مسابيح مصر !!

[khaled777]

السلام عليكم ,,

اخواني انا لي نيه اسافر مصر الايام الجايه ان شاء الله

وبغيت اعرف الانواع المتوفره بمصر واسعارهم

واماكن بيعهم , عشاني وعشان اهدي الطيبين شرواكم

وانا بأنتظار ردودكم الطيبه ياجماعه

ويعطيكم العافيه !

 

[ماكنتوش كويتي]

السلام عليكم المسابيح متوفرة بمجمع ستار بمصر الجديدة الدور الثالث تقريبا ورا المطاعم سوق لة بوابة وكلة اثار واللة يوفقك ولحد ينسانى

 

[saleh899]

تروح وترد بالسلامة نفس ما قال الاخ ماكنتوش كويتي بمجمع سيتي ستار او بالحسين اللي فيها مسجد الحسين

 

[سنجاري]

ماكنتوش كويتي

وصالح

أقسم بالله انكم نشامى ومن أصل طيب وفزاعه

الله يكثر من أمثالكم

 

[khaled777]

جزاكم الله خير ياشباب

وان شاء الله بميزان اعمالكم

والله يسلمكم وفيكم الخير
ويعطيكم العافيه .

 

[بوحمود1]

ابو وليد ابيك تييبلى مسباح على كيف كيفك و من اللى يحبه قلبك

اتغشمر معاك


تروح وترجع بالسلامة ياخوى

 

[بوعبدالله]

أحرص على المستكة المصري الكبس بو ريحة اهو الافضل و الارخص وسوقه ماشي و بالجملة مايكلف عليك 3 دنانير

ووخر عن الكهرب لان يتصنع هناك وغير طبيعي ونفس الشي في لبنان اذا مالك خبره فيه ممكن تنغش وتروح فلوسك

و اذا حصلت مكعبات فاتوران اخذها غالية بس تسوه لانها مطلوبه بالكويت و فيها رزقة حلوه لك ان شاء الله. بس اسئل عن سعر الغرام بالكويت قبل لاتروح تشتري .

اتمنى لك التوفيق

 

[khaled777]

تستاهل ابوحمود كل خير والله

والله يسلمك ان شاء الله

وشاكر لك ابوعبدالله على النصيحه الغاليه

والله يعطيك العافيه على المعلومات الطيبه .

 

[saleh899]

الله يرزقك انشالله

 

[wal3li 2]

مثل ما قالك اخوي بو عبدالله لا تفكر تشتري الكهرب والباجي انت ومزاجك وتحصلهم بالحسين ورا مطعم فرحاااات اكل حمامتين وقز بالمحلات موفق

 

[khaled777]

اجمعين ان شاء الله ياصالح

واخوي موشرجي عز الله يبي له فراخ بمطعم فرحاااات .

وجزاكم الله خير ياشباب على الردود الطيبه .

 

[sweet85471]

سلام عليكم مر علي محل عاشور افضل المسابيح اب خان الخليلي

 

[khaled777]

مشكور سويت على النصيحه الطيبة

ويعطيك العافية .