(( أكــــــــــــاديا 2009 )) ...................!!

[مسكين الكويت]

السلام ..









ياجماعة الخير ابيكم تعطوني انطباعكم عن اكاديا 2009 والي مجبرها من ناحية القوة وهل هي سيارة كد ومد وتستاهل سعر 8500 دينار .. ؟

تكفون ساعدوني

 

[ME911]

السلام عليكم
اخوى دائما جي ام ما يحافظ على سعرة
يعني بعد سنة يطيح من سعرة مو اقل من 20 %
و
الاكاديا مو نفس التويوتا ( الياباني بشكل عام) يحافظ على سعرة وكد ومد وينباع بسرعة
اذا تبي تاخذ جي ام عليك بالتاهو/اليوكن احسن من الاكاديا

او تاخذه مستعمل موديل 2008 اذا نازل

 

[باحث الانترنت]

خوش نصيحه

اذا تبي تاخذ جي ام عليك بالتاهو/اليوكن

السيارات المهجنه والجديده ابتعد عنها لما تمر عليها 5 سنوات تفتر بالشوارع بعدين اسئل كد ومد

والا بس شكل

بصراحه انا عندى التاهو واليوكن السيارت العمليه صج شكله كبير بس القياده ممتعه والبانزين

على كيفك حق الفراره تعبيه بخمس دنانير وعلى حسب فرارتك من 3 الى 5 ايام والتاهو واليوكن

الجديد فيه ميزه يتغير من 8 سلندر الى 4 سلندر على الخط يعنى توفير للبانزين

الااكيدا هذى ماعرفها اى شركه؟؟؟!!!

والمثل يقول لي شريت فكر تبيع يعنى احسب حساب البيعه بعد فتره لا تطيح بجبدك

والله يوفقك

 

[كويتي 777]

اذا عاجبتك... اخذها تأجير سنه من بيت التمويل .. واذا يازت لك اشترها

 

[Bo_Yussif]

جي ام كان ممتاز
الحين سيارات بهبهاني والغانم وهي في الكفاله ممتازة لكن اذا انتهت
أول مشكله تواجهك تبديل زيت الجير وهو من أخطر ما يمر عليك بالسيارة
لأنه قد ينكسر الجير أو نلاحظ بحركة غير طبيعية فيه
فأنا عندي يوكن 2007 غيرت زيت الجير في الوكاله وبعد ساعة من التغيير
انكسر الجير وعندمواجهتي مع الشركة والوصول الى كبار الشركة
وجدت بأن هناك كم سيارة نفس المشكلة ومن بينهم الأكاديا
فانتبه 0000 فأنا صاحب مشكله معاهم

هذا اميلي أو ارسل لي رقمك وأكشف لك مزايا وعيبوب جي ام سي
ysf909@hotmail.com​

 

[مسكين الكويت]

اخوي ممكن تتكلم عن انبطاعك الكامل عن الجي ام سي .. ؟

والاكاديا خاصة ..

مثلا السيرفس جم يكلف وقطع غيارها .. وخاصة التواير بجم تبديلهم ..

 

[مسكين الكويت]

يا اخوان ساعدوني تكفون الاكاديا زينه ولالا تكد معاي 5 او 6 سنوات ؟

 

[Bo_Yussif]

السيارة كأداء ممتازة من الداخل ( شرحة )
السيرفس من 120دك الى 170دك
التواير الميشلان 61دك للواحد
يجب عليك متابعة السيرفس مع الوكالة وأنا على يقين بأنهم لا يقومون بالعمل المطلوب
والحساب دبل عن الكراجات
على سبيل المثال تبديل زيت الماكينة في الوكالة 21دك وبالخارج 8دناير الى 10 دنانير
والسيرفس في الكراجات لا يتعدى 40 دينار وفيالوكالة ليس أقل من120
كما يحب متابعة البوشات والشيالات الأمامية لتتحاشى الأصوات
والجير يجب عليك تغيير زيته بالوكالة
هل تعلم( عند تبديل زيت الجير تقوم بتوقيع ورقة بان الوكالة غير مسؤولة عن
اي خلل يحدث للجير عند التبديل ) وهذه المصيبة
لقد عانيت من هذه المشكلة حتى قمت بتوصيل شكواي الى الوكيل العام في دبي
لكن سيارة ممتازة طالما أنها تحت الكفالة​