بصراحه ومن خلال اطلاعي على دورة الاخ ابو سلطان جزاه الله خير
ولو بشكل سطحي
يتضح لي اكثر من ذي قبل فضل اخواننا المحللين بعد الله
وخصوصا بموضوع اشارات الخروج والدخول
حيث تبين اننا ملمين بالكثير من هذه الاشارات ومستشعرينها عند اطلاعنا على الشارتات حتى ولو كنا لم ندرسها اكاديميا
وانا هنا لااغفل دور السرد المنهجي للاخ ابو سلطان اللي ساهم بتنظيم المعلومات في بالنا
بصراحه طبقت بعض ما عرضه من تمارين بخصوص معرفة نقاط الدعم والمقاومه ونقاط الخروج والدخول وكذلك رسم الترندات ومن ثم الحصول على نقاط الدخول والخروج وخصوصا تأكيد الدخول والخروج..
نحن محضوضون بوجود امثال ابو سلطان
والله لايغير علينا
الله يعطيك العافيه طموح وقنوع وشكرا على اطرائك اللي يبين اخلاقك
العالية
عندي شغله بسيطه اذا سمحتلي
كثير من الاعضاء شايفين الدورة على انها بشكل سطحي وهذا الشيء
مو صحيح
الدورة فيها نقل المعلومه بشكل بسيط ليستقبلها الاعضاء جميعا
اما انها سطحية لا شنو راح يعطيك اي واحد مسوي دوره اكثر من اللي
انا ذكرته ؟ ما راح يعطيك شيء جديد
وعلى العموم الدورة ما اكتملت الى الان اذا خلصت الدورة ان شاء الله
راح تعرف ضخامة محتواها ومعلوماتها واكرر كذا مره علشان ما يصير لبس
انا انقل المعلومه بكل بساطه لاني احب البساطه بالتعليم ولكن لا انقلها
وفيها نقص الا اذا كنت متعمد تاجيل هذه المعلومه لوقت اشوف انه افضل
شكرا لك مره ثانية وكلامك تشجيع لي ووسام على صدري
اخوك ابو سلطان