حادث ومضلوم ومو عارف شلون ايب حقي

الموضوع في 'قسم الإستشارات القانونيه' بواسطة mb34, بتاريخ ‏11 ابريل 2009.

  1. mb34

    mb34 عضو جديد

    التسجيل:
    ‏1 مايو 2008
    المشاركات:
    536
    عدد الإعجابات:
    0
    سلام عليكم اخواني قبل شهر ادعمتني بنت وتضررت سيارتي وقتلها عطيني احد من اهلج اتفاهم وياه وعطتني رقم اخوها كلامني بحترام وعلي الاساس رحت فريت سبع محلات ودورتله ارخص محل وصلحت سياره ويه الفواتير وارخص محل وبعدها دقيقت علي اخوها وكلامته بل موضوع ويقول خلاص ابشر باجر اشوف السياره واعطيك المبلق والي اتستغربت منه انه يقول مافي مجال تراعيني وفيك البركه قلتله والله لو ماتبي تدفع فلوس حلالك المهم باجر ادق عليه يقول اليوم مشقول ودقيت عليه بعد اربع ايام رد يقول عندنا حالت عزه سامحنا وعذرته وبعدها دقيت عله بعد اسبوع يقولي الحين ماعندي فلوس بس اول ماينزل المعاش ابشر ودقيت عليه وقت المعاشات جهازه مقلق دزيتله مسج ذكرته ماكو رد وعلي هل حال ماكو شي جديد الي اليوم وللعلم عندي رقم سيارت المتسببه بل حادث وانشاء الله نغدر نستفيد منكم في حل ودي او قانوني
     
  2. wooow

    wooow عضو جديد

    التسجيل:
    ‏8 يونيو 2008
    المشاركات:
    1,143
    عدد الإعجابات:
    0
    طلع عنوانهم وروح لبيتهم وكلم ابو البنت وشرحله السالفه
     
  3. نيويورك

    نيويورك مستشار قانوني

    التسجيل:
    ‏20 يناير 2007
    المشاركات:
    1,159
    عدد الإعجابات:
    0
    مكان الإقامة:
    الكويت
    بالاول تفهمه ان اذا ما عوضك حسب الاتفاق راح تسجل قضيه ..و راح يستدعون البنت اللي كانت تسوق السياره .. و لحد يقول لك هاذي بنيه و كأني انا المتسبب بالحادث ..ولا يطولون معاك بالوقت زياده عن اللزوم احسمها بوقت محدد ..
    و اذا ما عطاك حقك ...

    تراجع المخفر اللي صار فيه الحادث .. و تسجل قضية مرور .. حتى لو طاف وقت و تصلحت .. حتى اذا ما رد عليك .. و اهم بمجرد تسجيل القضيه يعطونك كتاب للمباحث .. و المباحث بدورهم راح يحضرون الطرف الثاني بالحادث ..و خل معاك اي فواتير تصليح أو اي شهود ان وجد .. و عندك طبعا حتى المكالمات اللي كلمت فيها الشخص دليل على الحادث .. و ثق تماما بإذن الله ان حقك محفوظ بالاجراءات اللي ذكرتها لك ..لأن فيه خبير فني و يقدر يحدد وجود اي تصليحات حديثه ..
     
  4. fayoona74

    fayoona74 مستشار قانوني

    التسجيل:
    ‏31 يناير 2009
    المشاركات:
    2,071
    عدد الإعجابات:
    3
    مكان الإقامة:
    الكويت
    لما صار الحادث مايو الشرطة وسجلو محضر ؟؟؟
     
  5. أمير بطيبتي

    أمير بطيبتي عضو نشط

    التسجيل:
    ‏28 مارس 2008
    المشاركات:
    266
    عدد الإعجابات:
    1
    مكان الإقامة:
    الكويت
    والله انا اشوف السالفه ماتسوى اذا حااادث بسيط ورااي خلها دفعت بله عنك :)
    واذا معزم الله يعينك على الاجراءات بس لاتصلح سيارتك لانه لازم يجوفها الخبير :)
     
  6. الـمـحـامـي

    الـمـحـامـي مستشار قانوني

    التسجيل:
    ‏10 مارس 2009
    المشاركات:
    290
    عدد الإعجابات:
    1

    بارك الله فيك أستاذي الكريم
     
  7. نيويورك

    نيويورك مستشار قانوني

    التسجيل:
    ‏20 يناير 2007
    المشاركات:
    1,159
    عدد الإعجابات:
    0
    مكان الإقامة:
    الكويت
    العفو يا استاذ .. و جزاك الله خير على الثناء و جهدك المميز و ردودك القيمه ..
     
  8. قناص_السوق

    قناص_السوق عضو نشط

    التسجيل:
    ‏8 يناير 2009
    المشاركات:
    1,316
    عدد الإعجابات:
    223
    السلام عليكم ...

    انا لي وجهة نظر اخرى في هذا الموضوع ...

    حسب ما فهمته منك انك ضحيه قالولك صلح السياره , وسلمنا فواتير و ندفع لك , وكل هذا مجرد كلام دون فعل , وانت عارف رقم السياره الي دعمتك و لونها + مكان الضربه


    قبل لا تسوي شي ... المستندات المطلوبه لاثبات صحة كلامك ............
    1- اخذ من الكراج الي صلحت فيه السياره فواتير التصليح + المقايسة ( يبين فيها اضرار سيارتك بالتفصيل والاعمال الي قام بها من جراء الحادث فقط ... مع التكاليف )
    2- اخذ فواتير قطع الغيار الي بدلتها جراء الحادث
    3- روح كراج فحص سيارات (افحص البدي والدعمات ) خله يعطيك تقرير بالسياره ان فعلا فيها حادث
    4- اخذ برنت برقم تلفونك بالارقام الي اتصلت عليها ....... حتى تثبت انك كنت تكلم اخو البنيه
    5- اكتب كتاب خطي في ايدك بين فيه الي صار بالضبط (اشلون صار الحادث + شنو اتفقتو ) , واذكر في هذا كتاب رقم سيارة المتسبب بالحادث و لونها و نوعها و اهم شي اماكن الاضرار الي لحقت في السياره المتسببه بالحادث
    (كل المستندات سولهم كوبي افضل )



    بعدين ارفع قضيه بالمخفر جنح مرور +
    ايضا بالمحكمه قاضهم مدني

    وتذكر ان اثباتاتك
    المستندات الي وياك + تطلب ندب خبير فني لفحص السيارتين يبين كل سياره من وين ماخذه ضربه حتى لو تصلحت باحد كراجات الفحص المعتمده .
    وانت في الكتاب الخطي كاتب (الاماكن الي تضررت في سيارة المتسبب و كذلك الاماكن المتضررة في سيارتك )


     
  9. Dr.Fantaq

    Dr.Fantaq عضو جديد

    التسجيل:
    ‏25 يونيو 2007
    المشاركات:
    401
    عدد الإعجابات:
    0
    مكان الإقامة:
    UK,Cambridge
    حسب علمى فأنه وبمجرد أصلاحك للسياره وعدم تسجيلك لقضيه فى المخفر .. فأن المخفر لا يتدخل فى القضيه وسيطلب منك التوجه للمحكمه لرفع دعوى مدنيه تقدم خلالها أوراق التصليح والبقيه من الأثباتات التى تمتلكها ..

    عموما جرب تروح المخفر التابع للمنطقه اللى صار فيها الحادث كبدايه وشوف شيقولك المحقق .
     
  10. fayoona74

    fayoona74 مستشار قانوني

    التسجيل:
    ‏31 يناير 2009
    المشاركات:
    2,071
    عدد الإعجابات:
    3
    مكان الإقامة:
    الكويت
    انا أأيد كلام دكتور فنتق 100% لان دام ماتسجلت قضية صعب اثبات ان البنت اهي اللي دعمت السيارة
     
  11. بوغمازات

    بوغمازات عضو نشط

    التسجيل:
    ‏15 مايو 2007
    المشاركات:
    2,416
    عدد الإعجابات:
    2
    ياخوي بدام صلحت السياره وبالاصل مارحت المخفر ولا سجلت قضيه ... عليك العوض ,,,, وخلهم دفعت بلاء لك ....
     
  12. mb34

    mb34 عضو جديد

    التسجيل:
    ‏1 مايو 2008
    المشاركات:
    536
    عدد الإعجابات:
    0
    اشكر كل من ساهم في حل للموضوع وابداء الراي انا ماسجلت قضيه لاني عارف قضايا المخفر يبيلها شهر وشهرين علشان يبون حقك وانا الي استغربت منه انا البنت بل حادث تكلمني حضري واخوها يكلمني بدوي وهو لهجته غير عن البنت هاذا الي خليني اشك بل موضوع لكن هاذا ماهمني ابي الي سويتا انا كحل سريع هل هو صح او غلط وشلون ايب عنوان اخوها او البنت اعتقد لازم تصريح من المخفر او اذن بستخراج بيانات والسالفه راح طول لكن بخليها دفعت بلاء مثل ما تفضلو الشباب لكن ابي نصيحه في عندكم حل سريع افضل من حلي كحل سريع في استخراج حقوق الناس بل حوادث وشاكرلكم جميعا بل استثناء
     
  13. الـمـحـامـي

    الـمـحـامـي مستشار قانوني

    التسجيل:
    ‏10 مارس 2009
    المشاركات:
    290
    عدد الإعجابات:
    1
    ياجماعه كل ماسبق من اجابات على هذا التساؤل ليست صحيحة الا شخص واحد هو الاقرب للصح
    ولا يجوز رفع دعوى مدنية للمطالبة بقيمة اصلاح السيارة ... الا بعد اللجوء
    اولا : لمخفر الشرطة الذي وقع الحادث في منطقته وذلك لتسجيل قضية تصادم ضد صاحب السيارة المتسبب في الحادث ويوجد لديك رقم السيارة
    وان شاء الله سوف يتم اثبات الواقعة طالما انهم لاينفون حدوث التصادم
    وايضأ ازيدك من الشعر بيت سوف يقوم الخبير الفني بمعاينة السيارة وسوف
    يظهر اذا تم التصليح سيارة الخصم وتحديد وقتها وكشف كذبهما اذا انكر التصادم او لم تقم باصلاح السيارة حتى الان وتحديد ايضأ مكان التصادم بالسيارة ويثبت الحق مايدعية الشاكي
    ثانيا : طالما ان لديك فواتير اصلاح فهذا ايضا دليل
    ثالثا : شهادة الكراج او غيرهم مع ان القانون الجديد لايجيز التصليح الا بورقه حادث من المخفر الشرطه ولكن مافي اي مانع بتقديم شهادتة
    رابعأ : ويمكن ايضأ اثبات تلك الاتصالات عن طريق استخراج برنت بتصريح
    ثم بعد ذلك يتم تحريك الدعوى الجزائية ضد المتهم او المتهمة في الحادث وعندما يصدر ضدها حكم جزائي نهائي
    يمكنك وقتها اللجوء الى المحكمة المدنية لاقامة دعوى بالمطالبة بقيمة الاصلاح طبقأ لفواتير الاصلاح والمقايسة
    ==========
    اما رأي الدكتور وتأيدة الاخت فيونه هذا غير صحيح
    عندما يقول التوجة للمحكمة لرفع دعوى مدنية طبعأ هذا غير قانوني وغير صحيح
    =========
    ياجماعة خلونا نكتب صح وباختصار
    لانريد نسخ ولصق من صفحات الانترنت ووضع 30 نص المادة
    وكل مادة تختلف عن الثانية
    ========
    انا بكل امانة ارى الاخطاء ولكن احترم رأي الاخوان ولا احب ان اعلق عليها ولا اخطيهم فاضع الاجابة بكل احترام بدون اي تعليق واخرج بس عندما رأيت التعليق يهدفني ويخطأ كل اجاباتي تدخلت بالكشف الاخطاء التي وضعت وهناك الكثير والكثير
    فاتمنى ان تكون الاجابة مختصرة ودقيقة
    والمثل يقول
    خير الكلام ماقل ودل​
     
  14. مساهم11

    مساهم11 عضو نشط

    التسجيل:
    ‏29 سبتمبر 2008
    المشاركات:
    2,234
    عدد الإعجابات:
    0
    مكان الإقامة:
    الكويت
    المفروض انتظرت الشرطه وهي تنتظر ولا تروح
    وان راحت انتظر انت وخذ رقمها
    اما سالفة اخوها وولد عمها كل هذي ما تمشي
    شدراك هذا اخوها اصلا !!!

    عموما خطاك السو واذا المبلغ ما يسوي
    عوضك علي الله والخطا عليك

    وردي هذا لاخذ العبره لنا جميعا
    والله لا يجيب الحوادث ويسلم الجميع
     
  15. أمير بطيبتي

    أمير بطيبتي عضو نشط

    التسجيل:
    ‏28 مارس 2008
    المشاركات:
    266
    عدد الإعجابات:
    1
    مكان الإقامة:
    الكويت
    المفروض اول مااصااار الحاادث ترحون المخفر وتاااخذون اورق تصليح وكل واحد ياااخذ ليسن الثاااني لين يتم التصليح واذا احد تخلف يروح يرفع قضيه بالمخفر عااادي لانه اخل بالتزااامه :) وبالطريقه هذي اثبت حقك .
    لانه بطريقتك ماااتدري السياااره اللي دعمتك فيها تااامين او لا واللي تسوق عندها ليسن او لا :)
     
  16. قناص_السوق

    قناص_السوق عضو نشط

    التسجيل:
    ‏8 يناير 2009
    المشاركات:
    1,316
    عدد الإعجابات:
    223
    انا قلت كلامي واعتقد المحامي يقصدني انا الاقرب الى الصح
    وكذلك المحامي بين الخطوات .....

    فانصحك اخوي تستعجل لان التاخير في هالامور مو من صالحك :) و دمتم سالمين
     
  17. كويتي08

    كويتي08 عضو جديد

    التسجيل:
    ‏12 مايو 2008
    المشاركات:
    54
    عدد الإعجابات:
    0
    انت مشكلتك انك صلحت سيارتك...لان اصلا تصليح السيارة بدون اذن من الجهات المختصة يعتبر ممنوع قانونا...وكل كراج يصلح سيارة بدون اذن يتم مخالفته طبقا للأنظمة...

    في حال انك ما صلحت سيارتك تقدر تروح المخفر وترفع دعوى "اصطدام وهروب" (واذا كان في شاهد معاك شاف الحادث يكون افضل لو تجيبه معاك يشهد انه شاف الحادث من هذه المركبة) وعط رقم السيارة للمحقق عشان يعطي أمر للمباحث ضبط واحضار على المركبة وقائدتها وقت الحادث....
    وطبعا المباحث بيطلعون عنوانها وبيجيبونها جدام المحقق...وفي حالة ما لقوا البنت او كانت تتعمد التواري عن الأنظار بينزل الحكم على مالكة المركبة غيابي....(يعني مراح يروح حقك)
    المهم انت بعد ما تخلص من المحقق وتاخذ ورقتك للتأمين (لأن المحقق راح ينطر رد المباحث) وبعدين يعطيك ورقة للتأمين..تروح تأمين المركبة الثانية وتعطيهم الورقة وبيصورون سيارتك والاضرار اللي عليها...وبعدين بيقولولك ننطر حكم المحكمة...ولما يطلع حكم المحكمة تروح تاخذ فلوسك من التأمين....
    طبعا السالفة مطوووولة...لان اجراءات الاصطدام الهروب طويلة بطبيعتها لأننا امام متهم غائب!
     
  18. نيويورك

    نيويورك مستشار قانوني

    التسجيل:
    ‏20 يناير 2007
    المشاركات:
    1,159
    عدد الإعجابات:
    0
    مكان الإقامة:
    الكويت
    مع احترامي لرأي جميع الاخوان و الاخوات .. فكلام الاستاذ المحامي هو الصحيح وكلامه واضح لايحتاج الى شرح او تفسير ..

    الكلام اللي تفضل فيه مو اجتهاد أو توقع أو تقدير لمسأله .. كلامه واقع قانوني يحصل كل يوم بالمخافر .. و انا شخصيا رجعت لقضايا بنفس الحاله اكثر من مره و ما يطلع الواقع القانوني و الاجراءات المطبقه اكثر من كلام الاستاذ المحامي ... فالعمليه مو محتاجه مزايده أو تصور ..
     
  19. fayoona74

    fayoona74 مستشار قانوني

    التسجيل:
    ‏31 يناير 2009
    المشاركات:
    2,071
    عدد الإعجابات:
    3
    مكان الإقامة:
    الكويت




    القانون مافيه احترام اراء المفروض اللي يشوف الغلط يصححه بدون كلام انشائي انما بمواد قانونية وادلة من واقع احكام خاصة اذا كان متخصص وكلنا اخوان محد يستهدف احد ولا يغلط احد كل قانوني له منظوره الخاص فيه طول ماانه يملك دليل يدعمه والمفروض يصير نقاش هادف مو صمت سلبي
    اتمنى تزور منتدى محكمة مصر وتشوف النقاشات القانونية هناك شي راقي صراحة
     
  20. كويتي08

    كويتي08 عضو جديد

    التسجيل:
    ‏12 مايو 2008
    المشاركات:
    54
    عدد الإعجابات:
    0
    مع احترامي لآراء الجميع...ولكن إجابتي هي الأقرب للحقيقة العملية



    وانا متأكد منها 100%