simg للمتـــابعـه

[meshal]

في مقاوه حالياً عند 12.25

اتوقع اذا تجاوزها راح يتجه الى 13.75 واحتمال يوصلها بنفس اليوم

في مقاومتين قبل الهدف

1- 13

2- 13.45 تقريباً


والله اعلم

على العموم نريد الراي حول الموضوع

 

[waseem]

فنان كيفك يالغالي في مساله اشار لها الموسيقار بتغير المضاربين سلوكيات المضاربه كل فتره واخره في حركه السهم وهذا السهم راح يكون بإذن الله roxi اخر بمعنى مع وجود قابين كل واحد يخرع اكثر من الثاني الا ان السهم والله اعلم سيفتح يوم الاثنين على انخفاض طفيف وبعدها راح يكون هذفه بين 13.75 كما ذكرت و 14 .

بمجرد وصول السهم لأحد هذه السعرين يكون الخروج من السهم مهم لأن الاقفال سيكون والله اعلم بسعر الافتتاح او اقل .

السهم حلو مثل راعيه وتسلم عليه

 

[waseem]

شغله حيت اضيفها يافنان خلينا على 3.75 والخروج وننتظر حركه السهم حتى لو طلع الى 14.13 لا تهتم الا اذا لامس الهاي السنوي 14.14 راح يكون لنا كلام ثاني .

 

[meshal]

وسيم سبب ارتفاع هذا السهم ارباح اكبر من المتوقع ويتوقعون بالربع الثالث كذالك نمو بالارباح هذا الي فهمته

ولكن السالفه سالفة الشارت الحين يقول في اشارات ارتفاع طيبه راح تصير انشاءالله

ولكن هو بالبري ماركت الحيت تعدى نقطة البدايا وهي 12.25 يعني انطلاقه انشاءالله



انا اخاف من شي اسمه نسبه ربح كبيره بيني وبينك يعني لو فرظنا الهدف 13.75 بنفس اليوم معناتها ارتفاع بمقدار 12%

وهو شي جايز ولكن الواقع يقول انه لابد من جني ارباح

اعتقد الخروج قبل 13$ اظمن ومن بعدها الدخول والخروج قبل المقاومه الثانيه وهكذا

الى ان نأتي الى الهاي السنوي وبعدين تحدد لنا هدف البيع لأن اهل مكه ادرى بشعابها

 

[waseem]

العب لعبه السوق ولعبه السوق الحين تطير السهم حتى لو فيه قاب انا قول 13.75 هي الأظمن للخروج لكن مو معناه ان السهم ماراح يروح 15.5 - 16 بقاب مفتوح هذا الاحتمال وارد ولو مافي قاب كان خليت هذا الهدف اذا مو اكثر .

مشعل اصول اللعب في السوق الاحظة تغير وراح نغير بعض الاستراتيجيات معاه .

 

[waseem]

مشعل جني الارباح والشورت سل اتوقع راح يبدا اللعب فيه بعد الهاي السنوي وهذا تخمين فقط وممكن يكون الدافع اكبر بسبب القاب يعني تطييحه السهم الى تقفيل القاب وشغل الشورت سل راح يكون محرز معهم .

 

[meshal]

ابد توكل على الله انا وياك بصراحه اشوفه يقدر يسويها بيوم واحد يوصل 13.75

والحكم حق يوم الاثنين نشوف دخله حلوه وانشاءالله نشوف منه خير

 

[ابو سعود]

سلااااااااااااااام

ما شاء الله عليكم ..

ممكن أشارك ..

انا جايزلي السهم .. و جايزلي بعد تحليلكم عليه ..

أتوقع أنه يستحق المخاطره ..

ان شاء الله اذا جت فرصه يوم الاثنين .. بدخل في السهم ونشوف وش يطلع منه .. انا منيب طماع ما ابي 12% .. 5% وش زينها ..

 

[meshal]

حياك الله يا بو سعود هذي الساعه المباركه

قبل لا يبطل السوق ( 12.50 وين راح نصيدها

 

[meshal]

انا شريت على 12.64

وبعزز بدبل الكميه اذا وصل 12.25

 

[ابو سعود]

أنا شريت على 12.41

المشكله اني بالدوام ولازم أرجع البيت ما بعد تغديت .. معناها ما بقابل الشاشه ..

والحين مدري أحط أمر بيع تحت هاي اليوم .. ولا أحط ستوب لوز تحت نقطة الدعم ..

شكلي بأختار الثانيه .. وعسى السهم يجملها معنا اليوم ..

أنا وجهة نظري الخاصه .. اني ودي أبيع تحت ال 13$ ان شاء الله ..

عاد اذا كسرها السهم .. أدخل ثاني مره ..

عساك يا مشعل قدرت تدبل الكميه يوم نزل ..

 

[meshal]

مثل ماتوقعت وصل الى 12.24 بعد لكن كنت لاهي عن الجهاز

وفجأه لقيته على السعر الي ابيه وكل ما احط كميه على سعر العرض تطير قبل لا اشتري

لين صدته على 12.37 طلعت كميتي 100 سهم

عصبت ولحقته بعد ما استوعبت وخذت 1000 على 12.53 مادري 12.54

اسكت لعوزني هالسهم

الله يوفقنا فيه انشاءالله يا بو سعود

 

[waseem]

خلاص اهدى وخلي السهم ياخذ مساره وبإذن الله يتحقق الهدف .

 

[meshal]

الله كريم ياحبيبي يا وسيم

شوف من كثر الخربطه توه الحين نفذلي امر 900 سهم شراء مادري متى حطيته :d

الله يستر كثرت فيه الاسهم :d

 

[ابو سعود]

كثر خيرك يا مشعل ..

الحمد لله بعت السهم بربح ..

و الفضل بعد الله يعود لك ..

انا ما عندي استعداد أنتظر الهدف اليوم .. لأن شكله موب حوله اليوم خاصة بعد ارتداده من 12.84

فضلا عن اني أفضل تكون محفظتي كاش وقت إعلان رفع أسعار الفائده .. عملا بالمبدأ الشهير .. من خاف سلم ..

ولو أني أتوقع ما بيكون له تأثير كبير .. لأن المستثمرين خلاص تشربوا الموضوع .. وحسبوا حسابهم ..

ممكن أحاول أدخل أضارب عليه مره ثانيه ..

و ان شاء الله اذا كسر ال 13 أدخل بقوه ..

مشكوووووور أخوي مشعل .. ومشكوووور يالوسيم ..

 

[meshal]

الله يوفقك يابوسعود والعفو ياقلبي الحلال ودك الناس تشاركك فيه

احرص على سهم ماما انشاءالله فيه خير

 

[ابو سعود]

لا توصي حريص .. ضاربنا عليه خلاص ..

البركه فيكم يا شباب المنتدى ..

 

[waseem]

في مقاوه حالياً عند 12.25

اتوقع اذا تجاوزها راح يتجه الى 13.75 واحتمال يوصلها بنفس اليوم

في مقاومتين قبل الهدف

1- 13

2- 13.45 تقريباً


والله اعلم

على العموم نريد الراي حول الموضوع

اعرف انك بعت السهم واتوقع بخسارة لكن ودي اقولك شئ واحد اذا كنت متأكد من تحليلك وانت فنان مايحتاج اضيف هذه المعلومه فهدفك بإذن الله راح يصيب وبيعك بخسارة هذه سوء تصرف من محترف يعرف اهدافه صح .

 

[meshal]

الله يطولي عمرك يا وسيم كلامك عدل يازعيم

من الاشياء الي اعتقدها هو ان المضارب مايضارب اذا كانت اعصابه متوتره وهذا سببلي خساره قبل يومين بهالسهم وسهم ثاني

بعد ماعفت اني متوتر توقف امس للراحه

بالنسبه لخروجي من السهم له عدة اسباب منها الفايده انا كنت ناوي ماضرب لين يقررون قرارهم

السبب الثاني دخلت بالسهم كميات على غير سنع وهذا من التوتر وعدم التركيز الي اعتقد انه سبب من اسباب الخساره واكره هذا الطبع في حال المضاربه

السبب الثالث كان بعتقادي صعود السهم في نفس اليوم وفي نفس اليوم النازداك عطا اشارة صعود وبعدها هبط وهبطت الاسهم

هذي الاسباب ولكن عندي قاعده ثانيه وهي عدم الانتقام :d

اذا حسيت فعلاً ان السهم فيه فرصه راح ادخل وحتمال اترك الفرصه لسهم ثاني

------

اليوم قرار الفايده راح ننطر النتايج وبعدها يا زعيم الفرص لا تنتهي

احبك فالله ياكاويني :d :d

 

[ابو سعود]

ممكن أتليقف ..

أنا أشوف أن ما عمله مشعل هو الصواب .. ولو كنت مكانه كان سويت نفس الشيء ..

المشكله أن طريقة دخوله للسهم .. حسب ما فهمت من أحد ردوده السابقه كان خطأ .. الكمية كبيره وبسعر عالي ..

مع انه ما شاء الله توقع نزول السهم .. وفعلا نزل ولكنه ما كان عند الجهاز .. وليته حط أمر شراء مسبق ..

يعني الطريقة المثاليه كانت أمر شراء على مثلا 12.3 والخروج على 12.7 يوم ارتد السهم نزولا من 12.84.. فهذي 40 سنت .. اشوفها أكثر من رائعه في يوم واحد .. .. طبعا انا ما ضبطت معي بهالطريقه .. أنا شريت بأغلى وبعت بأقل من 12.7

الخروج من السهم أنا بررته بمسألة اقرار زيادة الفائده .. فلذلك أشوف أن صعب اني أحتفظ بسهم ما اعرفه زين في فتره مثل هذي ..

توتر الأعصاب لها فعلا دور كبير .. و الدخول في سهم بكميات كبيره هو أحد أهم أسباب التوتر ..

الفرص كما ذكرتم واجد .. والقادم أحلى ..

أنا آسف على التطفل .. بس حبيت أشارككم نقاشكم الرائع ..

و الله يرزقنا من واسع فضله .. ​