اصحاب الخبرة باللكزس ضبطونا

[Nagooshy]

زين اتسوي فيهم لا تسكت

 

[الخليجي 1]

التطورات

خوش خبير والله كله سطرين بيكتبهم ........ على العموم باجر ان شاء الله استلم ورقة الخبير الفني واروح حماية المستهلك والله كريم ان شاء الله اذا لي حق راح آخذه ، وراح ابلغكم شنو يصير معاي اول باول .

 

[الخليجي 1]

بالمقابلة

اذا واجهت ممثل الشركة سواء كان محامي او مدير اوغيره تدرون شنو راح اقوله :
1 - لك اسبوع تصلح السيارة والا تبدلها والا راح نستحدم طرق جديدة وهي

* نراسل الوكيل الاقليمي ( بالامارات)
* نراسل المصنع باليابان.
* نكتب الجرايد والمدونات والجرايد الالكترونية والمنتديات .

هذا مو من عبقريتي والله لكن من نصايح ناس مجربه جزاهم الله خير

 

[أبوفلان]

والله زين تسوي يعطيك العافية


لازم ينقرصون من واااحد أو اثنين عشان يمشون سيده

يخرب بيتهم ملايين مملينه عندهم

بدلوا السيارة وخلاص

 

[الخليجي 1]

آخر التطورات

السلام عليكم ورحمة الله وبركاته ومساكم الله بالخير جميعاً :

اليوم استلمت بحمدالله تقرير الخبير الفني وطبعا لصالحنا ورحت لحماية المستهلك وهناك قام الموظف مشكوراً بالإتصال بالشركة وتم تحويله لمدير اسمه د. مختار وقال له المشتكي عندنا نطلب حضورك شخصياً لحل المشكلة فقال اتصل بكم بعد قليل وما اتصل فقام الموظف واتصل مرة ثانية قال له ما يصير تعطل الشاكي بتحضر والا لا فقال لازم اجيب معاي المحامي والحين مشغول فحددنا موعد الاحد الساعة 10:30 ص نتواجه عند الموظف المختص في حماية المستهلك وراح اجيب معاي واحد من الربع معروف ماشاء الله عليه بقوة الحجة والله قوي بس ناقصته شهادة حقوق عشان يصير محامي وهم شاطر وخبير بالسيارات وما تنطلى عليه اي سالفه من سوالف الوكالة الى ممكن يطلعونها لنا .

قال لي موظف حماية المستهلك انت شنو تبي منهم بالضبط جهز طلباتك فقلت له .
1 - مهلة اسبوع لتصليح السيارة + سيارة بديلة .
2 - في حال ما تصلحت السيارة اطلب تبديلها بجديدة أو فئة ثانية .
لا لتثمين السيارة عندهم لاني راح اخسر المقدم .
نعم لرفع قضية عليهم في حال ما تصلحت ورفضوا التبديل

وحسب وجهة نظري ما اعتقد يعرضون سمعتهم للخطر بقبول التقاضي وراح نخلص بسلام ان شاء الله .

 

[الخليجي 1]

والله زين تسوي يعطيك العافية


لازم ينقرصون من واااحد أو اثنين عشان يمشون سيده

يخرب بيتهم ملايين مملينه عندهم

بدلوا السيارة وخلاص

الله يعافيك ...... يالغالي

 

[الخليجي 1]

آخر الاخبار

السلام عليكم جميعا

السيارة عند الوكالة وعطوني سيارة بديلة مؤقتا لحين ايجاد حل لها وتم توقيع تعهد من قبل السيد مدير العلاقات العامة بشركة الساير بوبدر البلوشي في حماية المستهلك بأنهم يعملون على تصليحها ونتظر ونشوف

 

[3sHoOoGe]

الله يوفقك
انشب لهم ماوصيك .. شغلك مايمشي اللى جذي ..

وان شاء الله سياره جديده

 

[قناص_السوق]

هههههههههههههههههههههههه مصخرا سيارات الساير


لو شصير ما اخذ لكزز عند اهلي لكزز كل شهر سفايف و صوت بالبريك بريكها مو ناعم و عندنا مرسيدس والله كل سنه سفايف

شوفو الفرق

نصيحه لو استلمت السياره اطلب ان يزيدون فترة الكفاله لان ما مشيت فيها وكله واقفه عندهم واذا رفضو ارفض السياره واطلب قضيه بردون يوافقون ههههههههههه ما يمشون الا بالطق

 

[الخليجي 1]

النتيجة النهائية

بسم الله الرحمن الرحيم
السلام عليكم ورحمة الله وبركاته،،،

ابشركم اخواني بحمدالله استلمت السيارة اليوم من الوكالة وطلعت مع مدير الخدمة - (م.سليم) لتجربة السيارة وقال لي جربها اول بعدين اقولك شنو طلع فيها وجربتها وماشاء الله تبارك الرحمن ما ترجف والسيارة زينة وبعد ما رجعنا الوكالة اعطاني التقرير وقريته وكانت المشكلة الرنق الايمن الخلفي متعور وهو السبب بكل هذي الرجفه .
وانتهت مشكلتي ولولا الله ثم اسلوب الضغط الي استخدمته جان كل ما رديت لهم قالوا لي الميزان زين والسيارة ممتازة وماندري ليش ترجف وهذا الكلام الى كانو يرددونه علي في كل مرة اقولهم عن الرجفه.

على العموم اشكر الله تبارك وتعالى ان خلصني من هالسالفة ثم اشكر مدير العلاقات العامة ( البلوشي) ومدير الخدمة ( م. سليم) وطبعا ما انسي اشكر صاحبي الي اشار على بحماية المستهلك الى بصراحة ما قصروا معاي ابد واشكرهم بعد ، ولا انسي اشكر جميع الاخوة الافاضل الى تفاعلوا معاي وكانت لهم ردود ومشاركات على الموضوع .



انا ادري اني كبرت الموضوع شوي بس شسوي ماكانوا عارفين شفيها ودمهم بارد ولو فاحصينها عدل ومهتمين جان اكتشفوا الخلل من زمان

والحمدلله من قبل ومن بعد

 

[الصج ينقال]

الحمدلله على سلامتها

الله يعطيك خيرها ويكفيك شرها

 

[أبوفلان]

الحمد لله

مبرووووك أخوي

وعطني فيها دورة

 

[الخليجي 1]

الحمدلله على سلامتها

الله يعطيك خيرها ويكفيك شرها

جزاك الله خير يالحبيب

 

[الخليجي 1]

الحمد لله

مبرووووك أخوي

وعطني فيها دورة

الله يبارك فيك ومشكور