help

[ام محمد]

السلام عليكم ورحمة الله وبركاتة
انا جديدة على السوق الامريكية وراح ابداء هذا الاسبوع انشاء الله . محتاجة مساعتكم يالخبراء تنصحونى فى سهمين - سونق - ويكون ربحهم طيب عشان ما اتشائم من اول مرة . الله يخليكم ياليت يكونون مطابقين للشريعة .

سلام

 

[ابى0لقمه]

السلام عليكم ورحمة الله وبركاتة
انا جديدة على السوق الامريكية وراح ابداء هذا الاسبوع انشاء الله . محتاجة مساعتكم يالخبراء تنصحونى فى سهمين - سونق - ويكون ربحهم طيب عشان ما اتشائم من اول مرة . الله يخليكم ياليت يكونون مطابقين للشريعة .

سلام

يديده وتعرفين معنى كلمه سونق

 

[بو أفنان]

انا شفت help

حسبالي سيارتج مبنجره والسايق ما يعرف يبدلج الاسبير

 

[SCREENER]

اللي عنده لايقصر مع اختنا ام محمد .

 

[ام محمد]

 

[alattar]

حياج الله ام محمد بينا ان شاء الله تفيدين وتستفيدين

اختي الفاضله

شنو نوع الأسهم الي تبينها

انا انصحك بما انك مبتدئه عليج بالاسهم المحترمه والي فوق 10 دولار

وبعد ما تشربين الصنعه ان شاء الله ماينخاف عليج في حالة دخولك في اسهم الصغيره

انتظري اليوم ان شاء الله في سهم رخيص بس في علامات ايجابيه وان شاء الله اذا اعطى نقطة شراء راح احطه

وان شاء الله تستفيدين منه وتدعين لنا

تحياتي

 

[مستثمر73]

والله سبع وأصيل يا العطار



الله يجزاك كل خير ويبارك لنا ولك في المال والولد.


وهذا سهم لمن يريد الأستثمار المتوسط والآمن ===> Hdi

هذا السهم عندي من 1997 ومازلت أحتفظ به مثل الذهب...


وبالله التوفيق

 

[ابى0لقمه]

ام محمد

CmkX
ONEV

 

[عائض بن فيصل ال رشيد]

مادام العطار وعدك يساعدك
فلن نقدم اسهم افضل من الاسهم الي بيوصيك عليها

وكمان انتظري ابو محمد مارح يقصر

 

[ام محمد]

شكرا اخى العطار وفى الانتظار
شكرا اخى قاصد كريم وابى . لقمة و مستثمر 73 على تعقيبكم

 

[المحبوب2]

فيه سهم حليو اشتريه وادعيلي الي هو jdsu
بس بشرط تصيدينه بسعر 3.6
وعندج سهم اسمه سهم hec بس مشكلته هالسهم ان يحب الحريم مايحب الرجال ههههههههههههههههههههه

 

[ام محمد]

فيه سهم حليو اشتريه وادعيلي الي هو jdsu
بس بشرط تصيدينه بسعر 3.6
وعندج سهم اسمه سهم hec بس مشكلته هالسهم ان يحب الحريم مايحب الرجال ههههههههههههههههههههه

ايش معنى بس الحريم ؟

 

[ام محمد]

ديربالج ام محمد ترى السوق الامريكى خطر

انا اول مادشيت خسرت ثلاث ارباع المبلغ الى دشيت فيه خلال يوم واحد صكت فينى الدنيا قمت وسحبت باجى المبلغ الى ظل عندى للكويت وخليت بس 500 دولار قلت اذا طارو بالطقاق قمت وشريت سهم ابو 0002 والله وفجنى فيه وصار خلال اسبوع 0012 انا بعته 001 وطلعت شوى من خسارتى فاانا انصحج لاتطيرين فلوسج اذا ماتعرفين دشى بمبلغ الف دولار اغصى شى طقطقى فيه يمكن الله يرزقج منه

ولا شرايكم شباب

الحمد لله . وشكرا على النصيحة اخى ابى. لقمة
بس حلوة ( اغصى ) يمكن قصدك ( اقصى )

 

[المحبوب2]

ياام محمد ربي يخليج تابعي هالسهمين من جد وراح تربحين باذن الله
jdsu سعر الشراء علي 3.5 وسهم cien 3.5 والسهم الي يحب الحريم لان كل وحده دشت فيه ربحت غالبا اما انا والشباب فحدث ولا حرج لووووووووووووووول

 

[ام محمد]

شكرا اخى بواحمد
اسفة على التأخير . بس واحد نصحنى بسهم Ulte وشريته ب4.58 شكله فى طلوع جيد . والله كريم .

 

[شراره]

أفضل طريقه للرد السريع أن تجعل النك مالك نك وحده


والله وردوووووووو عليك جيش يا أبوووووو محمد قصدي أم محمد

:d

 

[المحبوب2]

لووووووووووووووووووول شراره صح لسانك هههههههههههه انا بقيت اسويلي نك بنت بس قلت ماابي اجذب لو مسويلي جان علموني الربع عدل هههههههههه

 

[الدانة]

حياج الله أم محمد .... و السهم اللي اخترتيه زين ان شاء الله ... بس يبي لش تسألين عن نقاط الدعم و المقاومه حقه علشان تعرفين هدفش زين ....

أما بو أحمد .... الانترنت يخبي فضايح و أحلى ما فيه انه ما احد يعرف هويتك تعرف ليش الشغله حلوه .... علشان تعرف منهو الخايس من الخنين ... يعني الشين من الزين .... و انت شوف المنتدى كله نصائح و تعليم و استشارات و نشامى و كرم و آدب و غيرها من الأشياء الزينه .... يعني مو مقتصره السالفه على الحريم و البنات فقط .... لكن زي ما يقولوا
" حاسدين الفقير على موتة الجمعة "

موفقين

 

[المحبوب2]

يادانه علي كلامج فيه الزين والخنين عيل ليش ماتعلميني سالفه الشموع خلينا نستفيد منج ونعرف ايش شغلته هالشموع انا قلتلج بس انتي مارديتي
يعني لو لنل مسمي نكي ام فهد كان كل الشباب ردو علي اسئلتي وكلام شراره صح بس شسوي مااحب الجذب حتي لو من ورا الجهاز احنا نحب الصدق والصراحه والرزاق هو الله سبحانه ولنا الله ياشراره لوووووووووووووووووووووول

 

[الدانة]

هلا اخوي بو احمد ما ليه داعي اشرح عن الشموع و انا اصلا تعلمتها من موضوع ابو راشد في المنتدى ... و ما كان كاتبه لأم أحمد أو أم فهد أو أم الدانه أو الدانه أو أم سعد أو أم حمد أو أم محمد ..... يعني كان كاتبه للجميع ...
http://www.indexsignal.com/vb/showthread.php?t=14550

لكني ان شاء الله راح اضيف اليه بعض الشيء عن الشموع بعد ما ترجمة بعض الدروس من موقع انجليزي ... بس اعدل فيها شوي و ان شاء الله الأسبوع القادم يكون جاهز ...

ابشر يا ابو أحمد و يا ابو سعد و يا ابو حمد و يا ابو فهد و يا ابو الدانه و يا ابو محمد ........الخ ....


هههههههههههههههههههههههههههههههههههههههه

و إن شاء الله تشوف الدروس و تسمعها في غرفة البالتوك اللي يبي يسويها اخونا العزيز ابو راكان جزاه الله خير ...

موفقين