مع احترامى للجميع تحليل الصفوه خطا

[جنوب الشمال]

مع احترامى للجميع هناك من قال ان الصفوه راح يوصل الى 70 وطلع العكس ومن قال راح يوصل الى 65 ووصل الى 61 . ولم يصدق اى شخص . ياترى ماهو السبب ؟

 

[المستشار الصغير]

راح يوصل إن شاء الله
بس طول بالك إنت شوي
لأن السهم ماشي في ترند صاعد للحين والحمدالله ماكسر الترند

 

[جنوب الشمال]

الاخ المستشار الصغير شكرا على ردك

 

[barbarian]

السلام عليكم

اللي اشوفه ان السهم بعد كسر الترند الصاعد الى ما دون الـ 43 فلس ثم ارتد من الدعم بعد اعلان خسائر ضخمه وتم تجميع كميات كبيره ولامس الترند عدة مرات لكنه فشل في كسره

السهم ممكن ان يصل الى 70 فلس لملامسة الترند الصاعد وقد لا يصل !!!

أنا اشوف السهم تصريف من الناحية المنطقية (تجميع من الـ 43 فلس الى 60 فلس ومن ثم التصريف)

البعض قد يقول ان السهم قاعد يأسس على الـ 60 فلس لكن كل محلل له رأيه الخاص وانا اقول تصريف واللي عنده السهم ممكن يستبدله بأي سهم من الاسمنتات الغير كويتيه

بالتوفيق

 

[منقاش2]

مع احترامى للجميع هناك من قال ان الصفوه راح يوصل الى 70 وطلع العكس ومن قال راح يوصل الى 65 ووصل الى 61 . ولم يصدق اى شخص . ياترى ماهو السبب ؟

هي يات بس على تحليل سهم الصفوة ؟


99% من تحاليل المنتديات غلط بغلط

 

[Jalazmi]

هي يات بس على تحليل سهم الصفوة ؟


99% من تحاليل المنتديات غلط بغلط

لو سمحت عيب هالكلام

وانت توك جديد بالمنتدى 13 مشاركه ما تعرف اهل هالمنتدى

واذا فيك خير لا تقط كلام وتمشي

طلعلي هال 99 بالاميه من التحاليل الغلط وخل الناس كلها تشووف بدال لا تقعد تتكلم وتنحاش

وبعدين هالناس اللي حطو هالتحليل ما قالولك تعال واخذ التحليل واشتر من خلاله كل واحد اجتهد ولكل مجتهد نصيب واذا انت ما شاء الله عليك تفهم بالتحليل ورنا طيبك


وانا وبالنيابه عن جميع اعضاء المنتدى اذا يسمحولي .. ننتظر منك هال 99 بالاميه من التحاليل اللي صارت بالمنتدى هذا وتبين لنا انها كانت غلط واذا ما تقدر وبتقول وايد تحاليل ما اقدر اجمعها لكم

عطنا الواحد بالاميه اللي صح وخلنا نشووف ونكون على بينه

واتمنى في حاله عدم ردك علي عدم الكتابه في هذا المنتدى مره اخرى

 

[قنوووع]

بسم الله الرحمن الرحيم

انا معاك يا ولد عطا واقول يا اخ منقاش طلع هال 99 بالميه الغلط .

بارك الله لكم وفيكم وفي ما رزقكم اخواني المحللين وشكرا على جهودكم الجباره في محاولاتكم لأفادة اخوانكم في المنتدى .

تقبلو تحياتي

السلام عليكم ورحمة الله وبركاته

 

[جنوب الشمال]

ليش الزعل والكلام اللى ماله داعى المفروض يكون الحوار راقى ومفيد حتى يستفيد الجميع وعدم النزول الى مستويات متدنيه والمنتديات مفيده لمن يريد الاستفاده