شراء البيوت صار شي يخوف و السبب ........

[q8_oil]

السلام عليكم و صبحكم الله بالخير جميعا

أمس كنت قاعد أشوف قناة سكوب و الله ناسي إسم البرنامج بس إللي من تقديم أنور و بداح

المهم دق واحد يقول شرى بيت بالقادسية و من مكتب محامي و دفع الراجل و كل شي تمام, و سكن و ضبط بالبيت و رمم إلى آخره.

قوم بعد شهرين يدقون عليه الباب الشرطة و يطلع البين مبيوع بالمزاد العلني يعني مسكين إنصب عليه !!

إنزين شلون و الرجال شاريه عن طريق محامي و وين الإسكان شلون تبيعوني بيت و تسجلونه باسمي دام البين مبيوع !!

راح للمحامي قاله أنا مالي شغل أنا شاهد فقط !!

هذا كلام بالله عليكم !!

الرجال مدبس نفسه بقرض و مو ساكن بالبيت إنزين ردله فلوسه و طلعوه مايخالف !

لا حول و لا قوة إلا بالله العلي العظيم بصراحة شي يضيق الخلق و النصب عيني عينك صرنا بمصر مو بالكويت

 

[q8_oil]

المشكلة أروح أكتب العقد عند محامي و ياخذ فلوس عشان يشهد بس و ذا حقي راح ما يسويلي شي ؟؟ شكو رايح عند محامي أخلي أي واحد من الأهل يشهد و السلام

 

[ياسر الروقي]

صارت مع واحد اعرفه قبل 4 سنوات تقريبآ

 

[al-elaj]

اخوي اسمحلي انى هذا الرجال ماعنده عقل
انا شاري بيت ما اروح حق العدل واستلم وثيقت البيت
والصرح احس بالكلام كذب وخاصه من قناة سكوب
لان الرجال شاري بيت اكيد بيروح حق بنك التسليف
وبنك التسليف مارح يعطيه افلوس الا اذا كان شغل
رسمي بالعدل مو عند محامي .
الصراح حدث العاقل بما يعقل .
والقانون ما يحمي المغفلين

 

[كي نت]

اعتقد هذا شاري البيت عن طريق المحامي لينه البيت مطلوب واهو بايعه حق كذا شخص
ان شاء الله يفيدنا صاحب الموضوع
المشكله في الناس اشلون تشتري بيت عند طريق المحامي وما يتسجل في اسمك لينه البيت مطلوب حق جها معينه كل اللى شرو بهذي الطريقه خسرانين اذا مات صاحب البيت البيت ورثه ويروح حقك واهو عايش واهو ميت الله يرحمنا في رحمته الواسعه

 

[rikan]

الشراء عن طريق المحامي خطأ كبير مهما كانت الاسباب

او المبررات لذلك , اسمحوا لي اخواني التسجيل القانوني

عن طريق الدلال بورقته المعتمده من التجاره ومن ثم توثق

عن طريق العدل او مباشره من البائع والشاري ولكن لها

اجراءت قد تطول احيانا بسبب الروتين او وجود مخالفات بالمبنى

او لاي سبب اخر ولذلك التسجيل بورقة الدلال اضمن للحقوق

للبائع والشاري وهذا ما ينص القانون عليه والا التسجيل عن

طريق المحامي هي طريقه غير قانونيه بالمره وكما يقولون

( القانون لايحمي المغفلين ) ​

 

[DaSMaNQ8]

اعتقد هذا شاري البيت عن طريق المحامي لينه البيت مطلوب واهو بايعه حق كذا شخص
ان شاء الله يفيدنا صاحب الموضوع
المشكله في الناس اشلون تشتري بيت عند طريق المحامي وما يتسجل في اسمك لينه البيت مطلوب حق جها معينه كل اللى شرو بهذي الطريقه خسرانين اذا مات صاحب البيت البيت ورثه ويروح حقك واهو عايش واهو ميت الله يرحمنا في رحمته الواسعه

اخوى يقولك شاري بيت بالقادسيه يعني صار له اكثر من قرن وتقول مطلوووب