مصري نصاااااااب

الموضوع في 'قسم الإستشارات القانونيه' بواسطة كويتي08, بتاريخ ‏8 ابريل 2009.

  1. كويتي08

    كويتي08 عضو جديد

    التسجيل:
    ‏12 مايو 2008
    المشاركات:
    54
    عدد الإعجابات:
    0
    السلام عليكم

    في مصري نصب على واحد كويتي يشتغل عنده وباق منه 22 الف دينار كويتي..قام المصري وأوهم الكويتي بمشروع كاذب والكويتي صدق وعطاه 22 الف وبعدين اختفى هالمصري...الكويتي شك بالموضوع ورفع دعوى نصب على المصري بالمخفر...المحقق سوى القاء قبض على المصري ومسكوه قاعد يحاول يقص شبك الحدود بين الكويت والعراق قاعد يحاول يطلع من الكويت....تم عرضه على المحقق واعترف بالنصب ولكن قال انا ماعندي ولا فلس الحين....الدعوى وصلت المحكمة وتم الحكم على المصري بالسجن 3 اشهر فقط لا غير!! المصري حاليا يدق على الكويتي من فندق خمس نجوم (قصدي السجن العمومي!!) ويقوله "مش حتطول مني لا أبيض ولا اسود وانا بعد الحكم حروح مصر وأتسلى بفلوسك واعيش حياتي" يعني مراح اعطيك ولا فلس...!! الكويتي الحين ميت من القهر...شوي وتجيه الجلطة....المهم بالموضوع الحين ان الكويتي ناوي يرفع عليه دعوى أخرى مدنية بخصوص مبلغ 22 الف دينار عشان يبقى بالكويت اكبر فترة ممكنة ويكون بعيد عن أهله فيمكن يطلع الفلوس....السؤال هو....هل لو قام الكويتي وسوا منع سفر للمصري على اساس الدعوى المدنية...ليمتى يظل موجود منع السفر هذا؟ وهل ممكن يجي يوم وتسفره الدولة على اساس ان الرجل قاعد بدون اقامة؟ يعني الكويتي بيرفع دعوى مدنية وبيسوي منع سفر واكيد المصري بينحبس 6 اشهر ثانية عشان يدفع الدين اللي عليه...بس على فرض انه مراااح يدفع...خاصة وان اهو ماعنده اي أملاك بالكويت...ماعنده بالكويت ولا اي شي!!....فجم المدة اللي ممكن ينحبس فيها على الدين المدني؟ والى متى ممكن يقعد بالكويت؟؟؟ اكيد الحكومة بتمل منه وبتسفره على ااساس المصلحة العامة لأنه ماعنده اقامة وصاير حمل على الدولة بالاضافة الى انه ماله نية يدفع نهائي؟؟ فهل في النهاية راح تسفره الدولة؟ وهل الكويتي يرفع دعوى مدنية ولا ماله داعي؟ يعني يقبض من دبش؟؟؟؟الكويتي يقول انا مابي ارفع دعوى مدنية واخسر فلوس اتعاب محاماة ويقعدله سنة بالكويت وبعدين يسفرونه للصلحة العامة يروح حقي!!!
     
  2. fayoona74

    fayoona74 مستشار قانوني

    التسجيل:
    ‏31 يناير 2009
    المشاركات:
    2,071
    عدد الإعجابات:
    3
    مكان الإقامة:
    الكويت
    اقرا الفاتحة على ابو العباس :)
    الخطوات:
    تسوي طلب امر اداء بالمبلغ وتعلنه بالامر بالسجن وبعدها تنفذ عليه اذا عنده فلوس وتطلب من قاضي التنفيذ التصريح باجراء تحريات اذا عنده فلوس واذا ماعنده خله يروح مصر والحقه لي هناك وذيل حكمك بصيغة تنفيذية من المحكمة بمصر لان تعتبر تنفيذ احكام اجنبية وهناك هم يسوون تحريات عنه ويصيدونه اذا عنده فلوس لان في اتفاقية بين مصر والكويت بس نصيحة بمصر شوفلك محامي صايع بحر يعني مقطع السمكة وذيلها عشان يعرف يتبع فلوسه وين راحت ووين يت وانشالله تاخذ حقك لاياس مع الحياة ولا حياة مع اليأس.
     
  3. الـمـحـامـي

    الـمـحـامـي مستشار قانوني

    التسجيل:
    ‏10 مارس 2009
    المشاركات:
    290
    عدد الإعجابات:
    1
    بسم الله الرحمن الرحيم

    نشكر الاخت fayoona74 على المشاركة

    الاجابة /
    00 الحكم الجزائي الصادر ضد المتهم في الدعوى الجزائية مشمول بالإبعاد بعد تنفيذ العقوبة .. وتقوم جهة التنفيذ الجنائي بتحويل المتهم الى إدارة الإبعاد بعد تنفيذ عقوبة الحبس وذلك لإبعاده عن البلاد حتى ولو قمت بمنعه من السفر فالأولى تنفيذ حكم الإبعاد حتى وعلى فرض لو ظل المتهم المدين فترة من الزمن وقمت بمنعه من السفر فمن حقه ان يتظلم من هذا المنع ومن الممكن أن يرفع أمر المنع من السفر على أساس أن الدين ليس حال الأداء او معين المقدار او محقق الوجود أو لو أثبت عدم قدرته على سداد الدين او لو أنتفت مظنة هروبه من البلاد .. ونفيدك بأنه على فرض إقامة دعوى مدنية واستصدار حكماً فيها فيمكنك عمل ضبط وإحضار أيضا فضلاً عن منع السفر الا ان المدين يمكنه ان يستشكل في الحكم ويوقف التنفيذ ويرفع الضبط والإحضار مؤقتاً وإذا حبس من أجل الدين فلا تزيد مدة الحبس التي يأمر بها قاضي التنفيذ عن ستة أشهر .

    المحامي / عوض ماطر المطيري
    99420979
     
  4. الحريه وطن

    الحريه وطن عضو نشط

    التسجيل:
    ‏31 يوليو 2008
    المشاركات:
    2,022
    عدد الإعجابات:
    3
    قول لرفيجك يرميه اول مايطلع من السجن

    ويرتاح
     
  5. قناص_السوق

    قناص_السوق عضو نشط

    التسجيل:
    ‏8 يناير 2009
    المشاركات:
    1,316
    عدد الإعجابات:
    223
    للرفع يا جماعه لان الموضوع اشوفه مهم ...

    شنو هذا لو كان جذيه عيل انصب و ادش السجن و اصير تاجر احسن لي ....

    للرفع

    وبخصوص افادة الاخت فيونه عندي لج جم سؤال :-
    امر الاداء تندرج تحت اي قانون ؟ مدني ؟
    ولم يلحقه بمصر يروح يرفع عليه قضيه بمصر تقصدين ؟

    واذا كلش مالقو فلوس عنده حطهم باسم زوجته مثلا ولده بنته اي احد .... شالحل هني

    للرفع لان الموضوع خطير اشوفه
     
  6. كويتي08

    كويتي08 عضو جديد

    التسجيل:
    ‏12 مايو 2008
    المشاركات:
    54
    عدد الإعجابات:
    0
    أشكر الاستاذة الكبيرة على الإجابة المخلصة
     
  7. كويتي08

    كويتي08 عضو جديد

    التسجيل:
    ‏12 مايو 2008
    المشاركات:
    54
    عدد الإعجابات:
    0
    طيب شلون ممكن يسترد الكويتي حقه اذا كانت الدولة بتسفره؟؟؟ يعني الاخت فيونه تقول ناخذ الحكم المدني من الكويت ونحطله صيغة تنفيذية في مصر ونلاحقه هناك...هل هذا كافي ومضمون ام نحتاج الى اجراء اضافي؟
    ا
     
  8. كويتي08

    كويتي08 عضو جديد

    التسجيل:
    ‏12 مايو 2008
    المشاركات:
    54
    عدد الإعجابات:
    0
    والله بيني وبينك هذا كان رايي بصراحة :d
    لأن رفيجي عامله أحسن معامله وحطه مديـــر وكان طيب معاه لاقصى الحدود وجاب كل أهله هني واقاربه وشغلهم وأخير شي يسوي هالسوات لعنة الله عليه
     
  9. كويتي08

    كويتي08 عضو جديد

    التسجيل:
    ‏12 مايو 2008
    المشاركات:
    54
    عدد الإعجابات:
    0

    مثلك ناطر الإجابة لأن قضايا النصب بالكويت كثيرة وانا دائما أسمع عن كويتيين منصوب عليهم وبصراحة حراااام اللي قاعد يصير...يعني إحنا قاعدين نُعاقب على نوايانا الحسنة!!!
     
  10. fayoona74

    fayoona74 مستشار قانوني

    التسجيل:
    ‏31 يناير 2009
    المشاركات:
    2,071
    عدد الإعجابات:
    3
    مكان الإقامة:
    الكويت
    بخصوص سؤال كويتي امر الاداء مدني ويلاحقة لي مصر اي اقصد يروح مصر ينفذ عليه هناك واذا ماعنده فلوس ينفذ عليها عوضه على رب العالمين بس هناك عندهم محامين شطار وبخصوص اذا في اجراء اضافي بمصر راح اتاكد وارد عليكم انشالله بس نصيحتي للاخ يستصدر امر اداء عشان يكون بيدك حكم تلحقة لي مصر وراه وراه :)
     
  11. أمير بطيبتي

    أمير بطيبتي عضو نشط

    التسجيل:
    ‏28 مارس 2008
    المشاركات:
    266
    عدد الإعجابات:
    1
    مكان الإقامة:
    الكويت
    لووووووووووووووووووووووول يبي يصير جذي المصري >>>. :eek:
     
  12. كويتي08

    كويتي08 عضو جديد

    التسجيل:
    ‏12 مايو 2008
    المشاركات:
    54
    عدد الإعجابات:
    0
    والله قهر
     
  13. fayoona74

    fayoona74 مستشار قانوني

    التسجيل:
    ‏31 يناير 2009
    المشاركات:
    2,071
    عدد الإعجابات:
    3
    مكان الإقامة:
    الكويت
    بخصوص الاجراء بمصر سالت وقالولي ان يحط صيغة تنفيذية من هناك وينفذ والله اعلم بس عندهم هناك خوش محامين اذا عزمت ادليك على واحد انشالله يكون ثقة بمصر يساعدك اذا تحب
     
  14. ابو ريتاج

    ابو ريتاج عضو جديد

    التسجيل:
    ‏10 ديسمبر 2007
    المشاركات:
    733
    عدد الإعجابات:
    0
    والله قهر ...عندى حل انطره لما يطلع واخطفه بر الوفره وس فيه اللى تبى هههه
     
  15. كويتي08

    كويتي08 عضو جديد

    التسجيل:
    ‏12 مايو 2008
    المشاركات:
    54
    عدد الإعجابات:
    0
    والله يا استاذه فيونة محد ينكر جهودج انتي والاستاذ المحامي في اثراء هذه الساحة....

    وبصراحة الله يعطيج العافية انتي والمحامي وباقي الاخوة على الاجابات...

    ولو تعطيني اسم محامي في مصر ينفعنا أكون شاكرلج...لأن صديقي حاليا في مصر وانا بلغته بالموضوع اللي بالمنتدى وبنصايحكم...وان شاء الله ناوي يحرك الدعوى تجاهه في مصر ايضا

    مع فائق الاحترام والتقدير
     
  16. fayoona74

    fayoona74 مستشار قانوني

    التسجيل:
    ‏31 يناير 2009
    المشاركات:
    2,071
    عدد الإعجابات:
    3
    مكان الإقامة:
    الكويت
    حاضر باجر يكون الاسم والرقم عندك اذن الله وبالتوفيق وانشالله يردلك حقك