أبي شوركم يا جماعه الخير بخصوص سياره ؟؟ ضروري

الموضوع في 'إستراحة المنتدى' بواسطة المزين, بتاريخ ‏20 مارس 2009.

  1. المزين

    المزين موقوف

    التسجيل:
    ‏27 يناير 2009
    المشاركات:
    173
    عدد الإعجابات:
    0
    السلام عليكم

    ، يا جماعه ابي شوركم و رايكم بخصوص سياره ( فورد موستينغ ) حق الولد عندي ،

    حبيت تفيدوني هالسياره عليها مشاكل ولا تنفع معنه شكلها يخرع حق سرعه ، بس هل عليها مشاكل كثير ولا تكد كد حمار على قولتهم ، اسمها فورد موستينغ جي تي ،

    و شنو الفرق بين موديلات 2005 و 2006 و 2007 و 2008 و 2009 لأنه كلهم نفس القصه و نفس التصميم فحبيت اسأل شنو الفرق بسيط يعني ولا في فرق كبير ،


    و شنو الفرق بين الوكاله و الوارد من امريكا في فرق ولا نفس الشي ؟؟


    و ياريت تفيدوني اكثر بخصوص السياره بالذات عن غيرها ، و اذا لكم اقتراحات طيبه حق سياره ثانيه هم جزاكم الله خير ،

    و سامحوني على الازعاج
     
  2. المزين

    المزين موقوف

    التسجيل:
    ‏27 يناير 2009
    المشاركات:
    173
    عدد الإعجابات:
    0
    الرفع للإفاده
     
  3. بونظمي

    بونظمي عضو جديد

    التسجيل:
    ‏10 يناير 2009
    المشاركات:
    72
    عدد الإعجابات:
    0
    مكان الإقامة:
    دولة الكويت
    اخوي ما ابي ادش معاك بالمواصفات بس من الاخير اذا حق ولدك لا تشتريها نصيحه السياره السبورت ماوراها الا السرعه والاستهتار اذا كان الولد توه شباب اذا بياخذها خله اهو يتشريه بعد مايعدي سن الرشد وانت بالاخير الشور لك وانت حر بولدك الله يخليه لك.احنا مجربينا السياره رياييل شكبرنا ومن تمر يمنا سياره انتشيش وسيده ريلنا عاللسليتر نبي ندوس وبس فما بالك بالشباب!!!
     
  4. kazamezaa

    kazamezaa عضو نشط

    التسجيل:
    ‏3 يناير 2008
    المشاركات:
    1,074
    عدد الإعجابات:
    1
    مكان الإقامة:
    kuwait
    اخوي السيارة تخرع في شكلها و في السرعة ,,, الله يباركلك ولدك انا رأي اي سيارة زينة و 4 باب افضل و حتي تنفع حق البيت في الظروف
     
  5. المزين

    المزين موقوف

    التسجيل:
    ‏27 يناير 2009
    المشاركات:
    173
    عدد الإعجابات:
    0

    والله ياخوك انا هذا إلي مخوفني ، بس انا كنت معطيه سياره يقزر فيها قعد عليها سنه و نص و الحمدلله ما عنده مخالفات سرعه بس مخالفه كان واقف بموقف مخالف ، فأنا محتار والله ، و اهو يدور جم سياره لكن بالنهايه يرد عليها ،


    انا المهم ما تكون عليها مشاكل مالي خلق كل شوي يجيني يقولي خربانه او ودها الكراج ، او تعال بدل كل شوي قطع غيار ، و اسعار قطع الغيار مناسبه ولا غاليه ؟
     
  6. المزين

    المزين موقوف

    التسجيل:
    ‏27 يناير 2009
    المشاركات:
    173
    عدد الإعجابات:
    0
    والله يا الطيب انا بشتريله السياره المناسبه إلي تكون بخاطره ، عشان باجر لا يجيني يقولي انت شريتلي هالسياره و يقط اللوم علي ،

    انا عطيته سياره قبل و الحمدلله ما عنده ولا مخالفه سرعه ، بس خوفي اعطيه هالسياره يشتغل مخالفات ، معنه بيني و بينك السياره بالشخص إلي يسوقها مو بشكل السياره او اسمها ، بس محتار شوي
     
  7. اللمبى

    اللمبى عضو نشط

    التسجيل:
    ‏28 فبراير 2009
    المشاركات:
    662
    عدد الإعجابات:
    2
    السلام عليكم

    اخوى المزين نصيحتى لاتشترى هالسياره كلها فيبر وتقحص بروحها
    وكل مامر على واحد يدعى عليه

    وانت حر اخوى(والدين النصيحه)
     
  8. المزين

    المزين موقوف

    التسجيل:
    ‏27 يناير 2009
    المشاركات:
    173
    عدد الإعجابات:
    0
    والله احترت الصراحه
     
  9. ياسر الروقي

    ياسر الروقي عضو نشط

    التسجيل:
    ‏11 يونيو 2007
    المشاركات:
    3,830
    عدد الإعجابات:
    14
    مكان الإقامة:
    بلدة طيبة ورب غفور
    قال تعالى ( يا أيها الذين أمنوا لا تلقوا بأنفسكم الي التهلكة )

    الموستنج في بعض الولايات بأمريكا لا يسمح بقيادته الا لكبار السن
    اما الشباب في عمر ولدك الله يحفظه يعتبر متهور

    نصيحه لا تشتري له سياره سبورة حتى لو زعل
    تغلب على عاطفتك
    راح يكبر وينسى ويسوى مع اولاده مثل ما سويت معاه :)
     
  10. أبو أنفال

    أبو أنفال موقوف

    التسجيل:
    ‏21 ابريل 2006
    المشاركات:
    341
    عدد الإعجابات:
    0
    شوف اذا ودك ولدك يموت اشترها وتفتك منه بسرعه اقل شي كل شهر حجز وسجن مو اقل من اسبوع بالنظارة وثاني شي قول لودك لو يبيها اشرط عليه يعطي فلوس الدفعه الاولى حتى يعرف قيمة السيارة مو يكسرها
     
  11. المزين

    المزين موقوف

    التسجيل:
    ‏27 يناير 2009
    المشاركات:
    173
    عدد الإعجابات:
    0
  12. LITERATURE

    LITERATURE موقوف

    التسجيل:
    ‏2 فبراير 2009
    المشاركات:
    260
    عدد الإعجابات:
    0
    Cool car, but the Ford, according to the charts is the car that causes more accident and expensive repairment. Especially if its a sports car
     
  13. SHBAHH28

    SHBAHH28 عضو جديد

    التسجيل:
    ‏21 يوليو 2005
    المشاركات:
    54
    عدد الإعجابات:
    0
    احررررررررررررص

    الله يخليلك ولدك ويحفظه ... النصيحه لا تشتري له سياره سبورت .. اشتر له سياره كشخه حتى لو غاليه .. الله يعينك على سعرها لو اقساط يعني مرسيدس sl او جاكور او لكزس ... في هالحاله راح يفكر بالكشخه والمحافظه على السياره وراح يبتعد انشالله عن السرعه والمقاوم
     
  14. الأرستقراطي

    الأرستقراطي عضو نشط

    التسجيل:
    ‏17 أكتوبر 2007
    المشاركات:
    7,178
    عدد الإعجابات:
    12
    مكان الإقامة:
    OKBK
    السيارة جيدة و سعرها معقول لكن حاول تدور 6 سلندر ما تختلف بالشكل عن ال 8 سلندر أرخص و مكينتها صغيرة ،،، نصيحتي لك روح معاه و كالة الساير خل يشوف اللكزس is سعرها مقارب للموستنج و فخمة و أمان و راحت ولا ردت تويوتا كد ومد و تحافظ على سعرها يمكن يغير رايه ،،،
     
  15. المزين

    المزين موقوف

    التسجيل:
    ‏27 يناير 2009
    المشاركات:
    173
    عدد الإعجابات:
    0
    لا يا معود مينون اخذله اس ال ولا جاكوار ، اذا يبي خله هو اذا اشتغل و تعب ياخذله السياره الكشخه ، انا حاليا بشتريله سياره يعني بحدود 6 و 6 ونص و باخذله مستعمل .. و انشالله بعد سنتين ولا ثلاث بس على ما نخلص من اشغالنا ناخذله من الوكاله سياره سنعه ...

    بس هو صاير بخاطره يعني و يبي سياره ، و يشوف ربعه و عياله عمه شاريلهم سيايير و انا بعد مابي اجبر بخاطر الولد
     
  16. ali5225

    ali5225 عضو نشط

    التسجيل:
    ‏12 أغسطس 2008
    المشاركات:
    176
    عدد الإعجابات:
    0
    المزين > تبي نصبحه لوجه الله تعالى ابعد عن الموستنق ويرزقكك الله

    شوف الكورلا الجديد شوفلك وحده فل أبشن كامل المواصفات او كامري او أوريون أو فورد ماركيز

    هذي السيارات الي تصلح للشباب الي تووه قاص ليسن

    وبعدين شنو هذا الي يقول جاكور ولا يقول مرسيدس لا يكون من أل صباح هذا ؟

    من غير قصور فيك طال عمرك ؟ لاكن الدلع الزايد ما يصلح

    شوفلك فورد فكتوريا او ماركيز او كامري 2006 قراندي والله يتحملون هالسيارات من واقع تجربه

    واسعارهم ما تتعدى 5 الاف دينار نصيحه لوجه الله تعالى ...... والراي راجعلك
     
  17. المزين

    المزين موقوف

    التسجيل:
    ‏27 يناير 2009
    المشاركات:
    173
    عدد الإعجابات:
    0
    أخوي هو عنده ليسن من قبل تقريبا سنتين ، كنت معطيه سياره يقزر فيها هالسنتين تقريبا و يمشي حاله و الحمدلله ما عنده ولا مخالفه سرعه ،

    بعدين اخوي اتمنى انك تذكر الكلام إلي قلته لأنه ماله داعي ، انا الحمدلله اقدر أخذه سياره سنعه بس ما ادلعه ، خله هو اذا شتغل و تعب يشتري السياره إلي بخاطره ، اما انا اروح اخذه سياره سنعه على 17 او 18 الف و هو قاعد السياره تجيله لي عنده الصراحه ما احبها ولا انا علمته على هالطريقه ،


    و انا السياره غلي باخذها له يعني شي بسيط لكن والله مادري ، محتار ناس يقولون لي على الولد لو بتعطيه باص يقدر يقحص فيه و يسوق سرعه ، يعني على حسب الشخص ،


    بس شنو الفرق بين الامريكي و الوكاله ؟؟

    الله يسهل ان شاء الله .
     
  18. المزين

    المزين موقوف

    التسجيل:
    ‏27 يناير 2009
    المشاركات:
    173
    عدد الإعجابات:
    0
    upuupupuupuupuupupupup
     
  19. ريّس نفسه

    ريّس نفسه عضو جديد

    التسجيل:
    ‏17 يناير 2009
    المشاركات:
    587
    عدد الإعجابات:
    0
    طويل العمر ، سيارات مثل الموستنغ الكورفيت الزد تخلي العاقل يصير سفيه.. فما بالك بالشاب؟ مو عن شي بس ابليس موجود .. ان حصلك تغير رايه حق سيارة راكدة .. خير وبركة ... احنا شيهمنا لي خذيت له موستنغ؟ ابدا مالنا مصلحة نحذرك بس نبي السلامة لك ولعايلتك، ومثل ما قالوا لك الشباب .. والله ثم والله الموستنغ خطرة وتجرئ الشاب على الهدات السرعة والتبوتن.. حاول تقنعه بيوكن او لاندكروزر
    ولا تقيس تجربته بسيارة عادية (الفترة اللي طافت) وتفترض انها بتكون نفس تجربته بسيارة... خطرة
    واخيرا، الله يحفظ لك وليدك ويبلغك فيه وفي عياله
     
  20. sjl71

    sjl71 عضو جديد

    التسجيل:
    ‏5 يونيو 2008
    المشاركات:
    868
    عدد الإعجابات:
    0
    مكان الإقامة:
    غير معروف
    المزين

    ذكرتني بوالدي رحمه الله

    عندما ارت ان اشتري سياره سبورت من احد الاقارب

    على طول وافق وجاب السياره من الرجال

    وبعد اسبوع او 10 ايام دخل علي في الغرفه

    وقال لي شلون السياره قلت ممتازه

    ثم قال ياولدي انت ابني الكبير وحامل اسمي

    وهذي سيارتك انت اكبر من هذا

    وكان يتحدث بكلام الرجل للرجل

    ورفع من شئني حتى احتقرت السياره

    وكان هذا الموقف عبره لي ودرس

    كان حكيما رحمه الله

    واسف على الاطاله