بوالنصح هذي رايي واتمنى اني افيدك فيه :d :
المشكله والمصيبه ان محللين اليوت مو عارفين يفرقون بين الموجه بي وبين موجه 2 ارتداد بهذي القوه ومره وحده جذي مايكون موجه بي صج ان كلشي جايز بس لما الواحد يحلل احط اقرب الاحتمالات والموجه بي هذي آخر احتمال ممكن افكر فيه.
الارتداد الحاصل هذا وبالقوه هذي له احتمالين :
1- انها تكون موجه 4
2- انها تكون موجه 2
3- موجه بي
لاحظ اني رتبت توقعات حسب الاكثر ترجيحا في حالة ان السوق ماصعد اكثر من جذي اتم الموجه 4 قائمه وعندي اكثر من سهم امتابعها عن قرب وترقيمها جدا واضح منها مباني وبنك الكويت الدولي وبنك برقان في حالة ان هذي الاسهم اكسرت قممها راح اكون في صعده ثانيه حلوه للسوق مادام هذي الاسهم ليمه الحين مكانها وماراحت صوب قممها الوضع ماهو طيب.
ممكن يكون المؤشر السعري غير واضح بس الكثير من الاسهم واضحه.
في حالة ان هذي الاسهم اكسرت قممها راح تعطينه اشاره اكيده ان الاحتمالات تكون بين موجه 2 و موجه بي وراح نلغي الموجه 4 و يتم تغيير الترقيم وانكون انهينا خمس موجات نزول والموجه بي هذي استبعدها كلش وراح اتكون آخر الاحتمالات واحتمال انها هذي ضعيف جدا. موجه بي ولا 2 مايهمنه حاليا كثر مايهمنه اتجاه السوق.
يبقى عندي موجه 2 اذا كان فعلا هذي الموجه 2 وهل اسهم اكسرت قممها راح اكون عندنه صعود جميل آخر ويكون الأخير يعني باقي عندنها موجه 3 تحت وراح اتكون عنيفه جدا يعني حالنه بصير مثل حال السوق الامريكي !
البترول في الموجه الخامسه له وهذي على حسب ترقيم اليوت وايف. يعني لحد اكلمني عن ترقيم آخر. يعني اذا ما انتهى اساسا ممكن ينتهي عند 75 او 79. الداو جونز حاليا في الموجه سي داخلها في الرابعه من الثالثه يعني باقيليه صعده اصغيره ونزول بعدين صعده اصغيره ثانيه. وكل مؤشراته سلبيه جدا
صحيح ان الاسواق ماتقارن ببعض الا في بعض الاحيان لكن حاليا اشوف ان ممكن يكون في ارتباط بسيط بذات ويا البترول.
لما اتشوف كل هل الاشياء واتشوف ان البترول في آخر موجه له واهي الخامسه محللين اليوت بالخامسه يدوسون ابريك المفروض ويطلعون ينطرون النزول. اي محلل ثاني بضارب كيفه.
الحين اجمع كل هذي الامور واتخذ قرارك على راحتك.
مرثانيه الوضع الحالي أميل الي السلبيه اكثر من الايجابيه مالم اشوف الاسهم الي عندي بلشت اتحرك افضل اندوس بريك. واذا تحركت راح اكون مضاربه على المدى القصير بعدين انسحاب.
بالتوفيق