم11]

يا جماعه شفيكم انتوا اقبلوا العشره والله بيبارك فيها
لا تردون الخير
الي بيتزوج يدور له وحده علي قد حالها مو وحده تبي فيلا وسياره
والي بيساهم يدور اسهم ابو ال 20 فلس
والي بيحطها وديعه هم بعد زين حلوين

انا الصراحه بسدد فيها ديوني ولو انها ما تكفي بس بتخفف الحمل شوي


طبعا انا مثلكم احلم بس يمكن تصير ليش لا