الله يعطيكم العافيه يا جماعة الخير لي متى وشاطئ شويخ غير مهتمين فيه . . . مهمل من جميع النواحي . . من عزكم الله الحمامات. . . من الامن . . . من العاب الاطفال .. . من عملية الشوي اللي ماتخلص . . . من القاذورات والقمامه اللي البعض يرميها من غير اهتمام . . . ليش كل هذا يصيير انا الصراحه حاولت اني اكلم احد المسؤولين بس للأسف لاحياة لمن تنادي ماوصلت حق اي احد فيا جماعة الخير شوفولنا حل حق هالمكان لانه يعتبر من الاماكن اللي الواحد ينشرح فيه صدره لما يقعد اهناك فهمتكم معانا
اشفيك يا خوي بو خالد اول مره تسمع عن هالمكان اي شاطئ شويخ اللي اخر البحر مقابل قصر الشيخ ناصر . . . ها عرفته؟؟
يا الحبيب كل مكان عيل انت ما شفت صبح 27 و 26 فبراير والله ورب الكعبة عمال النظافة ما يلحقون على تنظيف المكان المكان في قمت القذارة ولا العمال لملموا اللي قدره عليه وخلوا الباجي على حطته ملاحظه مشاركاتي = مشاركاتك
أخوي نتمنى الناس والمسؤولين يتفاعلون مع هذه الامور ولكن كثر ما نتكلم بهذه المواضيع ولا حياة لمن تنادي مشكور على الطرح الجميل
الـ زفره من جميع مجارى البلد تروح البحر ومن البحر ياكلها السمك واللى بالتالى ياكله الناس روح الدوحه ماادرى الواحه ( اللى فيها شاليهات ) بجانب صليبيخات وشم الريحه م ج ا ر ى
حتى انا بصراحه قبل فتره كنت اروح امشي كل يوم ما عدا الويك اند و كان المكان هادي و نظيف , بس يمكن بالويك اند الوضع يتغير الله اعلم .
