جمـــــــــ ي ـــــع القباااائل ....

الموضوع في 'إستراحة المنتدى' بواسطة وسيط اسهم, بتاريخ ‏1 يونيو 2009.

  1. وسيط اسهم

    وسيط اسهم عضو جديد

    التسجيل:
    ‏3 فبراير 2009
    المشاركات:
    1,788
    عدد الإعجابات:
    0
    مكان الإقامة:
    $$ الريــــ ض ـــــا $$
    صباح الخير جميعااااا

    بصراحة ابيات اعجبتني اثنى بها الشاعر على جميع القبائل بعد مدحه لإ ال سعود وهم يستاهلون ماقال واكثر





    يالله يـاخالق اراضيــن وابـحار **** الواحد المعــبود رازق عبـيده

    الخـالق الغــفار علام الاسـرار **** وفرق شعوب الارض في كل يده

    وابدي واسولف من عذيبات الاشعار **** ابــيات شعر والمعـاني وكيده

    اشري وابيع واعرف كيـف بـختار **** واختار من جزل البيوت الـفريده

    واذكر تـراث وعز وامـجاد وافخار **** قبائل تومن بديــن و عـقيده

    وصلت حضارتنا على سطح الاقمار **** ابنا الجزيرة والجزيره مــجيده

    في ظل حكام لهــم فعل واشـوار **** آل السـعود الـلي تفك الضهيده

    نسل الزعيم الحاكم العادل البار **** مجدد امجـاد الجــزيره بجيده

    حتى اصبحت حره وحنا له انصار **** في ظل اخو نوره هنوف سعيده

    وصارت لابو تركي بطوله وتذكار **** والفخر والامجاد تبقى شهيده

    وخلف لنا املوك لهم فعل واخبار **** الشعب واحد والقياده رشيده

    والامن بانينه على ساس وجدار **** وقرو على العابث عقوبه شديده

    وحنا حماة الدار من كل غدار **** وما همنا بطشه وخبثه وكيده

    قبائل مالحقناهم اوعار **** وعشنا بهذي الدار عيشه رغيده

    والحمد لله نحمده سر واجهار **** شعب تكاتف من سنين مديده

    ودون الوطن جيش على كل معبار **** لارفرف البيرق ونادى عقيده

    بشرق البلاد وغربها دوم حضار **** وارض الشمال اللي نفوده مديده

    وارض الجنوب اللي تخيضر بالاشجار **** جزيرة فيها القبايل عديده

    ارض بها قحطان وافين الاشبار **** وياعز منهم بالشدايد بسيده

    واذكر عتيبه يوم للطيب مغوار **** لا ثارت الهيجا وقرب ضديده

    وشمر هل الطولات والجود مقدار **** اهل الكرم واهل الفعول الحميده

    وقوم اعنزه مروين الاخصام الامرار **** اولاد وايل من عصور عهيده

    ومطير قوم تكرم الضيف لا زرار **** وياويل خصم في حراهم وعيده

    واذكر قبيلة حرب يانعم الاخيار **** وتاريخهم يحكي سطور مجيده

    وسبيع نعم القوم ووجيه الاسفار **** زبن الدخيل ليا زبن من طريده


    واذكر قبيلة يام والطيب يندار **** اهل العلوم الوافيه والرشيده

    ثم الدواسر تجعل الخصم منهار **** عيال زايد عز منهم سنيده

    ثم السهول اللي لها الطيب مدرار **** وعن منهج العادات ماهي محيده

    ثم اذكر العجمان حماية الجار **** والمرجله والجاه فيهم عتيده

    واذكر بني مره طويلين الاعمار **** ما ينقد المري ولا له نقيده

    ثم الهواجر لابه تقدح النار **** اهل الركاب اللي خطاها بعيده

    واذكر بني خالد قبيلة وامار **** قوم لهم في المجد قول ورصيده

    وبني تميم اللي لها الطيب مصدار **** بني تميم وكل فعل تجيده

    ثم الزعوب اللي بها الخصم يحتار **** شجعان ماترضى سوا ماتريده

    العازمي وافي وفي الطيب بيطار **** روحه على كل المصاعب صميده

    ثم الظفيري في المصاعيب جبار **** والطيب والامداح باصله وطيده

    ثم اذكر الاشراف بجلال واكبار **** اهل الحجاز اللي تفك الزهيده

    ثم الهذيلي له مواقف ومندار **** راعي الفخر راعي العلوم السديده

    ثم البقوم اللي لهم جيش وامهار **** ريف الضيوف ليا لفاهم وليده

    واذكر ثقيف اللي لهم مجد وآثار **** ومهما حسبنا من كلام نعيده

    وبلحارث اهل العز بشهود واقرار **** ا لحارثي ياطيب فعله وجيده

    والمالكي معروف لا صار ما صار **** في موقف اهل الطيب يبذل جهيده

    واثني تحياتي عدد وبل الامطار **** على سليم وكل خصم تكيده

    واذكر جهينه هل مواقيف وادوار **** تلقى الجهيني راسم الطيب بيده

    واذكر بلي والمجدله فعل واظهار **** وتاريخهم يحكي فعول فريده

    وبني عطيه في المواجيب حضار **** قوم بوقت الجد قوم عنيده

    ثم الحويطي والكرامه له اشعار **** ثم الشراري له فعول مفيده

    ثم الرشيدي في الصعيبات صبار **** على علوم الطيب فعله يزيده

    وباقي جنوب الدار والقاف مادار **** باقي على قلبي كلام واشيده

    زهران نعم القوم في وقت الاضرار **** والخصم عينه من لقاها سهيده

    والغامدي معروف له عزم واصرار **** راعي المراجل والعلوم المفيده

    وشمران قوم والجمايل لها اطوار **** وبلقرن سم للقلوب النكيده

    والاكلبي والمحلفي مابعد بار **** والحارثي طيبه وفعله يشيده

    وبني شهر وبني عمر سيف بتار **** قوم على الاخصام نار وقيده

    والاسمري والاحمري صيتهم سار **** بين القبايل والمواقف شهيده

    واذكر عسير الهول ذربين الاذكار **** وابها احتموها فالسنين الشديده

    وادهم والصيعر على حد الاقطار **** يحمون حد الدار من اللي يريده

    وامشي مع الساحل مع جمله افكار **** رسمتها والطير زان تغريده

    وانزل على جيزان تاريخ واديار **** ورجال فيفا والقبايل عديده

    وارجوا العذر واهل المواجيب عذار **** الي نسيته مانذكر في القصيده

    الواهبي عدد ابيوته بالادوار **** من شاعر ماشل قلبه حقيده

    قحطان ربعي هم هل المدح والكار **** واهل الكند واهل السيوف الجديده

    يوم البلد مايامن الزند لاثار **** زيزومنا بن فردان نعم الوليده

    فالجهل شجعان وفي السلم تجار **** من بطن بيشه للتهم لارفيده

    حبيت ابين موقفي بين شعار **** وارجوا سموحتكم على ذا النشيده

    ماحب انافق واتعنصر تعنصار **** ولا ني باطيع اهل العقول البليده

    ما كل من طب البحر قيل بحار **** وما كل من شل الفشق جاب صيده

    فالشعر بستان به ورد وازهار **** واللي تعداها بيوته فقيده

    واقولها في الشعر تكرار وامرار **** ظرف بلا عنوان يلغى بريده

    وبعض السوالف له مواقف ومحضار**** وشعر بلا معنى لزوم نبيده

    وصلوا على المرسول شفاع الابرار**** محمد الهادي وقدوة عبيده
    وسلامتكم ,,,
    -----------------------------------------------------------------------------------------------------------------------------------------------------------------------
    منقول
     
  2. rakan_yes

    rakan_yes عضو نشط

    التسجيل:
    ‏24 مايو 2007
    المشاركات:
    2,073
    عدد الإعجابات:
    0
    الله يوفقك يارب

    اخوك
    ابورااشد
     
  3. Bo 7MaNi

    Bo 7MaNi عضو جديد

    التسجيل:
    ‏13 يناير 2008
    المشاركات:
    3,139
    عدد الإعجابات:
    0
    مكان الإقامة:
    الكــــــويت
    جزاك الله خيـــــر:)
     
  4. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    شكرا
     
  5. وسيط اسهم

    وسيط اسهم عضو جديد

    التسجيل:
    ‏3 فبراير 2009
    المشاركات:
    1,788
    عدد الإعجابات:
    0
    مكان الإقامة:
    $$ الريــــ ض ـــــا $$
    الله يعطيكم العافية على مروركم وتشريفكم
    خيتوا ليلى نورتي صفحتي
    اخووي بو حمني تشرفت بمرورك
    ابو راشد مشكور على التشريف
     
  6. أبوعبدالرحمن1

    أبوعبدالرحمن1 عضو نشط

    التسجيل:
    ‏25 ابريل 2006
    المشاركات:
    257
    عدد الإعجابات:
    0
    وارض الجنوب اللي تخيضر بالاشجار **** جزيرة فيها القبايل عديده

    ارض بها قحطان وافين الاشبار **** وياعز منهم بالشدايد بسيده

    والنعم ولا قصور باقي القبايل
     
  7. وسيط اسهم

    وسيط اسهم عضو جديد

    التسجيل:
    ‏3 فبراير 2009
    المشاركات:
    1,788
    عدد الإعجابات:
    0
    مكان الإقامة:
    $$ الريــــ ض ـــــا $$



    ونعم فيك ياولد قحطااان
    شرفتني بحضورك للطرح
     
  8. غريب77

    غريب77 عضو جديد

    التسجيل:
    ‏22 يناير 2009
    المشاركات:
    33
    عدد الإعجابات:
    0
    واذكر قبيلة يام والطيب يندار **** اهل العلوم الوافيه والرشيده

    ثم اذكر العجمان حماية الجار **** والمرجله والجاه فيهم عتيده

    واذكر بني مره طويلين الاعمار **** ما ينقد المري ولا له نقيده


    ونعم ولا قصور في القبايل ولا هنت يالقرم على النقل
     
  9. وسيط اسهم

    وسيط اسهم عضو جديد

    التسجيل:
    ‏3 فبراير 2009
    المشاركات:
    1,788
    عدد الإعجابات:
    0
    مكان الإقامة:
    $$ الريــــ ض ـــــا $$



    يسلموا على المرور
     
  10. away1979

    away1979 عضو مميز

    التسجيل:
    ‏4 يوليو 2008
    المشاركات:
    10,917
    عدد الإعجابات:
    1,584
    مكان الإقامة:
    Kuwait
    خوش قصيدة يعطيك العافيه
     
  11. انطلق2

    انطلق2 عضو جديد

    التسجيل:
    ‏20 يناير 2007
    المشاركات:
    1,629
    عدد الإعجابات:
    1
    ماحب انافق واتعنصر تعنصار **** ولا ني باطيع اهل العقول البليده

    ما كل من طب البحر قيل بحار **** وما كل من شل الفشق جاب صيده

    شكراً للنقل

    و شفت كل واحد ناسخ له بيتين****و يشكر قلت بقلدهم ولا هي بغريبه!!!
     
  12. وسيط اسهم

    وسيط اسهم عضو جديد

    التسجيل:
    ‏3 فبراير 2009
    المشاركات:
    1,788
    عدد الإعجابات:
    0
    مكان الإقامة:
    $$ الريــــ ض ـــــا $$
    يسلموا على المرور