اغيثونا ... اغيثونا

[مساٌُعد]

يا اخوان عندى مشكله وابى الحل لها

انا مواطن طلع لى ارض وقرض وبنيت القسيمه الى الاسود واتفقت مع شركة تكييف مركزى على التكييف بالقسيمه شامل كل شي بمبلــــــــــغ ( 5.500 ) د.ك المهم مددو لى لغاية ( الدكتات ) للقسيمه ودفعت لهم على دفعات ( 3.500 ) د.ك المهم صارت عندى دوره خارجيه خاصه بالعمل وسافرت لمدة 4 سنوات وبعد 4 سنوات رديت الكويت ورحت للشركه علشان ادفع فلوسهم ويكملون باجى الشغل رحت حق الاستقبال عندهم وقلت انا موضوعى كذا كذا قالى الشركه اتعيش انت قلتله يعنى شلون قال الشركه تعرضت للاحتلاس من موظف وسكرت الشركه وليس لها وجود الحين المهم
طالعت بالموظفين والا اهم انفسهم وصاحب الشركه والا اهو نفسه اتضح ان الشركه تعرضت للاختلاس من موظف وتم تغيير اسم الشركه واصبحت شركه غير الاوليه والاوليه صار ليس لها وجود والعقد معاى والايصالات .

شنو اسوى بعقد شركه ووصولات شركه ليس لها وجود وشنو الحل الامثل والقانونى برايكم.

 

[fayoona74]

شنو نوع الشركة السابقة وشنو مصيرها يعني اشهرت افلاسها ولا شنو بالضبط مافي شي اسمه تعيش انت يعني في نهاية للشركات مثل الانسان يااما تنتهي بضمها لاحد الشركات ومن ثم تغيير كيانها القانوني او انها يتم اشهار افلاسها بحكم ويتم تعيين مدير تفليسة
بس فيدنا بهالمعلومات عشان نقولك شتسوي بالضبط وانشالله حقك مايضيع ولو تحط بعد صيغة العقد اللي بينك وبينهم مع حذف البينات مثل الاسم وغيره نكون شاكرين لك وبجميع الاحوال لاتحاتي

 

[مساٌُعد]

الشركه اسمها الدمام للتكييف واكيد فى احد بالمنتدى ماره عليه نفس مشكلتى

واعتقد اشهرت افلاسها

وبالنسبه للعقد مثل كل عقود التكييف المتعارف عليها

 

[fayoona74]

لازم تروح وزارة التجارة وتشوف وضع الشركة موجودة او لا وتاخذ شهادة ببياناتها ووضعها اذا موجودة وشغالة راح تاخذ حقك واذا مو موجودة يعتمد اذا في مدير تفليسة او حارس قضائي ممكن يعطيك حقك اذا عندها املاك ومن الشركات الكبيرة واذا ماعندها فلوس وانتهت الشركة لاي سبب عوضك على الله
بس اول خطوة روح باجر وزارة التجارة واخذ منهم شهادة وقولنا شيصير معاك عشان نوجهك للخطوة اللي بعدها اذا لك امل او لا وقول الحمدلله ان المبلغ مو وايد في ناس خسرت بعشرات الالوف
خاليا شوف لك شركة ثانية تكمل شغلك وبنفس الوقت شوف شلون راح تسترد حقك لو كنت الشركة شغالة او لا واذا مو شغالة عندها فلوس او تصفت كللش
ولازم تييب نوع الشركة لان اذا شركة تضامنية الوضع يكون مختلف ولك امل باسترداد حقك

 

[الـمـحـامـي]

بسم الله الرحمن الرحيم

نشكر الاخت fayoona74 على المساهمة بالرد

الاجابة /
العقد شريعة المتعاقدين وطالما أخطئوا في حقك يحق لك رفع دعوى قضائية عليهم إما الزامهم بتنفيذ بنود العقد او التعويض عن الإخلال بالعقد .. بشرط ان تعرف عنوانهم وممثل الشركة القانوني .. وعموماً تغيير اسم الشركة غالباً يكون للتنصل من الالتزامات السابقة .. فالعبرة بالعقد المبرم بين الشركتين القديمة والجديدة وهل تحل محلها فيما لها من حقوق وما عليها من التزامات أم لا .. فلك إما ان ترجع على الممثل القديم للشركة او الممثل الجديد أو أيهما معاً وأثناء نظر الدعوى سوف يقدمون أوراق سوف تستفيد منها في الحكم ضدهم ..

المحامي / عوض ماطر المطيري
99420979