سعر مو معقول من الساير على سياره موديل 2009

[بو حسن22]

اخواني انا قبل امس رحت لمعرض الساير الى بالري وشريت من عندهم كامري موديل 2009 ومسوين عليها عرض بسعر 5550 وبصراحه السعر صدمني وعلى قولة الموظف الى عندهم انا هالعرض لغاية 15 الشهر والله اعلم انا دفعت مقدم 3 الف وباقي علي 2800 وخليت قسطها على سنيتن 118 وقالي الموضف اذا بخلي قسطها على اربع سنين بيصير قسطها 64 واذا بخليه على ثلاث سنين بيصير 82 بس اكيد ربحهم راح يزيد وانا توكلت على الله وخليتها على سنتين ^_^ حبيت افيدكم بخصوص العرض والى يروح المعرض لا يهتم بالسعر الى معلقينه على السياره انا سألت الموضف بخصوص السعر المعلن قالي السيارات كلها عليها عرض يعني غير السعر المعلن وهما حاطين السعر على السياره علشان وزارة التجاره لا تخالفهم واتمنى اني قدرت افيدكم بشي ^_^

 

[الحريه وطن]

مبروك بوحسين

بس مقلت جم سلندر والله يعطيك خيرها ويكفيك شرها

 

[بو حسن22]

الله يبارك فيك وجزاك الله خير الكامري من سنة 2007 وانت صاعد كلها اربع سلندر ماتجي سته ^_^

 

[فهد الشاعر]

مبروك انشاء الله
بس ما اعتقد في فرق عن اول
لازالت غاليه وسعرها غير مغري

 

[الهدي والايمان]

انا لى راي فى شركة الساير وهو ان الشركه هذي مثل الاخطبوط فى جميع دول مجلس التعاون الخليجي وهي ضد المواطن ؟ يعني اذا تبي تشتري من الامارات اي نوع من التويوتا ممنوع بامر من الساير حتي المكاتب لى فى العوير الساير شاريهم ممنوع يبيعون لكويتي اذا السياره بدون لوحات طبعا هذي السالفه فى جميع مجلس التعاون ؟ النقطه الثانيه قبل جم سنه طلع قرار او حكم من المحكمه طبعا شركة الساير ورا هذا الحكم بان لاتدخل اي سياره تويوتا او قطع تويوتا من بره لكويت حتي اذكر ان الربع سياراتهم اقعدت على الحدود ليمن تسكربوا وهم يحاولون دخولها للكويت ولا ننسي المينا لشويخ والنقل البري هم القطع حاشهم صدي والسيارات ياخذون عليهم ارضيه وكله من شركة الساير وضل القرار تقريبا سنه او اكثر شوفو جم واحد خسر وجم واحد توهق بسيارته لاننسي فى المده لى طبق فيها القرار شكثر ربح الساير على احساب الناس لى خسر فلوسه ؟ملخص الكلام الحين اذا جيت تشتري سياره من الشركه ياخذون عليك 25 دينار رسوم اداريه يعني ضريبه ولو بيده جان اخذ معاشات لكويتيين كلهم انا واحد الشركه هذي ما احبها لو يعطيني كل سنه سياره وبلاش ؟ الان الشخص هذا ما يحب الكويتيين ؟ والاخ يقول الساير مسوي خصم روح شوف الاسعار بالخليج والامواصفات لى بالسيارات هناك ؟ ولعلمك جميع سيارات الساير موديل 2008 مافيها فرش حق لرجوول ويعطونك فرش صناعه صينيه والاصليه ياخذونها ويبيعونها على شكل اكسسوارات ؟ لكن لو تاخذ سياره من الخليج معها 5 براغي ومعها فرش ارضيات ورمانه احطياط وماكينة تفخ لتواير مع فرش ربل للباب الخلفي مع فرق المواصفات اما شركة الساير فهيه شركه مالها شغل بالجوده كثر ما لها بالربح مع رفع الاسعار على الناس 1000 دينار على موديلات 2009 فلحد يقول الساير مسوي خصم لعيون الكويتيين وهو حارمهم من استيراد لمدة سنه كامله ؟

 

[al-elaj]

اخوي اي مواصفات ماخذها انت ؟

 

[بوعبدالله90]

مبروووك

 

[بو علي1]

مبرووووووووووك السيارة

شنو مواصفااااااااااااات السيارة فل ابشن

ولا عاديه

 

[away1979]

مبروك ان شاءالله

 

[بومعالي]

أي خصم أي بطيخ العام بايعها أرخص من الحين

بعدين من زين الكامري تسمع الهوا من كل صوب تقول تركض بالشارع ولو تمرك شاحنه تطيرك للسايد الثاني ماتدري انت رايح ولا راد وفوق هذا ماتمر مطب بالشارع الا تحك وفوق هذا وكيل سيء وموظفين المبيعات ما يردون على أحد جنك تطر منهم ولو تبي تشتري منهم يقولك بعد ثلاث شهور ليش يبا طالب بوينغ ولا سلاح نووي ؟

يبا الكامري ماخذ سمعه قديمه ولا الحين ما تسوى والتعامل مع الوكيل غير مشجع للشراء

 

[الشراااااااي]

السلام عليكم الضاهر السعر هذا بس حق الاخ سعر السيارة 5900 دينار يمكن يخصم 50 او 100دينار اما يخصم 400 دينار هذا كلام فاضي
والي يقول الكامري استعمالها خايس هذا ماعندة سالفة
يبا بالعربي هذولا ناس اشريطية بس يبون يخربون سمعت الكامري
علشان الناس اتبيع برخيص ويشترون ويبعون ابغالي
والدليل يشباب الكامري ماتقعد بالوكالة يعني ماتعطل
يمكن الاخ الي يقول الكامري5550 دينار يمكن مستعملة
او اقل درجة وكل واحد عندة عقل ويشوف

 

[بو مشعل*****]

بالنسبة لتويوتا سعرة فيه بس الساير هل هو وكيل أو موزع لأنه لو كان وكيل يقدر يحتكر السوق ولو كان موزع مايقدر يحتكر السوق ؟؟؟؟؟

 

[bo7sain320]

السلام عليكم اخ بوحسن 22 والف مبروك بس لو سمحت شنو مواصفات السياره هل هي glx او gl مع فتحه او بدون فتحه

 

[في احد غيري]

الف مبروك ويعطيك خيرها ويكفيك شرها

 

[صقرالبحر]

سيارات تويوتا سيارات ممتازه ولكن اسعارها مبالغ فيها بدون معني

 

[Camaro]

السياره ممتازه وماعليها كلام بس مشكلتها ب الشيال الخلفي يكسر ويطلع التاير صارت بالسعوديه اكثر من مره
وبالنسبه للسعر مافي فرق انا كنت بشتريها بأول 2007 وكانت نفس السعر بالضبط وعلى
طاري الساير قبل اقل من شهر تقريبا رافع اسعار اللاندات بالوقت اللي الوكالات كلها تنزل الاسعار
الاخ الجشع رافع اسعاره

 

[بو حسن22]

اشكر الكل على المرور وبخصوص سعرها نعم 5550 وهالخصم مو لي انا على قولتهم مسوين عرض واذا تبون اسم الموظف الى عنده معاملتي حاضر ونوع الكامري glxبدون مواصفات وبخصوص الاخ الى قال ان الكامري خايسه هذا رايه الشخصي بس شرط تمشي بي شارع وتلاقيها

 

[yooosef15]

السياره ممتازه وماعليها كلام بس مشكلتها ب الشيال الخلفي يكسر ويطلع التاير صارت بالسعوديه اكثر من مره
وبالنسبه للسعر مافي فرق انا كنت بشتريها بأول 2007 وكانت نفس السعر بالضبط وعلى
طاري الساير قبل اقل من شهر تقريبا رافع اسعار اللاندات بالوقت اللي الوكالات كلها تنزل الاسعار
الاخ الجشع رافع اسعاره

حبيت اني اضيف نقطة بما اني قريب في عملي من القطاع هذا

اخوي اي سيارة في اي بلد يزيد الطلب عليها في وقت قصير يتم زيادة سعرها واذا كان معدل البيع بطيء يتم عمل عروض ترويجية لها اما بتخفيض السعر او عمل هدايا دعائية .. يعني في السعودية ممكن اللاند يكون سعره ارخص لأن الان فيه شبه مقاطعة لشراء السيارات والسوق شبه راكد وسيره بطيء والوكلاء بدأوا تدريجيا في تنزيل الاسعار ولكن بشكل بطيء حتى أنه من المتوقع انه في الربع الثاني لهذا العام ان تتم الاعلانات والعروض بشكل كبير ..

وتقبلوا تحياتي

 

[LS1]

انا لو كنت مكان الساير كان اسوي جذيه واكثر بالناس

يرفع الاسعار الناس تشتري

الموظف يطنشك الناس تشتري

ياخذ عليك ضريبه هم الناس تشتري

يقولك انطر 3 اشهر هم الناس تشتري

حتى لو يبيع تراب هم بعد الناس تشتري

وبخصوص السعر 5550 هذا السعر اول يوم انزلت فيها السيارة في 2006 شهر 9

مو شي جديد ....

 

[بوحمود1]

انا لو كنت مكان الساير كان اسوي جذيه واكثر بالناس

يرفع الاسعار الناس تشتري

الموظف يطنشك الناس تشتري

ياخذ عليك ضريبه هم الناس تشتري

يقولك انطر 3 اشهر هم الناس تشتري

حتى لو يبيع تراب هم بعد الناس تشتري

كلام صحيح 100%COLOR]