اقرار مديونيه/ شيك

[CENTRALBANK]

ايهما افضل كوسيلة ضمان اقرار مديونية ام الشيك ...من الناحيه الجزائية والمدنيه مع الشكر

 

[rahaly]

طبيعي الشيك ... لان فيه مسئولية جزائية وحبس

واللي عنده فلوس ما راح يجازف بالحبس في حالة الشيك

اما من ناحية ضمان المال .. فالحالتين متساويتين

 

[دار الفلك دار]

لا هذا ولاهذا

القانون ماراح ينصفك ويرد لك فلوسك

اسال مجرب ولا تسال طبيب

 

[CENTRALBANK]

لا هذا ولاهذا

القانون ماراح ينصفك ويرد لك فلوسك

اسال مجرب ولا تسال طبيب

طبعا اذا الشخص ما راح يرد لو تكتب عليه الف شيك..بس انا قصدي ايهم من الناحيه الجزائية اقوى

 

[fayoona74]

اذا عنده اموال او ممتلكات تقدر تنفذ عليها يرد لك قضائيا استنادا للمستند اللي بيدك سواء شيك او اقرار مديونية بس النصيحة اذا مو كويتي وخر عنه مو طعن باخوانا الوافدين لا بالعكس فيهم الزين والشين مثل مافي من الكويتيين الزين والشين بس لان الوافد ممكن يسافر او ممكن ماتلقا عنده شي يرحلها بلده وماتلقا شي ممكن تنفذ عليه خاصة اذا المبلغ كبير
مو كل حالة مثل غيرها مو معناته ان واحد مارجعوله فلوسه بظروف مانعرفها معناه انك انت هم ماراح يرجعونلك ظروف مدينك يمكن تختلف اهي مو فوضى

 

[rahaly]

طبعا اذا الشخص ما راح يرد لو تكتب عليه الف شيك..بس انا قصدي ايهم من الناحيه الجزائية اقوى

حبيبنا

الاقرار ما فيه جزائي ..
خليك على الشيك .. يشكل جريمة اصدار شيك بدون رصيد

.................... بشرط
الا يكون هناك عقد يبين ان الشيك كان ضمان ( لانجاز عمل مثلا)


موفق

 

[بوخمسين]

والكمبيالة

كل الاوراق التجارية والمحررات مقبولة قانونا لاثبات الحق

لكن الشيك فيه شق جزائي يردع المدين عن عدم السداد

والله اعلم

 

[القراشي]

انا اضم صوتي للاستاذه/ فينو
اذا وافد ماراح تاخذ منه حق ولا باطل وبيسافر وتروح عليك فلوسك لا تقول شيك ولا كمبياله

انا جربتها

 

[بوخمسين]

انا اضم صوتي للاستاذه/ فينو
اذا وافد ماراح تاخذ منه حق ولا باطل وبيسافر وتروح عليك فلوسك لا تقول شيك ولا كمبياله

انا جربتها

عندي واحد يطالب وافد آسيوي أكثر من 18 ألف دينار

وللحين ماخذا شيء

 

[القراشي]

ولا راح ياخذهم وحياتك