صوغه

الموضوع في 'إستراحة المنتدى' بواسطة acton, بتاريخ ‏23 مايو 2009.

  1. acton

    acton عضو نشط

    التسجيل:
    ‏22 فبراير 2008
    المشاركات:
    6,336
    عدد الإعجابات:
    3
    مكان الإقامة:
    UK-Acton-W3
    الصوغه هي الهدية اللي يعطيها المسافر معاه من السفر للأهل والأصدقاء والأحبة

    البعض يرى أن الصوغه تشكل عبء ثقيل على المسافر حتى للأقربين

    بعضهم يرى الصوغه تكلفه من المال والوقت والجهد ما يفقده متعة السفر

    بعضهم يقول لو ما يبت صوغه يشرهون علي اقرب الناس لي

    بعضهم ما يحب أحد يهدي له صوغه عشان ما يلتزم إذا سافر

    ما رأيكم وما موقفكم من الصوغه؟

    هل تحب أن يهديك الأحبة صوغة أم تكره ذلك؟

    هل تلزم نفسك بالصوغة في السفر أم لا تبالي؟

    إذا بتييب صوغة فلمن تخصها؟

    كم أكثر صوغة كلفتك؟؟

    هل النساء أكثر إلتصاقاً بعادة الصوغة من الرجال؟
     
  2. TAHOE

    TAHOE عضو مميز

    التسجيل:
    ‏7 يوليو 2008
    المشاركات:
    4,256
    عدد الإعجابات:
    22
    اول شي الله يرجعك بالسلامه لديرتك يا اكتون ,,

    انا عن نفسي اشوف ان الصوغه صراحه عبأ مادي ونفسي ومضيعه للجهد والوقت على المسافر لان مثلا اذا سافرت اوروبا اشكثر يبيلك ميزانيه علشان الصوايغ:confused: ؟؟ عد وخربط ,, بعدين اشكثر يبيلك من الوقت والجهد والمعناة علشان تلقى الصوغه او بالمعنى الاصح الهديه:confused: ؟؟ بعدين اذا معاك النسره :mad: راح اتعارضك في جميع الصوايغ اللي تختارها حق امها وتصير بينكم بوكسات,,:mad:

    انا اقول ناخذها من اواصرها ونقول هذه عاده موزينه وبلا صوغه وبلا بلوط وتمتع في سفرتك بعيدا عن المعاناة ,,:cool:

    تحياتي لك بس انا ابي صوغتي ما عليي منك ومن افكارك ,, اتغشمر معاك اكتون :)

    تحياتي
     
  3. acton

    acton عضو نشط

    التسجيل:
    ‏22 فبراير 2008
    المشاركات:
    6,336
    عدد الإعجابات:
    3
    مكان الإقامة:
    UK-Acton-W3
    يسعدني مرورك تاهو
    انا متأذي كوني بره الكويت لازم اراضي الكل وماحب احد يتشره علي بس فيني ميزه حلوه اعرف وين الارخص من الماركات ومتى التنزيلات واشتري الصوايغ واشحنهم وافتك ;) وتستاهل صوغه ;)
     
  4. NoOoOoR

    NoOoOoR عضو نشط

    التسجيل:
    ‏18 أغسطس 2008
    المشاركات:
    10,667
    عدد الإعجابات:
    9
    مكان الإقامة:
    الكــويـــت....:))
    الصوغه في السابق كانت لها اهميه كبيره ومعنى في نفوس الناس

    لان السفر كان شي صعب ومكلف عند فئه من الناس

    وحتى اسواقنا في السابق مو كل شي متوفر فيها

    فالناس تحب الصوغه او الهديه وتنتظرها من المسافر

    لكن بهذا الوقت الناس تغيرت نظرتها للصوغه وصار شي مو مهم عندهم

    بعض من الناس كل شهرين تسافر والبعض الآخر سنوي يسافر

    والاهم من هذا اسواق الكويت ماشاء الله ما ينقصها شيء

    آسفه على الاطاله ..... وشكرا عالموضوع
     
  5. acton

    acton عضو نشط

    التسجيل:
    ‏22 فبراير 2008
    المشاركات:
    6,336
    عدد الإعجابات:
    3
    مكان الإقامة:
    UK-Acton-W3

    كلامج 100% لكن حريمنا اول مايوصلون عينهم على السوق يعرفون ان كل شي موجود وارخص بس للاسف هلايام فقط استعراض وتفتخر انها شاريتها من الدوله الفلانيه ولو نلاحظ الاجانب اذا وصلو عندنا مايهتمون بالسوق يبون تحف مقتنيات لها تراث
    مثال زارني صديق اجنبي مع زوجته احترت وين اوديه لان ماعندنا اماكن سياحيه غير الابراج بعد ماشاف الابراج وديته سوق شرق قالتي انا مادور ماركات انا ابي ملابس شعبيه ومطاعم كويتيه وديتها سوق السلاح وسوق
    المباركيه طبعا استانسو على التحف والمطاعم الشعبيه
    قلت اه منكم يالحريم صج فرق حريمنا حريم خساره وحريمهم حريم سياحه
     
  6. قلم حر

    قلم حر عضو مميز

    التسجيل:
    ‏29 مايو 2004
    المشاركات:
    26,415
    عدد الإعجابات:
    3,380
    مكان الإقامة:
    الكويت بلد الاصدقاء
    صوغه :rolleyes:
    صج قديم

    منو يجيب هدايا لي سافر :rolleyes:

    انا لي سافرت اجيب حق العيال وال .... وامي بس
    وبعدين خقولك شغله يمكن ماتصدقني
    تصدق اني قبل ما اسافر اتسوق بالكويت واشتري هدايا
    من الكويت واحطهم بجنطه خاصه بدبة السياره واتفق
    ويا السايق لي رديت الكويت اخليه ايجيب الجنطه من الدبه
    وياه للمطار واقول للبيت شاريهم من برا الكويت ​
     
  7. acton

    acton عضو نشط

    التسجيل:
    ‏22 فبراير 2008
    المشاركات:
    6,336
    عدد الإعجابات:
    3
    مكان الإقامة:
    UK-Acton-W3
    هونت عن قلموه بناديك بوقلبين:eek:
    هذا اذا انت مسافر بروحك لكن لو العايله معاك بالسفر بتقولهم عند كومار الصوغه او انت بتصير لهم كومار:rolleyes:
    اشوه افتكيت من سالفه كومار;)
     
  8. .:. عطر .:.

    .:. عطر .:. عضو جديد

    التسجيل:
    ‏1 مارس 2009
    المشاركات:
    317
    عدد الإعجابات:
    0
    مكان الإقامة:
    الـنـ الـعـ الكويت ـالي ـجـم
    صراحة مو حلوة يجي الواحد ايده فاضية


    تسلم اكتن .
     
  9. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    ما رأيكم وما موقفكم من الصوغه؟


    تعبر عن صدق المحبه

    هل تحب أن يهديك الأحبة صوغة أم تكره ذلك؟

    بالطبع

    هل تلزم نفسك بالصوغة في السفر أم لا تبالي؟

    اكييد

    إذا بتييب صوغة فلمن تخصها؟

    اهلي

    كم أكثر صوغة كلفتك؟؟

    تقريبا 1200

    هل النساء أكثر إلتصاقاً بعادة الصوغة من الرجال؟

    لا تقاس بالجنس بأعتقادي
     
  10. NoOoOoR

    NoOoOoR عضو نشط

    التسجيل:
    ‏18 أغسطس 2008
    المشاركات:
    10,667
    عدد الإعجابات:
    9
    مكان الإقامة:
    الكــويـــت....:))
    واذا أطلبوا منك شي مو موجود بالكويت أصلا !!! ؟ :rolleyes:
     
  11. المزين

    المزين موقوف

    التسجيل:
    ‏27 يناير 2009
    المشاركات:
    173
    عدد الإعجابات:
    0
    الموضوع تحول من صوغه إلى تباهي جدام العالم ،
    و حريمنا ما يقصرون اقسم بالله بس للتباهي جدام الناس تره هذا شارينه من الدواله الفلانيه و هالدوله مشهوره بالماركات ،

    يعني انت بتجيب حق امك و ابوك و اخوانك و خواتك و عيال اخوانك و عيال خواتك و حريمهم و رياييلهم و زوجتك مثلك و اكثر بعد دخل رفيجاتها بالموضوع ،
    يعني فلسنا من السفره من الوناسه صارتها كلها صوغه و سوق ،

    طبعا الحريم معروفين حق هالسوالف الريال ما يهتم و اذا كلش يجيب شي بسيط ، لكن المره ما يترس عينها تبي الناس كلهم يتكلمون عن صوايغها من السفر ،

    يعني سهالات تقط لك 200 2400 دينار و خاصتا اذا رايح لك لندن ولا أي دوله اوروبيه كلهم نار ،

    اتمنة نفتك من العاده القذره و نجيب صوغه بمعنى صوغه ، مو نجيب صوغه بمعنى ماجله بيت كامل ( ككاو و اكسسوارات و ملابس و جناط و جواتي و ساعات و عطورات و بلاوي الدنيا كلها ) ،

    الله يفكنا منها ،
     
  12. acton

    acton عضو نشط

    التسجيل:
    ‏22 فبراير 2008
    المشاركات:
    6,336
    عدد الإعجابات:
    3
    مكان الإقامة:
    UK-Acton-W3

    اخوي انا اكثر وقتي بلندن اروح المجمعات هارودز وسيلفرج ونيكولاس هارفي وشارع الماركات في اولد بوند اشوف الخليجيات والكويتيات..
    اول شي يدورون الماركه تاخذ الجنطه حسب اسمها بغض النظر على السعر مع ان فيه ماركات بس مومعروفه عندنا مايبونها:rolleyes:
    تيي على اللبس تشوفها تروح حق الماركه المعينه وتدور قياسها بغض النظر عن الموديل
    الحين بدا الصيف وشوف الخليجيات والكويتيات
    انا اقسمهم الى فئتين فئه العاديه اللي يقعدون في اجورود يشترون من هارودز ويروحون شققهم ومايتكلمون شنو شرو عشان لحد يشتري مثلهم;) بينما بنات النايتبريدج الفئه الهاي :cool: واهمه عالم ثاني بالتبذير تشوفهم بالقهاوي اللي ورى هارودز يتيمعون وسوالفهم جم شرت الماركه واسمع سوالفهم والسواق سافط على جنب
    شكرا على المرور
     
  13. NoOoOoR

    NoOoOoR عضو نشط

    التسجيل:
    ‏18 أغسطس 2008
    المشاركات:
    10,667
    عدد الإعجابات:
    9
    مكان الإقامة:
    الكــويـــت....:))
    انت مسافر تراقب الناس :mad: ولا تستانس :rolleyes:

    بسكم حش في الحريم ::verymad::
     
  14. acton

    acton عضو نشط

    التسجيل:
    ‏22 فبراير 2008
    المشاركات:
    6,336
    عدد الإعجابات:
    3
    مكان الإقامة:
    UK-Acton-W3
    انا اقول ليش الحريم مايوسون مثل الغرب اذا سافرو مايدورون ماركات لان الماركات موجوده بالكويت ليش تفتخرون انها شاريتها من بلد الفلاني
    نور جاوبي ولج مني هديه من شفزبوش
     
  15. NoOoOoR

    NoOoOoR عضو نشط

    التسجيل:
    ‏18 أغسطس 2008
    المشاركات:
    10,667
    عدد الإعجابات:
    9
    مكان الإقامة:
    الكــويـــت....:))
    انا اذا بتكلم راح اتكلم عن نفسي لاني ما امثل نساء المجتمع :rolleyes:

    انا عكس بعض الحريم لما اسافر اكون بسيطه جدا
    لاني مسافره للتغير والراحه والوناسه وافضل اشتري الماركه
    من الكويت لسبب واحد اذا كانت الماركه مغشوشه اقدر ارجعها
    للمحل لاني بديرتي واعرف اتصرف لكن اذا شريتها من برا الكويت
    وماطلعت الاصليه صعبه ارجعها ....:(

    وبعدين الصالحيه والرايه موجودين ومايقصرووووووووون :)
     
  16. fabulass

    fabulass عضو جديد

    التسجيل:
    ‏17 أغسطس 2006
    المشاركات:
    2,011
    عدد الإعجابات:
    2
  17. قلم حر

    قلم حر عضو مميز

    التسجيل:
    ‏29 مايو 2004
    المشاركات:
    26,415
    عدد الإعجابات:
    3,380
    مكان الإقامة:
    الكويت بلد الاصدقاء

    الهديه غير عن الطلب :rolleyes:
    ولو يطلبون مني شئ يريحوني من الاختيار
    وبعدين شنو الشئ اللي مو موجود بالكويت​