أقوى وأنجح علاج للإقلاع عن التدخين !!!

الموضوع في 'إستراحة المنتدى' بواسطة حمود الفشقه, بتاريخ ‏25 مارس 2009.

  1. حمود الفشقه

    حمود الفشقه عضو نشط

    التسجيل:
    ‏12 أكتوبر 2008
    المشاركات:
    378
    عدد الإعجابات:
    1
    مكان الإقامة:
    فوق الأرض تحت السماء.

    السلام عليكم ورحمة الله وبركاته


    الموضوع هذا حصري ... .. انا كتبته للفائده العامه .. اتمنى الجميع يقراه ليفيد ويستفيد ..

    كتبته باللغه العاميه .. .. واعذروني على الاخطاء

    كثرت الايام هذي مواضيع الاقلاع عن التدخين

    ولاحظت في ناس كثير يقولون انهم جربوا كل وسيله وما نفعت معاهم

    انا مدخن من 5 سنوات .. وكنت ادخن بكتين باليوم ... " مالبور ابيض"

    بس تركته ولله الحمد

    حاولت اوقفه كم مره

    وكل ما اوقفه ... على طول بعد ساعه تجيني زي الانتفاضه وكذا لازم ادخن ..

    اذا جيت افكر كيف اوقفه ...

    ما اقدر اتخيل نفسي جالس كذا اتقهوى وما ادخن

    ما اقدر اتخيل نفسي جالس كذا ماسك طريق وزحمه وما ادخن

    ما اتخيل نفسي اشرب شاهي بدون ما ادخن

    ما اتخيل نفسي اجلس مع الشباب واسولف بدون ما ادخن

    ما اتخيل نفسي العب بلوت (ايام اول) بدون ما ادخن

    في حاجات كثير منعتني عن توقيفه

    حاولت

    وجربت "العلوك" الخاصه للامتناع عن التدخين

    ههههههههههه ما صمدت الا نص ساعه

    جربت اللزقات او الباتشات اللي تلزقها بيدك

    برضوووووا ما نفعت .. بس صمدت المره هذي ساعتين

    المهم اني جربت اشياء كثييييييييييييييير

    وكلها ما نفعت

    قبل فتره

    كلمني واحد من الاصدقاء وقالي في حبوب جديده اسمهاchantix

    يقول ان عمه مدخن من 30 سنه .. ووقف الدخان عن طريقها

    انا ما صدقت .. وقلت له ابي اكلم عمك

    كلمت عمه وقالي كلامه صح .. وقالي انه يعرف ناس كثير وقفوا الدخان عن طريق االحبوب هذي

    يقول ناس صار لهم يدخنون فوق الـ 20 سنه ووقفوه

    المهم

    واروح واتصل على الدكتور تبعي وقلت له السالفه وقام هو ودلني على دكتور ثاني

    جا ذاك اليوم واجهز تأميني واوراقي عشان اروح لموعدي ( بامريكا يطلبون تأمين ) ورحت للدكتور

    الامريكي ..

    وطبعا قبل ما ادخل عنده لازم زقاره الطريق ههههههه

    المهم

    خلونا نشرح بطريقه مبسطه كيف الحبوب

    chantix

    اول حاجه ,,

    ## ليش الواحد يدخن ؟

    الواحد يدخن .. ويستنشق النيكوتين ..

    النيكوتين هذا يروح لحاجه يسمونها receptor في الدماغ

    الريسبتر هذا يستقبل النيكوتين والنيكوتين يخلي الدماغ يرسل رسائل او نبضات لدماغك عشان

    يخليه يفرز انزيم كيميائي اسمه Dopamine

    الانزيم هذا يعطيك شعور "بالمتعه" المؤقته .. وركزوا على كلمه مؤقته ...

    مؤقته... يعني تروح المتعه بعدها على طول انت تبي ترجع للمتعه هذي وتدخن زياده.. عشان كذا

    الجزء اللي قلنا عنه الريسبتور يطلب المزيد من النيكوتين

    عشان كذا تدخن اكثر واكثر ...

    هذي بأختصار فكره التدخين

    الحين ,,

    # وش تسوي حبوب الـ Chantix ?

    حبوب شانتكس تمنع الجزء اللي في دماغك اللي قلنا عنه اللي اسمه recptor

    يمنع الجزء هذا من استقبال النيكوتين .. يعني تسوي زي الحاجز بين الريسبتور والنيكوتين

    يعني لو تدخن من اليوم الى بكره .. النيكوتين ما راح يروح للجزء هذا ..

    واذا النيكوتين ما راح للجزء هذا .. خلاص دماغك او الريسبتور ما راح يطلب نيكوتين بعدها

    لانه بطريقه مبسطه .. خلاص ملللللللل ما يقدر يجيب نيكوتين .. يعني خلاص تلقائيا راح

    يستغني عن النيكوتين

    هذي صوره مبسطه تشرح اللي جالس اقوله

    http://www.chantix.com/images/chantix_brains.gif

    # ''طريقه استخدام حبوب chantix ?

    1- اول شي تسويه .. اشتر الحبوب هذي .. او رح لدكتور وخله يوصفها لك ...

    عندنا بامريكا يسمونها Chantix .. اعتقد بالسعوديه يسمونها Champix

    الحبوب هذي سعرها بامريكا حول الـ 400 ريال ...

    اذا شريت الحبوب راح تلاحظ ان فيها 4 علب .. علبه البدايه لونها اخضر الحبوب لونها ابيض .. و3

    علب لـ الاسبوع ما بعد البدايه لونها ازرق

    الحبوب لونها ازرق بعد

    مده مرحله الاقلاع النهائيه = 12 اسبوع واحتمال تكون 5 اسابيع

    2- حدد موعد لترك التدخين ... يعني مثلا قل بتاريخ الفلاني راح اوقف .. خلنا مثلا نقول 7-1-2008

    3- قبل اسبوع من الموعدد اللي حددته لترك التدخين .. ..يعني في حالتنا هنا بتارريخ 1-1-2008

    تبدا تاكل الحبوب حقت البدايه اللي

    هي بالعلبه الخضراء .. تاكل حبه وحده كل صبح .. مع استمراريه التدخين .. تاكل الحبوب

    وتدخن .. يعني تقدر تدخن

    ما يحتاج توقف على طول ..

    4- اليووم الثاني2-1-2008 .. والثالث3-1-2008 .. نفس الحاجه .. تاكل حبه وحده كل صبح ...( من

    العلبه الخضراء) ------ مع ملاحظه انك تقدر تدخن اليوم هذا

    5- اليوم الرابع ,, 4-1-2008 ... تاكل حبتين وحده الصبح ووحده الليل ( من العلبه الخضراء ) ------

    مع ملاحظه انك تقدر تدخن اليوم

    هذا

    6- تستمر تاكل حبتين باليوم حتى تخلص العلبه الخضراء ----------- مع ملاحظه انك تقدر تدخن

    الايام هذي

    7- راح تلاحظ بالاسبوع هذا .. انك ما تحس برغبه بالتدخين .. حتى راح تلاحظ لو كنت تدخن

    بكتين باليوم .. راح تنقص لـ بكت واحد باليوم او

    حتى اقل

    وهذا يرجع للحبوب اللي بالعلبه الخضراء .. بدت تمنع الريسبتور انه يجيه نيكوتين .. حتى راح تكره

    الدخان وريحته

    8- الحين جا الموعد حقنا حق الاقلاع ..اللي حددناه .. 7-1-2008

    باليوم هذا توقف الدخان ... وراح يكون سهل مره لأنك الحين بمرحله كره الدخان ...

    باليوم هذا تبدا بالحبوب اللي بالعلبه الزرقاء .. راح تاكل حبتين زرقاء كل يوم .. لمده 11 اسبوع ..

    وحده بالصبح ووحده بالليل

    مع ملاحظه انك اذا جا يوم بذاك الاسبوع وحسيت انك تبي تدخن ومرره ما قدرت وودخنت زقاره

    غصب هههه .. فهذا ما يعني انك الخطه هذي فشلت

    بالعكس استمر باكل الحبوب هذي لمده 11 سبوع .. كمل المده .. وصدقني راح توقف ..

    الحبوب طبعا يبي لك تشتريها كل شهر مره .. لان العلبه تكفي لشهر واحد ..

    هذي طريقه الحبوب هذي ...

    ## تجربتي

    - بعد ما خلصت اول اربع ايام .. بديت اكره الدخان معي اني اقدر ادخن ..

    صرت ادخن في الساعه زقاره .. بدل ما ادخن 4 زقاير بالساعه ...

    صرت مابي اشتري دخان

    صرت اتمنى يجي اليوم اللي انا حددته عشان اوقف الدخان ..

    جا ذاك اليوم .. ووقفته ..

    اول يوم .. عادي ما همني .. جا اليوم الثاني .. وبالغلط خذت زقاره .. بس يوم خذتها ما كملتها ..

    كرهتها . كرهت ريحتها كرهت كل شي فيها ..

    والحمد لله انا موقف الحين .. وصرت اكره الدخان كررررره

    لو الزقاره انسان .. مستعد اذبحه وادخل السجن عشانه الحين ههههههههههههه وش رايكم

    بالتشبيه

    ## تجارب غيري ::

    - هذا واحد اسمه براين يقول

    " كنت ادخن بكت ونص يوميا لمده 30 سنه .. الحين راح شهر وانا استعمل الحبوب هذي وما دخنت ولا زقاره .. يقول اي رغبه تجيني بالتدخين .. تروح في ثواني .. الحبوب من جد تخليك توقف وتكره الدخان .. اي حاجه جسديه ممكن يحس فيها جسدك بعد ترك التدخين .. تروح عنك بعد 4 اسابيع .. وخلاص انتهى الموضوع وانتهينا من الدخان "

    - هذا واحد ثاني اسمه سكني .. يقول

    " حددت موعد الاقتلاع عن التدخين في اول يوم من شهر جانوري ... وبديت اكل الحبوب قبل اليوم هذا بخمس ايام .. لقيت اول الايام شوي صعبه لكني الحاجه العجيبه اني قدرت اقلل مقدار الزقاير اللي ادخنها ... كنت ادخن بكتين باليوم لمده 30 سنه ... الحين في 4 ايام الاولى دخنت بكتين في 4 ايام !!! .... كل زقاره اخذها احس اني اكرها ... والزقاره اللي بعدها اكرها زياده وزياده .. بالحقيقه لقيت نفسي احاول ابعد عن الدخان والبكت مابي اشوفه

    صرت مابي اشرب قهوه عشان ما افكر بالدخان ... وصرت اذا شفت احد يدخن .. انحاش من عنده مابي اشم الريحه اللي اكرها ريحه الدخان .. الحين صار لي سبوعين ما دخنت ولا زقاره .. اتمنى التوفيق للجميع "

    - هذا سيندي .. يقول

    " بديت اكل الحبب قبل 15 يوم .. اخر زقاره خذتها قبل 7 ايام .. شي عجيب ومذهل كيف الحبوب هذي باول 7 ايام وانت تدخن ما تحس بالمتعه اللي تحس فيها اول .. انا حاليا متفاجئ كيف اني ما ادخن الحين

    .. اذا شربت قهوه او اي حاجه صرت ما افكر بالزقاره ابدا .. "

    - طبعا كلهم اشتركوا بحاجه وحده انهم جربوا كل شي وما نفع معهم .. بس الحبوب هذي نفعت ..

    اعتقد اني خلصت من الموضوع

    الموضوع كتب للفائده العامه .. اتمنى عدم النقل بدون ذكر المصدر

    وياليت نبدا حمله لمقاطعه الدخان ..

    اللي يعرف احد من الاقارب او الاصدقاء يدخن

    ياليت يخليه يشوف الموضوع هذا

    على فكرة سعر العلبة 177 ريال

    منقول حرررررفيآ (دعواتكم)
     
  2. life42

    life42 عضو نشط

    التسجيل:
    ‏23 فبراير 2008
    المشاركات:
    418
    عدد الإعجابات:
    0
    مكان الإقامة:
    الكويت
    بداية جزاك الله خير علي هذاااااا الموضوع هذي المشكله اعاني منهااااااا بشكل كبير وتاعبتني فياليت توضح لي اكثر الحبوب موجوده بالكويت ووين ممكن احصلهااااااااا ولازم وصفه طبية للشراء والا عادي من اي صيدليه واكون شاكر لك
     
  3. حمود الفشقه

    حمود الفشقه عضو نشط

    التسجيل:
    ‏12 أكتوبر 2008
    المشاركات:
    378
    عدد الإعجابات:
    1
    مكان الإقامة:
    فوق الأرض تحت السماء.
    أخوي life42 الله يبارك فيك
    الموضوع منقول لعل أحد يستفيد منه
    وعن نفسي بسأل بكره عنهن في الصيدليات وأن شاء أقدر أفيدك أكثر...
    وشاكر مرورك الكريم.
     
  4. life42

    life42 عضو نشط

    التسجيل:
    ‏23 فبراير 2008
    المشاركات:
    418
    عدد الإعجابات:
    0
    مكان الإقامة:
    الكويت
    في ميزان اعمالك انشاء الله وشكرااا للرد
     
  5. المستثمر22

    المستثمر22 عضو جديد

    التسجيل:
    ‏27 يونيو 2006
    المشاركات:
    510
    عدد الإعجابات:
    0
    جزاك الله خير
     
  6. علي الغانم

    علي الغانم عضو جديد

    التسجيل:
    ‏29 سبتمبر 2005
    المشاركات:
    191
    عدد الإعجابات:
    0
    مكان الإقامة:
    الكويت
    الله يعطيك العافيه ومشكور على الموضوع​
     
  7. الطـبـيـب

    الطـبـيـب عضو نشط

    التسجيل:
    ‏16 مايو 2008
    المشاركات:
    2,345
    عدد الإعجابات:
    20
    مكان الإقامة:
    النعيم
    جزاك الله خيرا

    الله يكفينا شر التدخين
     
  8. Weather man

    Weather man عضو جديد

    التسجيل:
    ‏4 مارس 2009
    المشاركات:
    178
    عدد الإعجابات:
    0
    جزاك الله خير
     
  9. طيران

    طيران عضو جديد

    التسجيل:
    ‏31 أكتوبر 2005
    المشاركات:
    324
    عدد الإعجابات:
    0
    انا ادخن من 12-12-1978 يعنى تقريبا 29 سنه بس الحين صار لى من تاريخ 4-8-2007 اللى هذا اليوم والله ولا طبت الزقاره فمي الحمد لله بدون اى شي الشغله ايراده بس قبل حاولت اقطع التدخين بكل الطرق لزقات حبوب كل ماقالو منتج يخليك تقطلع التدخين رحت شريت
    واخر شي بروحى عزمت والحمد لله توفقت
     
  10. حمود الفشقه

    حمود الفشقه عضو نشط

    التسجيل:
    ‏12 أكتوبر 2008
    المشاركات:
    378
    عدد الإعجابات:
    1
    مكان الإقامة:
    فوق الأرض تحت السماء.
    السلام عليكم..


    ...صباح الخير
    سألت عن الحبوب في صيدلية منطقتنا وطلع الصيدلي مايعرف هـ النوع منها
    بــس بأذن الله باجر بفر على جم صيدليه وأن شاء الله نجيب الخبر الأكيد إذا متوفرات أو لا
     
  11. قلم حر

    قلم حر عضو مميز

    التسجيل:
    ‏29 مايو 2004
    المشاركات:
    26,415
    عدد الإعجابات:
    3,380
    مكان الإقامة:
    الكويت بلد الاصدقاء
    ترى والله ناطرين الرد شد حيلك / ولك باقي الكرز
     
  12. حمود الفشقه

    حمود الفشقه عضو نشط

    التسجيل:
    ‏12 أكتوبر 2008
    المشاركات:
    378
    عدد الإعجابات:
    1
    مكان الإقامة:
    فوق الأرض تحت السماء.
    أبشر الله يطوًل عمرك...وإن شاء الله يجي اليوم اللي نبارك لبعض بتركه...
    الاً ع فكره شنو نوع زقايرك :p
     
  13. السيل

    السيل عضو نشط

    التسجيل:
    ‏27 ابريل 2007
    المشاركات:
    283
    عدد الإعجابات:
    0
    إيجاد أفضل Chantix محام
    وبعد دراسة Chantix الخطر المحتمل ، الاتحادي إدارة الغذاء والدواء (الهيئة) ، الصادر عن الصحة استشارية Chantix (المعروف CHAMPIX في الخارج) ، وتنبيه المرضى على نحو فعال من الآثار الجانبية المحتملة Chantix.

    الطب Chantix هو وصفة الدواء ، والتي وباختصار. نظرا لأنه من المرضى الذين يرغبون في الاقلاع عن التدخين ، وبالتالي انهاء النيكوتين العادات الجيدة. خلافا لمعظم النيكوتين استبدال العلاج (المعالجة التي حلت محل النيكوتين) لا تستخدم للحد من Chantix النيكوتين الرغبة الشديدة. وبدلا من ذلك ، Chantix يقلل من الرغبة في الحد من آثار النيكوتين عن طريق تدخين السجائر.

    كما النشرات 35 حتي 60 ٪ في الدوبامين التي تسبب النيكوتين Chantix التي يكون فيها الخطر فيها.

    لان العقاقير تؤثر على مستوى الدوبامين في المخ ، يمكن أن تحفز مجموعة من المشاكل النفسية. واحد من أكثر الآثار الجانبية المقلقة Chantix هي الاكتئاب ، وعدم انتظام أو السلوك العدواني ، في ما لا يقل عن 55 حالات معروفة ، ناجحة الانتحار.

    ومن المقدر أن ما يقرب من 5 ملايين وصفات مكتوبة. <br/>
    مع واحدة من أهم الآثار الجانبية للChantix يتم التفكير في الانتحار ، وتفاقم المشاكل النفسية الأساسية ، فإنه يبعث على القلق الشديد.

    هناك الكثير من الناس الذين يعرفون Chantix خطر ، لأن الأعراض لأول مرة مباشرة. الموهنة الاكتئاب والصدمات النفسية ، أو لا ينبغي أن تستبعد من التجارة على أنها محاولة لتماما عن التدخين.

    إذا كنت ضرر المخدرات Chantix ، Chantix في استرداد التكاليف من خلال دعوى قضائية. خطوة واحدة في هذا الاتجاه سيكون استشارة محام محلي لChantix الحقوق والفرص.

    Chantix المحامي ستقيم حرة التشاور ، والتي ستتولى التحقيق في القضية ، وأكثر من قوته. وقد يساعد على إنشاء خط الطبية الوقت وجود صلة بين استخدام Chantix ، وحدوث مشاكل عاطفية. في عرض هذه المعلومات على محام مؤهل Chantix تساعدهم تقييم الدعوى.

    إذا كنت أحد أفراد الأسرة الذين فقدوا شخص بسبب الانتحار ، ويمكن Chantix الآثار الجانبية هي السبب ، كما قد يكون مستحقا لChantix الدعوى أيضا.

    بأي حال من الأحوال أن نقول في حالة يمكن الاعتماد عليها المحامي Chantix هو مبين.

    Chantix ، فضلا عن الآثار الجانبية Chantix يكفي لجعل المطورين المخدرات إلى المحكمة. الحصول على العدالة لنفسه ولأسرته Chantix على تعيين محام لتمثيلهم.

    Chantix المحامي ستجد الخبرة في فئة الإصابة الشخصية أو المنتج المسؤولية محام. أنها يمكن أن تساعد في تقييم قوة وضعف الحال.


    نيك جونسون

    لا توجد مقالات مماثلة
     
  14. Winchester SX3

    Winchester SX3 عضو مميز

    التسجيل:
    ‏4 يناير 2009
    المشاركات:
    7,923
    عدد الإعجابات:
    1
    مكان الإقامة:
    الكويت
    كل إدمان بالعالم حله سهل جدا وهو:

    التوبه الى الله سبحانه

    الإراده (( لااااازم تكون قويه ))

    وعوامل مساعده مثل تقليل الجلوس بأماكن التدخين المثالية مثل الديوانية
    قبل لا تركب السيارة قط الباكيت بره
    كثر القعده مع الأهل عشان تحرم روحك منها

    تعوذ من ابليس

    ـــــــــــــــــــــــــــ
    اما حبوب وعوار راس وفلوس وهالسوالف مالها داعي بصراحه

    ــــ
    سبب خله ولد عمتي يقطع
    يوم كان قاعد بدوانية صاحبه قعد يمه ولد راعي الدوانية عمره 5 سنوات
    وقاله: عمي .. أنت ليش تشرب زقاير؟
    توهق ولد عمتي وطالع ابو الولد بتعجب ومايدري شقول
    قاله ابو الولد هااااااا تقدر ترد عالولد؟؟

    ولله الحمد بطلها من وقتها
     
  15. حمود الفشقه

    حمود الفشقه عضو نشط

    التسجيل:
    ‏12 أكتوبر 2008
    المشاركات:
    378
    عدد الإعجابات:
    1
    مكان الإقامة:
    فوق الأرض تحت السماء.
    السلام عليكم...

    مساء الخير على الجميع..
    أمس رحت لصيدلية الغانم اللي بالفروانيه وطلبت الحبوب المذكوره..


    وجاب لي الصيدلي كرتونتين..
    الاول..فيه شريطين الأول

    0.5 ملجم مره يوميا لمدة 3 أيام
    بعدها لمدة 4 أيام 0.5 ملجم حبتين في الصباح وفي الليل...هنا يكون خلصنا من الأسبوع الأول


    والثاني فيه 14 حبه... 1 + 1 ملجم في الصباح وفي الليل أيضآ لمدة أسبوع أيضآ..
    بمعنى الكرتون الأول مدته أسبوعين



    وسعرهـ >>> 16.700 د.ك


    الكرتون الثاني هي نفس الحبوب المستخدمه في الأسبوع الثاني ولكن فترتها 3 أسابيع وسعرهـ >>> 37.440 د.ك


    أسأل الله العظيم رب العرش العظيم
    الذي أشرقت بنور وجهه الكريم
    السموات والارض
    لي ولكم
    توبتآ لوجهه الكريم
    وصلى الله على محمد وعلى آله وصحبه الغر المحجلين
    وآخر دعوانا الحمدلله رب العالمين.
     
  16. kazamezaa

    kazamezaa عضو نشط

    التسجيل:
    ‏3 يناير 2008
    المشاركات:
    1,074
    عدد الإعجابات:
    1
    مكان الإقامة:
    kuwait
    موجود في الكويت و علي فكرة الشامبكس جيد و طريقة عملة فعلا مبتكرة وانهي بذلك عمل العلكة و اللزقات
    واللي يبية حاااااضر و مع خصم كمان :)