((((لعشاق السمك))))

[acton]

بسم الله الرحمن الرحيم
نتكلم عن انواع السمك عندنا واماكن تواجدها وطرق صيدها وبما اني من عشاق صيد السمك راح نتكلم على بعض انواع السمك واتمنى المشاركه اذا كنت تعشق صيد السمك واين تذهب هل تواجدك بالمنطقه الجنوبيه او الشماليه وماهو السمك الذي تفضله بالاكل

الشعم
الشعم له مكانه خاصه لدى الحداقه ووذلك لذكائه وسرعه تنقله ويتواجد الشعم بالمناطق الصخريه والمناطق الرمليه(الطينيه)في فصل الشتا وغالبا مايكون لونه رمادي وزعانفه صفره او ازرق اللون اذا كان بالشتا ويتواجد في الماكن الضحله مثل الحيشان قطعه الفنطاس وفي جون الكويت والمناطق الجنوبيه وهي قليله التواجد اما طرق الصيد فالشعم يحتاج رفيع وقياس الخيط من 34 الى 50 ويفضل الميدار قياس 9 و10 و03 بوصده العوي
اما الييم فيفضل الربيان والشريب ومصران الدجاج اما اوقات الصيد فهو فتره الفساد في اول السجي واخر الثبر
​

السبيطي​

​

السبيطي سمكه شعبيه وحذره وذكيه وتحتاج الى تركيز وهدوء في تعاملها وتتواجد في الاسياف وعوهه وجون الكويت اما طرق صيدها فهي بالخيط او بالميرور او الليخ انا بالنسبه لقياس الخيط 35و40 و45و50 ويفضل الركه الطويله ام نوع الييم فهو الزوري وصلاخ الميد والسلس

الهامور​

الهامور سمكه شعبيه وتتواجد في الامكان العميقه كالارياق والاقواع والقصار والهامور له عده طرق بالصيد مثل القرقور والخيط السميك ويفضل قياس 80 وفوق والميدار حجم 06 و07 او خرواش كبير الحجم وركه طويله ويفضل الهامور محايات مثل المجوه والعندق والشعري او اي سمكه حيه بيضه او راس خثاق وصيده يكون بالوقفه

النقرور​

النقرور سمكه لذيذه شعبيه يتفاخرون الحداقه بصيده ويتواجد النقرور بالطينه والاماكن الصخريه العميقه مثل الونانه وجون الكويت والارياق وطرق صيد النقرور بالخيط والليخ والقرقور والييم هو الربيان ويفضل كامله والخثاق والميد وحجم الخيط هو 60 و70 والميدار يفضل قياس 7 ويكون علاق الخيط

النويبي​

النويبي سمكه يعرفها الحداقه نضرا لسهوله صيده وتوافرها في اي منطقه وهي سمكه لحمه قليله الدسم وتتواجد النويبي في المناطق الصخريه والطينيه والشماليه والجنوبيه وتكثر في البويه الصفره والركسه وطرق صيدها فهو العلاق وخيط 70 ويفضل الميدار قياس 7والصيد يكون غالبا في اول السجي اما الييم فيفضل صلاخ الميد والربيان

الكنعد​

الكنعد سمكه شعبيه وتعيش في الاماكن العميقه وتتميز السمكه بجسمها الطويل ولونها ازرق جميله ولذيذه الطعم ووتتواجد في الاماكن المفتوحه وطرق صيدها باللفاح والليخ وهي لاتصطاد عن طريق الخيط

الزبيدي​

الزبيدي سمكه شعبيه عند اهل الخليج نظرا للذتها وتعيش سمكه الزبيدي في المناطق الشماليه قليله الملوحه وتعتمد في اكلها على العوالق البحريه ولاتصطاد عن طريق الخيط فقط عن طريق الليخ(الشباك)

الميد​

الميد سمك صغير الحجم له شعبيه طعمه لذيذ يعيش الميد في منطقه جون الكويت وكذلك في الاسياف

وهناك كثير من انواع السمك الذي يعيش بالكويت

​

 

[maha_Q8]

ماكـــــــــو غيـــــــر مطبق زبيــــــــدي

ونقرور وهاموووووووووووووور وبس

هذا اللي اعرفه من السمك




​

 

[فضل]

يبيله الغدا باجر زبيدى​

 

[TAHOE]

اكتون انت الحين بالكويت وله رجعت اكتون ؟ شكلك ولهان على المطبق

 

[acton]

انا حاليا بالكويت وكل ماصار الجو حلو تلقاني بالارياق اول ماوصلت الكويت صرت مثل القطو اللي طاقينه امصير ادور وين الزفره
بس رجعتي الى اكتن قريبه ​

 

[Q8i11]

خوش موضوع

 

[acton]

خوش موضوع

شكرا تعبني الموضوع ودي اكمل على كل انواع السمك بس ياخذ جهد كبير

 

[sjl71]

جعنى

 

[قلم حر]

ما فيه عشاق المسموط او المسموطه
وخبز تنور والجاي مخدر

ايبااااااااه

 

[acton]

جعنى

 

[salem.srsr]

نسيت ( الوحرة ) !!!

 

[acton]

نسيت ( الوحرة ) !!!

يعيش سمكه الوحر في المناطق الرمليه وعلى السيف وطرق صيده الميرور والقمبار والخيط ويتغذى الوحر على القشريات وكان بالقدم اكلتهم المفضله الوحر خاصه المطبق والمرق

واللي عنده اي استفسار انا حاضر​

 

[salem.srsr]

قواك الله وموضوعك رااائع

انعم الله عليك

سؤال قبل ما اروح

السبيطي لمن تصيدة ... لازم يكون معاك ( جزة او منتب ) عدل ؟؟ لانة يقص الخيط اذا طلعتة من الماي ..

السؤال شنهو تسوي اذا ما معاك جزة او منتب .؟؟؟ يعني شنهو الطريقة اللي تسويها على شان

تطلع السبيطي برة الماي ..؟؟؟

 

[Dr-Q80]

مجهود طيب و موضوع شيق
و بصراحة جوعتنا
عساك عالقوة

 

[jazah14247]

لا تنسى الشيم اكل الحشيم

 

[بو_راشد]

الله لو مو انا في الدوام كان رحت سوق السمك واشتريت زبيدي حق الغداء

 

[ريّس نفسه]

اي والله كنت بقولك نسيت الشيم ..

وانا اشهد ان الشيم ماكول اكتون الحشيم

 

[acton]

ماكـــــــــو غيـــــــر مطبق زبيــــــــدي

ونقرور وهاموووووووووووووور وبس

هذا اللي اعرفه من السمك



​

الحين غداي نقرور مشوي تفضلي
اسعدني مرورك

يبيله الغدا باجر زبيدى​

يبيله زبيديه كبيره بروحك محد يشاركك فيها
شكرا على المرور

مجهود طيب و موضوع شيق
و بصراحة جوعتنا
عساك عالقوة

ودي اعرف شنو سمكتك المفضله
اسعدني مرورك

 

[acton]

قواك الله وموضوعك رااائع

انعم الله عليك

سؤال قبل ما اروح

السبيطي لمن تصيدة ... لازم يكون معاك ( جزة او منتب ) عدل ؟؟ لانة يقص الخيط اذا طلعتة من الماي ..

السؤال شنهو تسوي اذا ما معاك جزة او منتب .؟؟؟ يعني شنهو الطريقة اللي تسويها على شان

تطلع السبيطي برة الماي ..؟؟؟

سؤالك حلو
بالنسبه للسبيطي له معامله خاصه في حاله مامعاك جزه وهو انك تتعبه يعني اول شي تتأكد وين ضارب الميدار اذا بالع ممكن ترفعه بدون جزه واذا ضارب على الطرف لازم تصبر عليه لمن اييك دايخ وتلفه بالغتره او تمسكه من خياشيمه بمعنى تزرده وترفعه
شكرا على المرور

 

[acton]

لا تنسى الشيم اكل الحشيم

الله لو مو انا في الدوام كان رحت سوق السمك واشتريت زبيدي حق الغداء

اي والله كنت بقولك نسيت الشيم ..

وانا اشهد ان الشيم ماكول اكتون الحشيم

الشيم سمكه يعشقها اهل الكويت وقالو عنها الشيم مأكول الحشيم وتتواجد الشيم عند عند عوهه والدردور مقابل راس الارض والسالميه وطريقه صيدها ليس كباقي السمك وتعرف بالييمه المحاياه وهو ان تصيد سمكه حيه مثل الزوريه او اليميامه ومقاس الخيط80 او 90 وميدار رقم صفر9 ويمكن صيدها عند طريق التشخيط والشباك (الليخ) ودائما الحداقه يتفاخرون بصيد الشيم

شكرا ريس نفسه على الوصف كلكم محشومين واشكر جزه وبوراشد معاي​