power33 استفسار

[احمد الانصاري]

مرحبا اخوي power33
بداية احب اشكرك على مجهودك الواضح والمميز انت وجميع الاخوان المشاركين فعلا تستحقون الشكر والثناء.
ثانيا اتمنى اخذ من وقتك لو دقايق بس عشان توضح لي عملية كيفية شراء وبيع الاوبشن للكول والبوت في الصورة المرفقة . مثلا سهم RIMM اللي انت تحبه
مرة اخذه كول سترايك ولنفرض RFYDL بسعر 4.65دولار عقد واحد . وعقب نقول تبي تسكره على 5 دولار.

ومره اخذه بوت سترايك ولنفرض RFYPL بسعر 0.56 دولار عقد واحد . وسكره على 0.9 دولار.
ادري بقلبك قاعد تقول شنو هالسؤال التافهه بس اعذرني لان الامور اختلطت علي شوي والسبب اني لقيت كذا اختيار
( BUY TO OPEN) (BUY TO CLOSE)
(SELL TO OPEN) (SELL TO CLOSE)
والاكسرسايز اذا تبي تشرحه اكون ممنون لك اكثر
واخيرا الله يوفقك ويعطيك الصحه والعافية

 

[power33]

هلا اخوي احمد غالي والطلب رخيص
علشان تكون العمليه بسيطه وسهله بشرح لك المصطلحات بطريقه سهله
انت الحين بتشتري الاوبشن او بطريقة الوسيط بتفتح عقد (Buy to open )
انت الحين بتبيع الاوبشن او بطريقة الوسيط بتغلق عقد ( Sell to close )

لو تلاحظ بالصوره كلمة Buy على طول بعدها open هذا لشراء العقد
ولو تلاحظ بالصوره كلمة Sell على طول بعدها Close هذا لبيع العقد

 

[power33]

وهذا شراء عقد البوت حسب طلبك نفس عملية الكول الفرق بينهم رمز الاوبشن والسعر
طبعا كلمة Limt تختارها في حالة تحديد السعر الي تبيه

 

[power33]

والاكسرسايز تحويل عقد الاوبشن الي اسهم تملكها شرط قبل انتهاء مدة الاوبشن هذا الي اعرفه عن الاكسرسايز وللامانه ولا مره استخدمتها وما اعرف تفاصيل اكثر عنها
اتمنى اني فدتك بالموضوع واي سؤال لا تتردد وانا بالخدمه اخوي احمد

 

[احمد الانصاري]

هلا فيك اخوي باور33 والله ماقصرت شرحك كان وافي وصلت المعلومة والحين اقدر اعطي الاوامر بكل ثقة
بس ياليت احد من الاخوان لو عنده علم بخصوص باقي الاوامر اللي هم
buy to close sell to open
ويعطيك الف عافيه اخوي باور على مساعدتك

 

[احمد الانصاري]

مرحبا بالمنقذ باور33
طبعا انا اي مشكله تحصل لي على طول انت تكون على بالي لان البروكر مالنا واحد اميرتريد واهل مكة ادرى بشعابها مثل مايقولون
الله يسلمك اخوي باور انا اخذت لي 5 عقود جوجل كول ابريل والحين ياي اخذ جم عقد حق شهر مايو مو راضي . يقولي الليفل الي انت اخترته مايسمح (ليفل1) قلت يمكن فيه شي غلط عموما قلت خلني اخذ عقد كول شهر ابريل هم نفس الشي مو راضي . قلت خلني اغير السهم يمكن جوجل فيه شي رحت حق مايكروسوفت ونفس الكلام مادري ليش هل لازم انا اسكر 5 عقود جوجل عشان اقدر اخذ عقود ثانيه ؟؟
ملاحظه: مع ان الحساب يسمح اخذ كذا عقد يعني مو مشكلة الحساب
ومشكور

 

[لحظة]

هلا فيك اخوي باور33 والله ماقصرت شرحك كان وافي وصلت المعلومة والحين اقدر اعطي الاوامر بكل ثقة
بس ياليت احد من الاخوان لو عنده علم بخصوص باقي الاوامر اللي هم
buy to close sell to open
ويعطيك الف عافيه اخوي باور على مساعدتك

اخي هذه الاوامر في حال انت عندك الاسهم وتريد اصدار عقود تعطي امر

sell to open لتفتح العقود على الاسهم المملوكة لديك

buy to close لاغلاق العقود

 

[power33]

مرحبا بالمنقذ باور33
طبعا انا اي مشكله تحصل لي على طول انت تكون على بالي لان البروكر مالنا واحد اميرتريد واهل مكة ادرى بشعابها مثل مايقولون
الله يسلمك اخوي باور انا اخذت لي 5 عقود جوجل كول ابريل والحين ياي اخذ جم عقد حق شهر مايو مو راضي . يقولي الليفل الي انت اخترته مايسمح (ليفل1) قلت يمكن فيه شي غلط عموما قلت خلني اخذ عقد كول شهر ابريل هم نفس الشي مو راضي . قلت خلني اغير السهم يمكن جوجل فيه شي رحت حق مايكروسوفت ونفس الكلام مادري ليش هل لازم انا اسكر 5 عقود جوجل عشان اقدر اخذ عقود ثانيه ؟؟
ملاحظه: مع ان الحساب يسمح اخذ كذا عقد يعني مو مشكلة الحساب
ومشكور

هلا اخوي احمد حسابك غير مفعل للاوبشن لازم تفعل الحساب للاوبشن ادخل على حسابك واسحب الفورمه مالت تفعيل الاوبشن تعبيها وترسلها للوسيط تحصلها في My Profile رابطها تحت وقبل لا ترسل الفورمه تاكد من اختياراتك لانه الوسيط هذا مريض وبسرعه يرفض الطلب على اقل غلطه اكتب سنوات الخبره فوق 3 سنوات بالاوبشن وخل الحساب مارجن
http://www.indexsignal.com/vb/showthread.php?t=47978&page=10
http://www.tdameritrade.com/forms/TDA2334.pdf

 

[احمد الانصاري]

قوة احوي باور33
انا مفعل الاوبشن والدليل اني اخذت 5 عقود يوم الخميس اللي طاف واليوم حاولت ازيد العقود ماقدرت فاضطريت اسكر العقود عشان اقدر افتح جم عقد بس المشكله ان للحين مو راضي مع اني سكرت العقود وبفتح عقد ثاني قلت له buy to open
ولكن بدون فايده مادري شسالفه والله عقدني الاوبشن مادري لازم انطر لباجر عشان اقدر اخذ من اول و يديد لا اعلم

 

[power33]

قوة احوي باور33
انا مفعل الاوبشن والدليل اني اخذت 5 عقود يوم الخميس اللي طاف واليوم حاولت ازيد العقود ماقدرت فاضطريت اسكر العقود عشان اقدر افتح جم عقد بس المشكله ان للحين مو راضي مع اني سكرت العقود وبفتح عقد ثاني قلت له buy to open
ولكن بدون فايده مادري شسالفه والله عقدني الاوبشن مادري لازم انطر لباجر عشان اقدر اخذ من اول و يديد لا اعلم

اخوي احمد تاكد من الوسيط هل الاوبشن مفعل او تقدر تشوف حسابك عند خانة الاوبشن والافضل تتصل عليهم وتعرف شنو المشكله لانه لو عندك عقود كثيره مافي اي مشكله تقدر تشتري وتبيع على راحتك

 

[صاعد نازل]

العفو اخوى الانصارى .. بغيت اسئلك انت فى حسابك 25 الف علشان تقدر تتداول و تضارب اكثر من عمليه فى اليوم؟!

 

[احمد الانصاري]

عزيزي باور33
الوسيط الاميرتريد مفعل الاوبشن وانا فعلا اخذت اوبشن 5 عقود الاسبوع اللي طاف وسكرته اليوم وعقب ييت اخذ اوبشن ثاني مو راضي
The options order you have just placed has been cancelled because your account does not have the options approval required for such a trade.

To apply for the proper level of approval to place such a trade, please complete the online Options Upgrade Form: Select "My Profile" on the home page, then click "Edit" next to "Option trading" (under "Trade agreements & routing").
باور33 ممكن اعرف اي اي ليفل انت الاوبشن 1 او 2 ؟
-------
اخوي صاعد نازل

الحساب اقل من 25 الف واعتقد اني ماقدر اضارب 5 مرات خلال 5 ايام عمل اذا كان الحساب اقل من 25 الف بس انا ماعندي الا عمليه وحده سويتها وهي الاوبشن فشنو المشكله ماني عارف
ومشكورين على ردودكم الله يعطيكم الصحه والعافية

 

[الوردة الفريدة]

السلام عيكم ورحمة الله

اعتقد انه لا يمكنك استخدام المبلغ الذي حصلته من عملية بيع في نفس اليوم ويجب عليك الانتظار لليوم التالي

 

[احمد الانصاري]

اخي هذه الاوامر في حال انت عندك الاسهم وتريد اصدار عقود تعطي امر

sell to open لتفتح العقود على الاسهم المملوكة لديك

buy to close لاغلاق العقود

عزيزي لحظه انا فعلا اسف ماشفت مداخلتك اعذرني يا بعد قلبي الظاهر ان الكبر شين ماقمت ارمق عدل
ياليت تعطيني مثال على اللي تقصده لاني مادري بالضبط شنو يسوي الامرين اللي قلت عنهم

 

[احمد الانصاري]

السلام عيكم ورحمة الله

اعتقد انه لا يمكنك استخدام المبلغ الذي حصلته من عملية بيع في نفس اليوم ويجب عليك الانتظار لليوم التالي

وعليكم السلام ورحمة الله الورده الفريدة
انا مابي استخدم المبلغ اللي حصلته من عملية بيع نفس اليوم لان انا ماستخدمت الا ربع المبلغ واعتقد ان من حقي اشتري من باقي المبلغ الموجود بس يبدو ان ما وراء الاكمة شي اخر

 

[power33]

عزيزي باور33
الوسيط الاميرتريد مفعل الاوبشن وانا فعلا اخذت اوبشن 5 عقود الاسبوع اللي طاف وسكرته اليوم وعقب ييت اخذ اوبشن ثاني مو راضي
the options order you have just placed has been cancelled because your account does not have the options approval required for such a trade.

To apply for the proper level of approval to place such a trade, please complete the online options upgrade form: Select "my profile" on the home page, then click "edit" next to "option trading" (under "trade agreements & routing").
باور33 ممكن اعرف اي اي ليفل انت الاوبشن 1 او 2 ؟
-------
اخوي صاعد نازل

الحساب اقل من 25 الف واعتقد اني ماقدر اضارب 5 مرات خلال 5 ايام عمل اذا كان الحساب اقل من 25 الف بس انا ماعندي الا عمليه وحده سويتها وهي الاوبشن فشنو المشكله ماني عارف
ومشكورين على ردودكم الله يعطيكم الصحه والعافية

اخوي احمد مثل ما قلت لك من اول مره مطلوب منك تعبي الفورمه للاوبشن وترسلها لهم من الرساله رادين عليك نفس الكلام الي قلته لك شوف الكلام الي بالاحمر وانا ليفل تو

 

[احمد الانصاري]

جزاك الله خير وانا هذا اللي بسويه امري لله ومشكور