عاجل شركة زين والعياذ بالله وإنقلاب على قوانين دولة الكويت

[BMW-740]

لوحظ في الأونه الأخيرة أنه لو تدق من رقم منزلي إلى رقم زين وإنت بكرامه (مايلقط) لاتتم المكالمه


وذلك تجبر لإجرائها في الموبايل وبذلك تتحصل القيمه من تلك المكالمه

في بعض المرات وليس الكل


والله سرقه الكون وإنقلاب على قوانين دوله الكويت

 

[المزين]

والله أخوي ما حصلت معاي ولا مره بس يمكن مره وحده ،

 

[Om Hind]

تصير مع خطوط الوطنية اكثر
زين مو كثير

 

[محمد خليفه]

بسم الله الرحمن الرحيم

ان طلع العيب من اهل العيب مايبئاش عيب

 

[BMW-740]

بسم الله الرحمن الرحيم

ان طلع العيب من اهل العيب مايبئاش عيب

شكرا وشكلك موظف زين ::verymad::

 

[محمد خليفه]

بسم الله الرحمن الرحيم

انا قصدي بالجمله الي كتبتها عن زين وغيرها الي شغالين بوق

ولا والله مو موظف ومستحيل اتوظف بشركه تبوق المواطنين

انت مستغرب من اتصالك ويطلع مشغول

انا اقولك موقف صار وياي

كانت مكالماتي 30 دينار

وصكرت تليفوني بالمره ولا استعملته ولا ثانيه ولا انا مشترك باي خدمه

بعد اسبوع تطلع مكالماتي اكثر بكثير

شنو تفسر هالموضوع

 

[(الدب القطبي)]

انا اليوم حوالي ربع ساعه احاول اتصل على رقم زين وكله مشغول
وعندما دقيت من النقال على طول لقط

 

[ضحية المخازن]

تصير معاي عند الاتصال على خط الوطنيه بس زين ما اذكر انها صارت معاي

لاتقول بعد اني موظف بشركة زين

 

[TAHOE]

فنيا تستطيع اي شركه هواتف ان تجعل الاولويه في المكالمات لنطاق معين من الاتصالات , فمثلا بالنسبه لشركات الهواتف المتنقله تجعل الاولويه في تنفيذ المكالمه للمكالمه الوارده من هاتف نقال فاذا كان هناك ضغطا على الشبكه في نطاق ما فان اولوية التنفيذ للهاتف النقال وتلغى بهذه الحاله المكالمه الارضيه وتسمع نغمة الانشغال السريعه وما عليك الا تكرار محاولة الاتصال من الهاتف الارضي او تتصل من النقال فسوف تنفذ المكالمه من اول مره وتريح اعصابك لان الاولويه لك

 

[fawaz69]

نادرا مايحصل معاي ويلقط من اول اتصال بس والله اتلذذ بالمكالمة المجانية خصوصا زين
والوطنية . الفضل لله اولا ثم لفيفا اللي اربكتهم

 

[عبدالرحمن 84]

هذولا ماشبعو منا اكلو منا لي ترسو العالم بشركاتهم
والله مو ماكلها الا الشعب الكويتي الي على نياته

 

[يوسفاني]

صارت معاي وايد لازم تدق ثلاث على الأقل يلا يشبك معاك الخط بس مع كل الشركات مو بس زين

 

[ITec Boy]

انا صارت معاي نفس المشكلة واضطريت اتصل من الموبايل ....

 

[kazamezaa]

اخواني انا كان معايا خط فواتير و قررت الغية ولما استغنيت عنة كان عليا فاتورة ب 35 دينار و حولت اشتراكي ل 3.5 لحين الالغاء
بعد شهرين بشيك علي الفاتورة الاقيها 70 دينار !!!!!!!!!!!!!!!!!!!!!!!!!!!!!!!!!!
والخط معاي في بوكي و لا مرة طلعتة ولا استخدمتة ...شنو اسوي؟؟؟

 

[ameer]

من الصعوبة الاتصال من الارضى الى الموبايل ولاحضت ان الفواتير تضاعفت بعد الغاء تكلفة المكالمات
الارضية والامر مشكوك فية ان تكلفة المكالمات الارضية نتحملها دون رقيب وحسيب وهذا لايجوز

 

[مجنون مها]

انا صارت معاي اكثر من مره اسدد فواتير تلفون واطفيه واسافر لمدة اسبوعين تقريبا واذا رديت لقيت عليه من 12 دينار الى 18 دينار

واذا استفسرت منهم قالو راجع الفرع واطلب فواتير المكالمات بس قبل الفواتير لازم تدفع 5 دنانير

وهذا الكلام حصل مع شركة زين اجلكم الله

 

[saket]

جنه الشركه فلست أنا أول مره تصير معاي يستقبل ولاااا يرسل دقيت من خط ثانى ردت على مووظفه ززززززززززين صباح الخير شنوو أقدر أسعدك في ؟؟ وهي مبيده شي أيشي راج الفرع أو الفرع الرئيسي ليش يستقبل مايرسل أختى ولههههههههههه بدلع عليك فواتير يبه كم 26 دينار بس وعميل قديم شلوون جذي يبه ناس تووصل فووواتيرهم 500 دينار ؟؟ شنوو الحل الحل تدفع شنوو تدفع هوو الحل يعنى فينى فينى ههههههههههههههه الله المستعان ؟؟​

 

[BMW-740]

صارت معاي وايد لازم تدق ثلاث على الأقل يلا يشبك معاك الخط بس مع كل الشركات مو بس زين

لايا خوي


فيفا من أول مكالمه


زين لازم تدق 4 أو 5 مرات

وولاعزاء للدولة وللمواطن

 

[BMW-740]

انا صارت معاي اكثر من مره اسدد فواتير تلفون واطفيه واسافر لمدة اسبوعين تقريبا واذا رديت لقيت عليه من 12 دينار الى 18 دينار

واذا استفسرت منهم قالو راجع الفرع واطلب فواتير المكالمات بس قبل الفواتير لازم تدفع 5 دنانير

وهذا الكلام حصل مع شركة زين اجلكم الله

يا جماعه شركة والعياذ بالله فيها شي من النصب

 

[BMW-740]

من الصعوبة الاتصال من الارضى الى الموبايل ولاحضت ان الفواتير تضاعفت بعد الغاء تكلفة المكالمات
الارضية والامر مشكوك فية ان تكلفة المكالمات الارضية نتحملها دون رقيب وحسيب وهذا لايجوز

ياناس يا جماعه


جيكو على فواتريكم بالتفاصيل


والله تلقون فيها زيادة


انا كانت فاتورتي الشهريه 80 او 90 مع زين إنت بكرامه


ومع فيفا 30 أو 40 وإنت بكامل السعاده