اتمنى المساعدة ( انا في بانكوك )

[فاضي حدي]

السلام عليكم

ياليت الاخوان الي يعرف مكان احصل فيه ساعات تقليد درجة اولى و جناط يقولي وين احصلهم او يعطيني اسم المكان بالانجليزي اعطيه للسايق يوديني له عشان قعدتي مطوله ابانكوك يمكن سبوع زيادة

وجزاكم الله خير مقدماً

 

[ابو عيسى]

في شارع جريس في محل فريده علي مشهوره
وفي بعد ناسي واحد ثاني قريب منها

المهم قريب منها ابد صيدلك اي عربي هناك وقوله يدليك عليها وموفق خير

 

[gusto]

محلين مافي غيرهم بشارع جريس محل فريده ومحل جاك

 

[العاشق]

اخوي روح سوق الليل بس دير بالك ترا البوق حلالي او مجمع طوكيو هم حلو وصاتي لك روح بتايه وقزرها رحلات ولالالالالالالالالالالالالالالالالالالالالالالالالالا والف لا لاتروح بتايا

 

[ابو عبدالله 7]

يخوك لو تروح كوانزو تحصل كل شي تبيه لانه المجمعات والاسواق اكثرها بكوانزو
ولو تدور مترجم امين ينفعك حيل وريحك
والمترجمين اسعارهم تقريبا 100 رممبي تقريبا

 

[بوعبدالله]

روح عند فندق Grace و أسئل عن محل أوم أهي الأرخص لأنها تملك مصنع

 

[foxmind]

روح عند قريس شارع نانا في مطاعم ومحلات صيرفه بالشارع اسال عن فريده علي عندها خوش ساعات بس غاليه كاسرها وانت ماعجبتك اسعارها قريب منها اسال عن وحده اسمها اوم اسعارها ممتازه افضل الموجود بالسعر وعندك ليلى العراقيه ساكنه فوق مطعم المصري بشارع نانا وفي عندك واحد سوري انحش منه بضاعته مضروبه بالمره صينيه اتعس درجه وعندك مجمع طوكيو ام بي كي فيه شغل عدل بس مو ماركات بس اشكال فخمه وتستاهل واترك سوق الليلي مو شي ويبيله واحد فاهم ويعرف بالجوده وبايع عمره لان ممكن تروح فيها هناك وماتسوى لان بيبيعونلك المضروب موفق خير

 

[sporty]

الريال يقول انا في بانكوك

روح عند فندق بايوك سكاي تلقى تحت سوق مو محلات اللي يبيعون بره

بس روحله بليل بعد الساعه 8 بليل

تلقى اللي تبيه وكل شي يطري عليك

موفق اخوي

 

[ابوالهنا]

batbong 1 and batbong 2 ...... and the night market .. the old one... and the batonam market there is more than 3000 shops ... and the best way to do that is by asking the taxi driver he will till you coze for shore he is the best one >>>> and finaly goo to baharoot market its the biggest one you will need a long time to finish it

 

[ابوالهنا]

hope that this will help .... gad bless you

 

[AL MUTAIRI]

السلام عليكم

اخوي فيه بمنطقة نانا ومشهوره بمنطقة العرب
الي بجانبها فندق غريس

وفيه مايقارب 4 او 5 محلات

فيه محل فريده ( نصيحة أخ لا تشتري منها غاليه على الفاضي ومحلها زحمه وماترتاح بالأختيار )
ومحل ليلي العراقيه ( أم بشار ) بجانب مطعم ناصر المصري ( ماتحصل عندها شغلات جديده كثير وسعرها مرات غالي )
ومحل حفيظة أمبرون ( مع مدخل الصرافين بأخر الشارع على اليمين ) (( أنصحك بمحل أمبرون عندهم تشكيلات حلوه وترى أي ساعه اخذها منهم على 1250 بات )
ومحل أوم ( تشكيلاته دايم ماتعجبني وماعنده موديلات كثيره .. يمكن الحين تغيروا الله وأعلم ))

لكن فيه ساعات تقليد ماركات بمجمع ( mbk ) مشهور بأسم طوكيو

لكن اذا لك طلعه لباتايا ترى هناك أرخص

واذا كان المقصد تجاره ( نصيحه أطلع كوانزوا منطقة شندا ) أفضل وأرخص

 

[hamed_zd]

اتمنى اساعدك
لكن شخص واحد في بتايا يبيع لك ساعات تقليد درجة اولى وهو صيني
بستفسر لك عنه ان شاء الله
هو الوحيد اللي يمدحونه الاماراتيين والقطريين

 

[hamed_zd]

1_أسئل عن (البات بونق للساعات )في بانكوك.

2_ اذا تبي ارخص مكان من بانكوك وعندك وقت لمدة ثلاث ساعات اتجه الى بتايا
مجمع الرويال جاردن على البحر روح وخذ احسن الساعات وبارخص الاسعار وماركات تقليد 100%
احسن من بانكوك وارخص (على ذمة صاحب الاقتراح)
المكان في المجمع مقابل مطعم كنتاكي عند واحد اسمه بون تايلندي بس من اصول صينيه
وهو الي يجيب الساعات ابنفسه من مصانع خاصة من الصين وتقدر اتكاسرة ابراحتك وبدون زعل
ولكن روح للشخص بعد المغرب لان الشرطة امشدده على محلة لانه امخرب سوق التايلنديين باسعاره وماركاته وبالتوفيق انشاء الله​

 

[AHMADO85]

روح سوق سلوم

 

[فاضي حدي]

جزاكم الله خير جميعاً

فعلاً ابانكوك فقط شاشات التلفزيون ال سي دي رخيصه اما غيرها كله غالي

 

[العاشق]

اخوي روح سوق الليل بس دير بالك ترا البوق حلالي او مجمع طوكيو هم حلو وصاتي لك روح بتايه وقزرها رحلات ولالالالالالالالالالالالالالالالالالالالالالالالالالا والف لا لاتروح بتايا

سوري يالحبيب اقصد روح بوكت اسف على الخطا

 

[tsmam75]

في بتايا مطعم مصري اظنة القاهرة فى واحد فوق اسمة الجناعي عندة خوش ساعات

 

[فاضي حدي]

مشكورين ماقصرتوا

واي احد يبي شيء يراسلني على الخاص ويبشر بعزه