للتنازل عن سايق هندي ممتاز

[الشـــيخ]

السلام عليكم .. عندي سايق مسافر اخر 5 وراجع اخر 7 ... والله محترم ولكن يبي راتب 70 وانا عندي غيره سايق معاشه 50 ..وان عطيته 70 طلب الثاني 70 ... !!!

مواصفاته ..

الجنسية ==> هندي
الديانــــه ==> مسيحي
العمر ====> 35
متزوج وعنده طفلين
سنوات الخبره ====> 4 سنوات دبي
وسنتين الكويت
عنده ليسن كويتي وليس اماراتي ( دبي )
يجيد اللغه الانجليزيه ( ممتاز ) ويعرف اللغه العربيه ...
والله ما امدحه سواق درجة اولى ( شقردي بالعربي ) ولا طرشته مشوار خلصه ... حتى الصناعية يروح لها بروحه ويضبط السيارات .. معلمينه على كل شي جاهز مجهز


طلباته / يشتغل سايق في بيت ومعاشه 70 فقط سايق وشكرا ( لا له شغل في مزرعه ولا غيره .. سايق فقط هذا طلبه )


للجادين المراسله ع الخاص

 

[انا الفهد]

الشيخ مساء الخير اولا بيروح شهر 5 وشيضمن لنا انه بيرد شهر 7 وبعدين معاش 70 ولا قتله اغسل السياره او اسقي المزرعه وكلهم نخلتين او قتله خلك بالديوان عندي ضيوف صب شاي وقهوه مايرضي ؟؟ فهمني وشكرا

 

[Business Man1]

اخوي جم تبي فيه ؟
انا جاد انشالله

 

[الشـــيخ]

الشيخ مساء الخير اولا بيروح شهر 5 وشيضمن لنا انه بيرد شهر 7 وبعدين معاش 70 ولا قتله اغسل السياره او اسقي المزرعه وكلهم نخلتين او قتله خلك بالديوان عندي ضيوف صب شاي وقهوه مايرضي ؟؟ فهمني وشكرا

مرحبا يالفهد ومساك الله بالخير ...

اول شي فلوسك عندك وسايقي عندي ومافي شي لين يرجع .. بس بينا كلمة وانا عند كلمتي يالفهد ان اتفقنا ورجع صار لك وان ما رجع منت خسران شي .. والسايق ما يقعد بالكويت ياخذونه منك من ثاني يوم

انا كلمته قال اذا اقل من 3 سيارات بغسل ماعنده مشكله والمزرعه صغيره بيسقيها مو مشكله ... والله انه رجال طيب وخدوم وان سوا الشغله برد كبدك

وانا صريح معاكم واقولكم رغبات السايق عشان ما تصير اي اشكاليه بعد التحويل .. وسلامتك يالفهد

 

[الشـــيخ]

اخوي جم تبي فيه ؟
انا جاد انشالله

هلا اخوي ... التنازل 300 دينار والدفع بعد ما يرجع ... انا حاجز له 20/5 - ورجعته 20/7 يعني 21 هو بإسمك انشاء الله ...


واسمحولي يا اخوان اول واحد بيعطيني كلمه انه يبيه بسكر الموضوع والله عطاه اياه ...

 

[قناص_السوق]

رخصه عامه عنده ولا خاصه ؟ ؟ ؟

ويعرف يسوق و يصفط يعني باختصار اهو دريول قيادة يتصرف بالمواقف ؟ ؟ ؟

و بخصوص قوانين المرور يعرفها ولا كل شرطي يمشيها عليه و جم اخر شي حدك بالتنازل لا تنسى ان اهو مسيحي اخوي ؟ ؟ ؟

ويقبل يشتغل بالحديقه اضافه على شغلته الاساسية

 

[الشـــيخ]

اخوي رخصه خاصه .. والسواقه والله سواق درجة اولى بين سيارتين ومكان ضيق يدخل ويطلع منها بعدين يعتمد عليه حيل حتي سياراتك عطه اياها ووديها الكراج وسويها لك ويعطيك الو وهو هناك يقولك شنو خرابها وجم تصليحها وابشرك يكاسر بعد .. والله سوااااااااااااق نادر ع كثر السواويق اللي جبتهم ما لقيت مثله هو وواحد بس اما الباقي نفعتهم عله ... والحديقه اذا صغيره ما عنده مشكله ..

 

[الشـــيخ]

نسيت اقولك التموين والجمعيه يروح بروحه ويجيب الاغراض ما يتعبنا .. مريحنا للاخر بس علمه ع شغلك وخلاص يمشي معاك ذكي ويستوعب بسرعه ويحفظ المكان من اول مره تبارك الرحمن

 

[قناص_السوق]

والله يا اخوي شقولك انت اغريتنا بالكلام شوي ... بس راتبه يا اخوي و انا ابيه يقعد سنتين كاملين قابل للتجديد ابي اضمنه , و بخصوص ال 10 الي فوق الراتب فيها فلوس التذاكر . . .

 

[الشـــيخ]

والله ياخوي ماكنت برجعه بس قال أنا ابي ارجع واشتغل بالكويت قلت انشاء الله يكفي رجال خدمني سنتين عن عشرين سنه .. وما عمره سوالي مشكله او جابلي مصيبه ولله الحمد ..

انا ما مدحته انتوا سالتوا وانا جاوبت وقلت لكم الصدق ... هو مسافر 20/5 وراح يرجع 20/7 وبيقعد سنتين لا رجع حولت اقامته والله عطاك اياه ... وما فهمت ال 10 شسالفتها ؟؟

 

[الشـــيخ]

بعدين ياخوي الحين الطلب من 150 الى 270 مفتر ع المكاتب كلها بحولي والمعاشات اذا مشتغل بالكويت 80 واذا الخليج من 60 - 70 ... بعدين مادري السايق صاحي ولا خبل .. امين ولا لأ !!
يعني ضربة حظ

 

[الشـــيخ]

اسمحولي يا اخواني الموضوع اغلق ,,
وتم الاتفاق مع احد الاخوه بخصوص السايق ..
ويرجى من المنتدى اغلاق الموضوع ... وشكرا

 

[الشـــيخ]

اخواني اسمحولي تم اغلاق الموضوع ...
لأن تم الاتفاق مع احد الاخوان ...
ويرجى من المنتدى اغلاق الموضوع وشكرا