وصل امانه بالمحكمه

الموضوع في 'قسم الإستشارات القانونيه' بواسطة دار الفلك دار, بتاريخ ‏25 مايو 2009.

  1. دار الفلك دار

    دار الفلك دار عضو نشط

    التسجيل:
    ‏9 يونيو 2008
    المشاركات:
    760
    عدد الإعجابات:
    38
    مكان الإقامة:
    الكويت
    السلام عليكم

    عطيت 50 الف لمقيم بغرض الاستثمار

    وعطاني وصل امانه من المحكمه

    وبعدها قالي مالك شي عندي

    رحت اشتكي عليه في المحكمه قالو لي يدخل السجن 6 اشهروبعدها

    يطلع

    سوال ابي اخذ فلوسي باي طريقه شلون

    كونه مافي اي شي باسمه

    وليش القانون مايكون حازم ويدحل السجن ومايطلع الا اذا دفع الفلوس المطلوبه عليه

    وشنو فايده الوصل من المحكمه ولو لم يكن موجود في المحكمه لما عطيته هذا المبلغ الكبير

    ساعدوني والله مت من القهر
     
  2. al7loo

    al7loo موقوف

    التسجيل:
    ‏11 سبتمبر 2008
    المشاركات:
    642
    عدد الإعجابات:
    0
    اخوي شنو يثبت انك معطي.


    دزله مباحث خل يطقونه ويعترف مالك الا هالشي
     
  3. fayoona74

    fayoona74 مستشار قانوني

    التسجيل:
    ‏31 يناير 2009
    المشاركات:
    2,071
    عدد الإعجابات:
    3
    مكان الإقامة:
    الكويت
    الغلط منك من البداية انك عطيت شخص مو قد الثقة هالمبلغ
    باختصار اذا مافي شي بارصدته ولا يملك شي ممكن تنفذ عليه وتستوفي منهم حقك عوضك على الله
    اللي عليك الحين قدم شكوى ضده تتحول محكمة ويصدر ضده حكم جزائي بعدها استصدر ضده امر اداء وخشه عندك لين يطلعله فلوس مني مناك
    وردا على الاخ الحلو وصل الامانة اثبات وحجة ضد المدين قبل الدائن يعني مايبيله طق الوصل ينطق بالدين
    والله يكون بعونك واخذه درس عشان ماتسلف احد مرة ثانية اكثر من 5 دنانير :)
     
  4. rahaly

    rahaly مستشار قانوني

    التسجيل:
    ‏13 ابريل 2005
    المشاركات:
    7,455
    عدد الإعجابات:
    4
    مكان الإقامة:
    الكويت
    مدري شنو حجته بانكار المبلغ عليك ...

    ولكن اكثر اللي مر علي في مثل هذه الحالات لا يشكل خيانة امانة

    وايصال الامانة لا يعني بالضرورة توافر اركان جريمة خيانة الامانة


    فاذا كان العمل بينكما تجاري (عمل بالاسهم مثلا او استيراد بضاعة) وادعى واثبت انه خسر المبلغ ... فذلك لا يشكل خيانة امانه


    واصلا اول ما يسألك المحقق ... ليش معطيه المبلغ ؟
    اذا قلت استثمار .... يقولك روح اشتكي عليه بالمحكمة


    فيمكن ان تذهب للمخفر وتشرح لهم الموقف لبيان ما اذا كانت جريمة خيانة امانه او نصب


    والا ... مالك الا المحكمة ... والله يعينك .... شكلك ما راح تطول شئ
     
  5. قناص_السوق

    قناص_السوق عضو نشط

    التسجيل:
    ‏8 يناير 2009
    المشاركات:
    1,316
    عدد الإعجابات:
    223
    من الي اشوفه قمت اخاف وانا امشي احط بيدي فلوس اخاف احد يبوق فلوسي احس الثغرات وايد بالقانون ... لكن منو المستفيد منها ;) ...

    انا المقيمين اكرهم دم ضروسي تبيني اكسره لك ؟
     
  6. fayoona74

    fayoona74 مستشار قانوني

    التسجيل:
    ‏31 يناير 2009
    المشاركات:
    2,071
    عدد الإعجابات:
    3
    مكان الإقامة:
    الكويت
    لا عادي كويتي حط بيدك فلوس وانت تمشي بس لاتسلف احد خلك جعص :)
     
  7. ساحر دنانير

    ساحر دنانير موقوف

    التسجيل:
    ‏13 مارس 2009
    المشاركات:
    173
    عدد الإعجابات:
    0
    السلام عليكم

    اخوي عندي مثل القضيه

    الى سويته رحت للمحكمه وعملت عليه تنفيذ

    ولو تبي تعطيني وكاله وضبطلك الامور ما عندي مانع عارف كل ثقراتها وشغلنا هذا

    ارسلي رقمك على الخاص
     
  8. qanon

    qanon عضو جديد

    التسجيل:
    ‏16 ابريل 2009
    المشاركات:
    512
    عدد الإعجابات:
    0
    الله يعينك يا الغالى على ثقتك بالناس

    بس للاسف ما اطلعت فى محلها

    على العموم الحين مو وقت العتب

    بس لا تسكت عن حقك

    وابتدى بالاجراءات القانونية ولا تيأس

    وبالتوفيق لك
     
  9. rahaly

    rahaly مستشار قانوني

    التسجيل:
    ‏13 ابريل 2005
    المشاركات:
    7,455
    عدد الإعجابات:
    4
    مكان الإقامة:
    الكويت


    اوووه ... ساحر .. انت محامي شنطة ؟؟ !!! :)






    http://www.indexsignal.com/vb/showthread.php?t=156431




    هذا طبعا كلام المحامي في الموضوع المثبت ...
    يعني الريال يقولك روح لمكتب محامي كويتي لا تروح مكتب مستأجر ... عيل شلون اذا مو محامي؟

    :)
     
  10. الـمـحـامـي

    الـمـحـامـي مستشار قانوني

    التسجيل:
    ‏10 مارس 2009
    المشاركات:
    290
    عدد الإعجابات:
    1
    بارك الله في أ.رحالي

    والله اني افرح عندما اجد مهنتنا تمارس بشكل جيد وتحت محامين كويتين ومتابعين لمكاتبهم .
    صحيح فيهم الزين وفيهم الشين ولكن هذا اضمن لي ولغيري واستطيع ان اشتكيه واقاضيه اذا قصر
    وان اذهب للزين واترك الشين حتى يتعلم ويصبح مثل اخيه الزين
    ولكن الاجنبي لايهمة في الاول يتمسكن وبعدها يتمكن واخيرأ يهرب ولايهمه وفي النهاية يعتبروننا مغفلين ولانفهم شي . وطبعأ هذا غير صحيح انا اراهن على المحامي الكويتي بانه مثقف جدأ .

    فان حالة النصب والاحتيال في الكويت والخليج كثرت هذه الحالات بالاونة الاخيره بسبب الرخص واستغفال كبار السن والجهل بالقانون . بحيث تجدهم بكثره عند مداخل المحكمة يستلقطونم عند الدخول او بالمقاهي .
    والان وضعت جمعية المحامين شعارات ولافتات بالمحاكم تنبيهية بعدم التعامل مع ادعياء المهنه
    ========
    انا شخصيأ عندما اجد كويتي جالس يترزق الله في المحل ومتابع حلاله والله ادفع بدون مجادله بالسعر واقول له كلمتين اشجعه فيها وامشي الله يوفقه
    واعتقد ان من امثالي الكثير ممن يشجعون ابناء بلدهم خيرأ من الاجنبي
    وان نبتعد عن الحسد والغيره ونقف متكاتفين مكملين لبعض
    والكويت وعيالها فيهم الخير
     
  11. دار الفلك دار

    دار الفلك دار عضو نشط

    التسجيل:
    ‏9 يونيو 2008
    المشاركات:
    760
    عدد الإعجابات:
    38
    مكان الإقامة:
    الكويت
    اكثر من ورقه من المحكمه مافي

    شي رسمي ومن القانون ولو ماكانت من المحكمه جان ماعطيته فلس حمر
     
  12. دار الفلك دار

    دار الفلك دار عضو نشط

    التسجيل:
    ‏9 يونيو 2008
    المشاركات:
    760
    عدد الإعجابات:
    38
    مكان الإقامة:
    الكويت
    والله المشكله اتوقع بالقانون نفسه ليش مايدخل السجن ومايطلع الا لما يرد الفلوس

    من امن العقوبه ساء الادب

    اكيد سائل بالمحكمه وقالو له بالكثير 6 اشهر وتطلع

    ولا نبهوني عند استلام الوصل
    و بالسعوديه جان لعنو ولديه وقصو ايده عشان تكون عبره لغيره