قصة عجبتني

الموضوع في 'إستراحة المنتدى' بواسطة بوو عبدالرحمن, بتاريخ ‏6 يونيو 2009.

  1. بوو عبدالرحمن

    بوو عبدالرحمن عضو جديد

    التسجيل:
    ‏31 مايو 2006
    المشاركات:
    244
    عدد الإعجابات:
    0
    طبعا معروف عن الناس قبل ..الفطانه و الذكاء و الترميز للاشياء و الايحاءات دون التصريح بالامور ..

    و هذي قصه من قصص كثيره..

    هذي وحده اسمها نورة و ولد اسمه عايش نورة بنت امير القبيله وعايش ولد فقييير جدا حبوا بعض من ايام الطفولة وكانت ايامهم كلها لعب وحب وكان يحبها بصدق و عفاف كبرت نورة وكبر عايش واراد عايش انه يتزوجها راح للأمير ابوها وطلب يدها !! ابو نورة امير ومن اغنى الاغنياء استنقد وشلون يجيه هالفقير ويطلب ايد بنته راح طرده من المجلس وقالة اطلع برى لا اسمع انك عندنا وان شفتك او حسيت انك قريب من بنتي والله راح اذبحك هنا عايش حافظ على كرامته وهرب من القبيله بدون مايودع نورة نورة تعبت ومرضت ومرت الايام كأنها عذاب على عايش ونورة

    عايش سافر واشتغل اول مرة صياد وجمع ريال على ريال وجمع مبلغ صغير وسافر يقصد كثير من المدن بهدف المال و التجاره نورة كبرت وضاقت بها الدنيا وصارت امرأة وكثروا خطابها ابوها طاح بمصيبة مرض وصارت القرية في خطر ضحت نورة وتزوجت الي خطبها وهو امييير ايضا وصار زوجها امير القبيله بعد ما مات ابو نورة صارت نورة زوجة الامير
    عايش وفقة الله بالتجارة وصار تاجر يضرب له حساب
    عايش كبر تجارته وصار من اكبر التجار واغناه رب العالمين لين صارت ثروته اكبر من ثروة الامير و القبيله كلها االقبيله طاحت بمصيبة واهلكتها الحروب
    والفقر والمجاعه القرية صارت فقيرة ودارت الايام وصار اميرها زوج نورة فقييير

    عايش رجع للقبيله حن للماضي سمع اخبارها عايش راح للأمير وعرض عليه عرض

    قاله تبي اعطيك نص مالي وحلالي؟؟

    الامير مايعرف عايش لاكنه كان في امس الحاجه للريال

    قال الامير ايه عطني تكفا انت شفت احوال القبيله و اهلها وشفت مصايبنا ومستعدين نعطيك الي تبيه بس انقذنا من الفقر

    قال عايش

    ابي اعطيك لغز ان قدرت تجاوبة اعطيك الي عرضته عليك
    قال الامير هات
    قال عايش للأمير (( القمر فوق وشلون نوره ؟؟ ))

    الامير استغرب وقالة عايش معك لصلاة الفجر بعدها مراح اعطيك اي شي

    رجع الامير للبيت وكان في حالة يأس

    ضوء القمر وشلون ؟؟ ابيض ؟؟ شفاف اصفر ؟؟ لغز ؟؟؟
    قاطعته زوجته (نوره) وسألته
    وش محيرك ؟ قال انتي ابتعدي عني تراني ماني رايقلك وش يعرفك انا افكر في موضوع اهم من سوالفك يا نوره اتركيني اشوي

    وكمل الامير يفكر وكان غرقاااااان بالتفكير

    رجعت مره ثانية بعد فتره ومكان باقي وقت وسألته

    لاكنه رفض مرة ثانية

    وبعد ما انتهى الوقت وللأسف الامير ماعرف الجواب رجع وقبل لا يطلع جته زوجته وقالت طيب منت خسران شي قلي وش اللغز يمكن اعرفه

    قال طيب يقول اللغز : القمر فوق وشلون نورة ؟؟

    عرفت نورا المغزى بعد ما عرفت اسم صاحب اللغز

    ردت نورة وقالت قوله :مثل السمك بالبحر وشلون عايش!!

    الامير تفاجأأ و لم يفهم القصد ..و لكن اللي فهمه انه يجاوبه بسؤال كهروب من الجواب (طبعا الامير اهني ما يدري شالسالفه اهو في وادي و الناس في وادي)

    قال الامير : طيب انا بقوله و اشوف

    نورة كانت في قمة الفرحه والسعاده

    وصل للمجلس و لقى عايش بانتظاره و قاله شوف

    انا مافهمت اللغز بس زوجتي قالت ان الجواب

    مثل السمك بالبحر وشلون عايش!!

    رد عايش وقال

    هذا اللي كنت ابي اسمعه من زمان



    و طبعا اعطى القبيله نص حلاله و ماله تكريما فقط لنوره
     
  2. kazamezaa

    kazamezaa عضو نشط

    التسجيل:
    ‏3 يناير 2008
    المشاركات:
    1,074
    عدد الإعجابات:
    1
    مكان الإقامة:
    kuwait
    قصة رائعة بمعني الكلمة
    بارك الله فيك
     
  3. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    شكرا
     
  4. زلابيـــا

    زلابيـــا عضو جديد

    التسجيل:
    ‏13 ابريل 2009
    المشاركات:
    359
    عدد الإعجابات:
    0
    مكان الإقامة:
    الكـــويت ..Q8