عيوب وايجابيات الشارجر

[سردال]

ياجماعه ابي اشتري شارجر شنو المزايا والعيوب للمجرب

 

[عادل12]

استخير

 

[WEST LIFE]

الموتر زين واستعمال حلو بس داخليته مليقه وتملها بسرعه وتكرهك الموتر بسرعه

وجهة نظري والموتر عند واحد من الربع وانا قتله وجهة نظري

بالنهاية مثل ماقالك الاخ استخير يالغالي وموفق ان شاءالله

 

[@H@]

تبي الصراحه ... امريكي لاتاخذ ... بسره تاخذ الماني عطايه الله ... بالتوفيج

 

[SnaFy]

بسره تاخذ الماني عطايه الله ...

صحيح والله

 

[Old_Nevy]

توكل علا الله كل واحد يقولك شى لو مافى خير جان ما نزلو دوريات عندنا
دوج احمار كديش اكرفه وبعدين بيعه
وتقبل مرورى اخوك الى اكبر منك يا زغل

 

[قناص_السوق]

توكل علا الله كل واحد يقولك شى لو مافى خير جان ما نزلو دوريات عندنا
دوج احمار كديش اكرفه وبعدين بيعه
وتقبل مرورى اخوك الى اكبر منك يا زغل

كلامك عدل بس بعدين لم يكرفه يبيعه بضمير ولا يبيعه نفس بعض الناس و يقول نظيف و يوصله السماء ؟ ؟ ؟

يا جماعه في اشكال محد يشتري منها سياره مستعمله ديرو بالكم

 

[Old_Nevy]

كلامك عدل بس بعدين لم يكرفه يبيعه بضمير ولا يبيعه نفس بعض الناس و يقول نظيف و يوصله السماء ؟ ؟ ؟

يا جماعه في اشكال محد يشتري منها سياره مستعمله ديرو بالكم

اخوى هم كلامك صح بس حبيت اقولك عن الدوج بل كويت
لاتشترى السياره بسعر مرتفع لانا مالها سوق وقت البيعه
ولا تشترى السياره كاش اشتر اقساط وبيع علا الطلب
لانه محد راح يدفع شى علا الطلب
وهاذى وجهت نظر ومشكورين

 

[بو هباش الكويتي]

انا كان عندي واحد وبعته وتحسفت لانه فعلا سياره كرف وعملي وشكله كشخه وتكيف بارد وحراره ثابته وسياقته روعه مريح وخفيف وقعدته من داخل عجيبه وناوي ارد اخذ واحد لان اشوفه احسن سياره حاليا من ناحيه العمليه اخذ واحد وادعيلي توكل ولاتسئل لان كل واحد يفتيلك وهم ماستعملو ولا جربو

 

[anonymes]

والله أي شركة تابعه حق كرايسلر (دوج و جيب) مو شيئ و من خبرة 3 سيارات كلهم حاشتهم مشكلة طرمبة البانزين و هذا غير المشاكل البايخه إلي تطلع و مالها داعي
انا السيارة كلش ما انصح فيها و لا تنسى وكيلها خدمة مو ذاك الزود و سعره غالي

 

[rock404]

حبيبي سيارة فوق الممتاز ,
اولها اكثر مبيعات حطمت والدليل الثاني لو الشركة خسرانه جان غيرو شكلها
وهذا دليل من ربع السيارة ماراح يغرون الشكل اله 2012
وثاني شي مثل ماقالك الاخ دوريات الكويت صارت دوج طبعا اهوا صح فيه فرق في المكينه والخ ..
بس الموتر دوج وانا انصحك فيه واستعملته وممتاز

 

[سردال]

تم الشراء والشكر للجميع

 

[rock404]

ع البركة جم خذيته واى موديل ؟

 

[ابوفيصل_]

مبروك والله يعطيك خيرة ويكفيك شرة

الميزة بصراحة سعرة
وعيوبة بصراحة وكيلة

 

[Old_Nevy]

مبروك يا بو سلمان يبه يوم الجمعه انجرب ممشاه
ولا تنسا العشاء

 

[anonymes]

يعطيك خيرها و يكافيك شرها و تكدها بالعافية إنشاء الله

 

[سردال]

مشكورين

والجميع معزومين على العشى في مقر الخرافي بس قوله من طرف راعي الشاجر