شباب من وين احسن مكان اشتري ملابس حق الرياضه...

[بوناصر56]

السلام عليكم شباب ...

حتى تعم الفائدة على الجميع ارجو التفاعل مع الموضوع ...

من وين احس مكان اشتري ملابس للرياضه (شورتات و تيشيرتات للمشي و الجري --- ملابس للنادي - ملابس للسباحه - اكسسوارات رياضيه - نظارات للرياضه - ساعات سبورت )


ارجو التفاعل لتعم الفائده على الجميع ...

 

[ابوعمر2]

اليوم النصر الرياضى مسوى خصم لا يطوفك

 

[kfsdhm]

يا شباب اللي يبون اهدوم رياضية عندك انت اصلي وارخص بوايد

 

[بوناصر56]

مشكورين النصر ما احب ملابسه مع الاسف

kfsdhm ? ما فهمنا ...


واذا قصدك انت تبيع بضاعه لو سمحت اعرضها في موضوع خاص هذا الموضوع عشان نستفيد من افضل الاماكن والشركات بالكويت و اكثر الاماكن الي لها اقبال من الشباب




للرفع يا شباب للتفاعل اكثر مع الموضوع

 

[ChanZen]

الركن الرياضي اللي بالسالمية القديمة

ماركات انواع واشكال..........

 

[SARAD66]

في خوش محل بحولي شارع بن خلدون

وكذلك بلأفنيوز

 

[بوناصر56]

مشكورين بعد شوي بروووووح اتسوق
للرفع للتفاعل لتعم الفائده


والله استفدت وايد

 

[kwaity1978]

الرياضي الي بالسالميه القديمه الي سابقا كان موقع مصور بو شهري ماركات طيبه
وعندك محل رياضي الي يم محل السرحان اذا كنت جاي من الخامس تروح باتجاه لا بجيت السالميه اشاره تاخذها فرعي يمين لو تشوف على يسارك تلاقي محل السرحان ويمه محل رياضه ملابسه حلوه واسعار معقوله

في محلات تفصيل انا ما حبيت الخامات بصراحه نوع واحد وغبي بس تلقاهم بخيطان والسالميه مجمع شاها وبالمخازن بالديره


عندك ايضا سنتر بوينت في عنده ملابس رياضه بس كولكشن صغير في 3 محلات بالمرينا وهم 3 محلات بالافنيوز

 

[بوناصر56]

مشكوووووووووورين

وكويتي انت على راسي والله ما طوفت ولا مكان ماشالله عليك . .. . .


توني رحت الركن الرياضي بس مع الاسف تذكرت ان عندي عرس هههههه اضطرين ارد البيت ادشدش ازقرت اروح العرس طياره

 

[kwaity1978]

يسلملي راسك يا بو ناصر لعيونك بزيدك بعد مكان

شفت مذر كير الي بالسالميه او نقول مجمع المطاعم الي فيه هارديز فوق في محل للرياضي هم عنده شغلات تي شيرتات لاعبين وانديه وملابس سبورت

 

[أبوفلان]

سرداب المباركية خخخخخخخ

لا ترا اتغشمر


شوف عندك محل بالأفنيوز فووووق الدور الثاني عنده شغلات حلوه بس جهز بيزاتك

وعندك محلات الرياضي

ومعوضين مقدما