مطلوب سياره عائليه

[باحث الانترنت]

السلام عليكم

بغيت سيارة للعائله تكون ممتازه واستهلاكها للوقود معقول وتكيفها ممتاز

وماتعطل بستمرار وقطع الغيار مناسبه وتصلح للسائق وفيها على الاقل

6 مقاعد

اللى عنده هالطلب يحط الصورة والسعر ورقم التلفون واللى يبى بيقولى

على سياره زينه بيحصله دعوه زينه ان شاء الله

بنتظار الاراء من الاعضاء الكرام

انا فى بالى الفانشر تبع الغانم بس شكله مو عملى ؟؟ فى احد مجرب

هالموتر​

 

[مشعل السلطان _]

اخوي عندي اسرو فان موديل 2001 من فترة صافط جدام البيت بس السيارة جير مكينة شاصي وتكيف ثلج وسنترال لونة عشبي x ذهبي السيارة من فترة صافطة يعني طقة غسلة واستعمل
وابي فية 1200 اذا تبية هذا رقمي

 

[باحث الانترنت]

السيارة نظيفة شرط الفحص!

ممكن تحط صورته

 

[Metzwj]

السلام عليكم ..

اخوى فيه جمس فان تكيفه الخلفي سنترال ..الجام مغيم دبل ستاير دبل فيه شاشه 17 بوصه ..الأرضيه دبل الكراسى متحركين الأخير تقدر تخليه فراش ..فيه فيديو سيدي دفيدي وفيه شغلات وايد انا ماعرفه الصراحه اذا لك خاطر رقم الريال ..66955593ابوعبدالله اسمه

 

[باحث الانترنت]

مشكور اخوى Metzwj

لاهنت ربي يحفظك وان شاء الله اشوف الرجال واستفسر منه اكثر

 

[بو_راشد]

اخوي اخذ حق السايق سيارة يابانيه اوفر لك في البنزين واربع سلندر اوفرلك نصيحة مجرب انا مثلا شاري حق السايق ميسوتبيشى جرانديز والحمدالله نعمه وفي بعد تويوتا اينوفا احسن من الجرانديز واثنيهم اربع سلندر وعائليه

 

[rakan_yes]

اقوووووووووووووووووووووووووووووووول

خذلك كيا جديده او مستعمله موديل 2008 بسعر 4900 من الشركه الي بالري

وادعيلي

اخوك بورااشد

ياره قووووووووويه وسعرها زين
وتحمل

انا عندي مشتريها للبيت من سنه

 

[باحث الانترنت]

اخوي اخذ حق السايق سيارة يابانيه اوفر لك في البنزين واربع سلندر اوفرلك نصيحة مجرب انا مثلا شاري حق السايق ميسوتبيشى جرانديز والحمدالله نعمه وفي بعد تويوتا اينوفا احسن من الجرانديز واثنيهم اربع سلندر وعائليه

لاهنت يالحبيب

ميسوتبيشى جرانديز شكلها ممتاز وصناعتها يابانى كوري بس شلون التكيف والحراره وهل هي 4 سلندر على كلامك وكم تشيل نفر

وكم سعرها بالوكاله اذا مناسب باخذها من الوكاله

 

[باحث الانترنت]

اقوووووووووووووووووووووووووووووووول

خذلك كيا جديده او مستعمله موديل 2008 بسعر 4900 من الشركه الي بالري

وادعيلي

اخوك بورااشد

ياره قووووووووويه وسعرها زين
وتحمل

انا عندي مشتريها للبيت من سنه

لا تكفى بو راشد موجوده عند الشارع اللى جنبنا احترقت مادرى من الحراره

الظاهر او السايق ناسى السايد بريك وشبت نار المشكله قراطيسها عليها

وبعدين الصينى شقنا مو باقى الا يسون بيوت للخليج

 

[خمسة اقمار]

فان شفر كامل المواصفات موديل 95

99493501 للمعاينه

 

[بو_راشد]

اتشيل 7 راهي والحمدالله الحرارة ثابته ماتتغير اي اربعه سلندر وسعرها في الوكالة خمسة الاف دينار ولاتنسى تويوتا اينوفا ترى حلوه بعد وتشيل 7 راكب

 

[dnyay]

أسال مجرب

قبل لا تعزم مر شركه هوندا وشوف الاوديسى الجديده وهم عندهم المستعمل خفيف وقارنها باى سياره من حجمها وتكفى حق 7 اشخاص بالراحه اقتصاديه مع انها 6 سلندر مكيف بعد لا تتكلم عن الهوندا بالمكيف وسيعه وراهيه ومالت دق وكرف كانت عندى موديل 2002 وبعتها وتحسفت ومفكر آخذ الموديل الجديد ان شاء الله

 

[مشعل السلطان _]

حبيبي والله مو عندي صورت السيارة بس السيارة نضيفة واقولك من فتر مو مشغلة السيارة كانت حق السايق بس السايق سافر والسيارة صافطة ومغبرة بس غسلها وتوكل على الله