الناسداك

[SCREENER]

هذا حال الناسداك من اول ماتعرفت عليه

تقارير اقتصادية سواء كانت ممتازة او سيئة الحال نفسه

يصعد له يوم ويخفس فيك اسبوع

لو عتوي امريكي مريض تشوف السوق كله احمر بحمر , والناس كلها
تنحش وتبيع



وانا اكتب هالموضوع ipix طاير في الافتر ماركت الف مبروك للي شراه على 8






نصيحة ضارب وضارب وضارب وانسى شي اسمه استثمار

 

[النوووخذه]

بو عبد العزيز والله ولك وحشه ..... اتمى لك دوام الصحه والعافيه....... واتمنى من ابو محمد انه يكون بخير وعافيه .... لاني بصراحه ما قاعد اشوف له مشاركات هاليومين عسى المانع يكون خير اتمنى انه يكون بخير


والله يا بوعبد العزيز السوق هذا مثل ما قلت ضارب... مضاربه يوميه وبس ...وازيد من الشعر بيت واقول وخرو عن البني استوك ما منها فود ولا تحترم التحليل الفني ...

اتمنى من الكل يسمعون نصيحه بو عبد العزيز تراه ما يتمنى لكم الا كل خير ... كل وقت وله طريقه واستيراتيجه معينه ويوم الي تشوفون الارتداد في النزداك تقدرون تستثمرون و تدشون على البني استوك بس الحين ما تنفع

انا ادري انه خسارتنا ثقيله ووده الواحد يعوض خسارته .... بس الصبر مفتاح الفرج... انا اقول مضاربه يوميه وعائد يومي ربح 2% اهو قمه الغايه والمراد.... تخيل كل يوم 2% 2*5 = 10% ّ.... يعني كلها جم اسبوع والا انت معوض خسارتك ... ترا يا جماعه مو المهم قيمه السهم المهم اهو العائد على السهم... فكر بلي قلته لك وكسر حساباتك .... والحديث في هالموضوع ذو شجون بس كانت هذي اطلاله صغيره مني لكم

اتمنى اني ما اكون اثقلت عليكم .... مع تنمياتي لكم بالتوفيق

 

[love life]

انا معاكم

فعلا ما بتحترم طيب واللي دوبه داخل جديد في التداول وفلوسة على قده الاسهم الكبيرة ما تخارج معاه وش يسوي عاد

 

[النوووخذه]

اخوي خلك معاي بالصوره خذ مثلا

تصور انه عندك 1000 دولار

شريت فيهم شركه ما وسعر سهمها دولار واحد بيصير عندك 1000 سهم ...... اررتفع قيمه الاسهم 5% يعني 1.05 هذا معناته راس مالك صار 1050 دولار


زين انت قلت البني استوك حالتها تعيسه ومن انخفاض لانخفاض ابي اسهم شيوخ يعني الي قيمتها 10 دولار وفوق اشلون ... انا اقول لك

عندك الف دولار واذا شريت سهم شركه ب 10 دولار بيكون عندك 100 سهم فقط .... صح ...... ولو ارتفع قيمته وصار 10.5 يعني ارتفع خمسين سنت .... بتكون هذي زياده قدرها 5 % على راس مالك .... اهي اهي يا ولد عمي... مو المهم قيمه السهم المهم العائد عليه .

بتقول لي اسهم البني تتحرك بسرعه وسهل تصعد وتنزل اقول لك انا قلت خلك مضارب يومي... بتقول لي على اي اساس اختار اسهم بقولك لابد من استرتيجيه معينه.... وتحليل فني... بتقول لي ما اعرف... بقول لك الشباب في البالتوك قاعدين يطرحون اسهم يوميا للمضاربه ويحددون سعر الدخول وسعر الخروج .

تخيل انت اكتفيت ب 2% او حتى ب 1% بربح على راس مالك يوميا .... يعني في الاسبوع 5% زياده راس مالك الالف دولار وبتصير الف وخمسين.... نقولك معناته بالشهر 20% يعني بيكون راس مالك 1200 ..... يعني في ظرف 5 اشهر انت حققت 100% من راس مالك وعوضت خسايرك

,,, قليل دائم خير من كثير منقطع ,,,

 

[SCREENER]

هلا والله اخوي هشام شلونك شالخبار

شلون السوق معاك

مشاركتك صراحة ولا اروع ماشاء الله عليك , وصج مثل ماقلت ضارب وضارب وبنفس الوقت خلك بعيد عن البني ستوك , يمكن تصدف معاك مرة ومرتين بس بالنهاية هالاسهم هذي نسبة المخاطرة فيها كبيرة , خلك من 5 دولارات وفوق
والاهم من هذا كله شغل الستوب لووووزز دايما وابدا




نداء الى بومحمد عسى المانع خير

 

[S500]

هل سنرى الارتداد؟