سؤال لعباقرة الاجهزة الالكترونية فقط

[السهم الامريكي]

يا جماعة الخير أبي أعرف من اخواني اهل الخبرة بمجال الاالكترونيات والاتصالات .........

الكل يعرف اجهزة التشويش اللي تركب في اغلب المساجد للتشويش على اجهزة الموبايل .........

ابي اعرف هل هناك جهاز مضاد لهذا الجهاز او نقول مقوي لشبكة الموبايل يعمل عكس جهاز التشويش؟؟؟؟

وهل يوجد منه جهاز يركب على الكهرباء واخر لا يحتاج لكهرباء؟

ولكم مني اجمل تحية ولكل من لديه اي فكره بخصوص هذا الموضوع لا يبخل علي بوضع تفاصيل اي جهاز يعرفه وشكرا

 

[احمد العنزي]

في مجال اتقوي الاشاره للتليفون
حط قصدير حاولين المكان الي اتكلم فيه

 

[BMW750]

فيه محل بخيطان بس من زمان ما اذكر وينه اعتقد في مجمع قرب البنك الوطني يبيعهم بسعر 500 دينار
بصراحه غاليه وماتسوي
بس تصلح حق السراديب
وما ادري عن الاضرار من تلك الاجهزه

 

[shocked]

أخوي أنصحك بشراء نوكيا نفيقيتر القديم

مايرد على أقوى جهاز لقطع السيرفس مجربه بكل المساجد سواء مركبين جهاز أو جهازين وأنواع

موفق

 

[الافوكاتو]

الي اعرفه ان في نوعيات كثيره
الي بالمساجد اي كلام ومداه على ما اعتقد 20 متر مربع
في نوعيات طيبه مثل الي راكبات بالسجن المركزي ومداها مفتوح الى درجه انه مرات يغطي على الفردوس (البيوت القريبه من السجن)
وهو يشتغل على الكهرباء طبعا
وبالنسبه لجهاز عاكس للموضوع ما اعتقد تقدر تحصل
في اجهزه تقوى السيرفر اي نعم لكن تقويه بحاله عدم وجود هالجهاز
بمعنى
انت بصاله اجتماعات ومركبين هالجهاز الي هو التشويش حتى لو تركب 10 اجهزه تقويه ارسال ما يفيدونك لان ميزه جهاز التشويش يغطي على موجات السيرفس مالت الاتصالات


اما لو انت بسرداب ومو مركب جهاز تشويش تقدر تستعين بجهاز تقويه الارسال
اتمنى تكون وصلت المعلومه الي عندي وبالتوفيق

 

[السهم الامريكي]

مشكورين شباب وما قصرتوا

ومبدئيا حل لهالمشكله موضوع القصدير اللي مافهمته بصراحه

وموضوع النفيقيتر اللي بشوفه

 

[أحمد ظاهر]

عفوا يا اخي الحبيب .. اعذرني مقدما على هذه المداخلة اذا ما عجبتك

هذي الاجهزة مركبينها مخصوص عشان الموبايلات ما تزعج المصلين .. لأنه صراحة صارت الموبايلات شغلة مؤذية جدا جدا خاصة من الناس اللي ينسون يطفون اجهزتهم او يخلوها على الصامت!! .. والله حصلت قدامي مواقف مزعجة كثير جدا .. لدرجة اني تمنيت اني اقوم وأضرب الاخ اللي ناسي موبايله وحاطط مقطوعة موسيقية!!!!

يا الغالي بدل ما تكلف نفسك مصاريف شراء اجهزة تقوية لموبايلك .. انصحك انك وقت ما تبي تتكلم انك تطلع بره المسجد دقائق معدودة .. منه انت تتكلم براحتك وما تزعج احد .. ومنه توفر على نفسك مصاريف انت بغنى عنها!!

اتمنى ما اكون اثقلت عليك .. لكن الدين النصيحة .. والتذكرة تنفع المؤمنين

والله يسعد اوقاتك

 

[Dr.Fantaq]

الاخ يسكن أو يعمل فى منطقه يكون الأرسال فيها ضعيف وبالتالى فهو يسأل عن جهاز يقوى أشارة الموبايل وليس هدفه هو تعطيل او أضعاف مفعول الأجهزه التى تقطع الأرسال داخل المساجد .. حشا هذا صار أبليس مو السهم الأمريكى

 

[السهم الامريكي]

عفوا يا اخي الحبيب .. اعذرني مقدما على هذه المداخلة اذا ما عجبتك

هذي الاجهزة مركبينها مخصوص عشان الموبايلات ما تزعج المصلين .. لأنه صراحة صارت الموبايلات شغلة مؤذية جدا جدا خاصة من الناس اللي ينسون يطفون اجهزتهم او يخلوها على الصامت!! .. والله حصلت قدامي مواقف مزعجة كثير جدا .. لدرجة اني تمنيت اني اقوم وأضرب الاخ اللي ناسي موبايله وحاطط مقطوعة موسيقية!!!!

يا الغالي بدل ما تكلف نفسك مصاريف شراء اجهزة تقوية لموبايلك .. انصحك انك وقت ما تبي تتكلم انك تطلع بره المسجد دقائق معدودة .. منه انت تتكلم براحتك وما تزعج احد .. ومنه توفر على نفسك مصاريف انت بغنى عنها!!

اتمنى ما اكون اثقلت عليك .. لكن الدين النصيحة .. والتذكرة تنفع المؤمنين

والله يسعد اوقاتك

يا اخي العزيز اشكر مرورك الطيب ودايما الاحظك تنظر للامور بنظرة ضيقه والله العظيم اني انا مثلك ويمكن اكثر لاني اوصل لمرحله اني ودي اقطع صلاتي واطق موبايله على راسه ومو هذا هدفي يالغالي

الله يهداك كأنك اعتبرتني ابليس على قولة اخوي فنتك يعني جني بعاند رب العالمين

الاخ يسكن أو يعمل فى منطقه يكون الأرسال فيها ضعيف وبالتالى فهو يسأل عن جهاز يقوى أشارة الموبايل وليس هدفه هو تعطيل او أضعاف مفعول الأجهزه التى تقطع الأرسال داخل المساجد .. حشا هذا صار أبليس مو السهم الأمريكى

اشكر ملاحظتك الطيبه وفعلا مو هذا قصدي وقصدي اللي قلتله بس الله يهدانا معاه فهمها بطريقة ثانيه

 

[أحمد ظاهر]

اخي الحبيب كان بإمكانك تقول مثل ما قال اخونا وبنفس طريقته

عموما اعتذر اذا اخطأت وأجري اخذته ان شاء الله

 

[kfsdhm]

في محل بحولي اسمة القمر الاول تلقى عندة كل شي اهوه يصير يم بنك بوبيان اللي بحولي

 

[السهم الامريكي]

اخي الحبيب كان بإمكانك تقول مثل ما قال اخونا وبنفس طريقته

عموما اعتذر اذا اخطأت وأجري اخذته ان شاء الله

اخي العزيز حساب الاجر وغيره بعالم الغيب عند رب العالمين ومحد يعلم فيه غيره سبحانه وحتى لو كان فيه اجر مضمون فمو حلوة ننسب لروحنا هالشي وعموما الله يعطيك على قد نيتك وموفق خير

في محل بحولي اسمة القمر الاول تلقى عندة كل شي اهوه يصير يم بنك بوبيان اللي بحولي

ما قصرت يالغالي بمرهم باجر وتسلم عالمعلومه