وسيط اسهم
عضو نشط
عندما مرضت والدتي مرضا كاد ان يؤدي بحياتها قلت هذه القصيد
مقلة عيوني هلّت الدمع والدّم
ولا هي بمشكوره على ماتسويه
والله لو تفقد نظرها ماهو هم
فدوة حياة أمي نظر عيني اصخيه
يمّه من اللي صابك البال في غم
سواة نارٍ في لهبها تصاليه
يمّه ترى من غيرك اعيش معدم
كلي على بعضي ولا فلس اساويه
ياليت يقسم لك من العمر مقسم
لاعطيك عمري وارخصه لاجل غاليه
ياغلى غلا في كل الاوداج ينعم
اعيش ابه واحيا واعزه واراعيه
يمّه انا من غير ما احس واعلم
كل من يقابلني من الناس اناديه
اقول تكفا عالج امي وتسلم
عسى الدواء بأمر الله البين يبريه
اسبوع عدّا كنّه اللّيل الأظلم
وانا يايمّه جرح الألام اعانيه
وان كان طال ابك المرض كيف يايم
اصبر وانا ما اقدر على الصبر اخاويه
وان كنت يايمّه على الصبر مرغم
يادبرة الله لازم الصبر اجاريه
قالوا تبسم قلت كيف اتبسم
وحال أمي اشوف المرض واسمٍ فيه
حرام يالبسمه لتحرم على الفم
حتى المرض يقفي وتخفا مواريه
وماهو على كيفي ليا قلت تحرم
غصب(ن) على حالٍ لظى النار يكويه
وهذا لساني فالكلام يتلعثم
ومنهو يلومه لو كلامه يلوّيه
ولولا ولولا لاحتكم ما اتكلم
تقدير حالة أمي وما تقاسيه
وياربي اني في عراك اتلزم
واطلبك ياربي مرضها تشافيه
يالله تشافيها وتغفر وترحم
ياواحدٍ كل المخالق ترجيه
ولكم تحياتي
مما راق لي