ضرورى وعاجل

[InUrEyEs]

بفيت استفسر ماعليكم امر

​

مثل ماانتو عارفين تخصص الحاسب الى جدا مظلوم وبقيت انشأ جمعيه للمبرمجين او الحاسوب مثل جمعيه المهندسين علشان نحصل حقوقنا وندافع عنها بعرف شلون اقدر انشاها وشنو الاجراءات لانه قالو لازم محامى

حقوقنا المهضومه

1- احنا التخصص الوحيد الا بديوان الخدمه لايسمحله بدراسه الماستر بدون التخصاصات اذا درسه لايحسب لك الماستر لا بعد اخذ الدكتوراه ماستر ابروحه مايصير


2- احنا اتخصص الوحيد الا اذا بقينه انترقى بالمسمى الوضيفى لازم ناخذ دوره مدتها شهرين او ثلاث شهور وقبل الدوره اختبار يمكن تنقبل ويمكن ماتنقبل ويمكن العدد مكتمل غير الوسطات وبعد الختبار اذا قبلت بالدوره كل اسبوع اختبار واخر الاختبار لازم اتسوى مشروع علشان يعطونك موافقه لتغير المسمى عقب ماتاخذ موافقه اتروح دوامك لازم تاخذ سنتين متتاليتين امتياز واذا كان ريس القسم اقل من مسماك مايعطيك الامتياز علشان لاتعديه يعنى بطلعت الروح يالله تقدر اتغير وهم 8 مسميات لازم كلهم دورات ولازم سنين خبره وامتياز تخصص متعب وقوانينه متعبه

3- كادر التخصص جدا قليل بنسبه لتعبنا وشغلنا

واشياء كثيره مظلومين فيها احنا المبرمجين


ياريت اعرف طريقه انشاء الجمعيه وشلون الطريقه

وجدا شاكره لكم

 

[rahaly]

اخوي ... الجمعية تأسيسها صعب ... وبصراحة تحتاج لوقوف اعضاء من مجلس الامة معاك


اذا كنت تتكلم عن المبرمجين كمهنه ... انصحك ان تقوم بانشاء اتحاد .. فهو اسهل بكثير جدا

لان الجمعية تكون مدعومة من الدولة وفيها فلوس وخسارة على الدولة ..
الاتحاد انتوا تتكفلون بكلشئ

وما تحتاج محامي الا بالاستفسار لبعض النواحي ومدى قانونيتها ... روح وزارة الشئون يعطونك الاشتراطات

بس تحتاج نظام اساسي مدروس ... من ناس عندهم خبرة عشان بعد ما يتأسس الاتحاد .. لا تصير عندكم مشاكل وبلاوي ...

 

[الحريه وطن]

كلامك عين العقل
انا من عام 2005 متخرج برمجه وماكو علاوات ولا امتيازات ولا شي
اشتكيت بالديوان وماكو فايده لازم يتبناها عضو بالمجلس

علاوتنا ضعيفه ومعاشنا ردي
الحقوق والمحاسبه لهم كادر اعلي مننا بواجد

وحاليا ادرس ماستر وادري اني خسران

ياجماعه لازم نفعل هالموضوع لازم نوصل للجرايد لاعضاء للجنة العرائض والشكاوي

تكفــــــــــــــــــــــــــــــــــــــــــــــــــــــون

 

[InUrEyEs]

كلامك عين العقل
انا من عام 2005 متخرج برمجه وماكو علاوات ولا امتيازات ولا شي
اشتكيت بالديوان وماكو فايده لازم يتبناها عضو بالمجلس

علاوتنا ضعيفه ومعاشنا ردي
الحقوق والمحاسبه لهم كادر اعلي مننا بواجد

وحاليا ادرس ماستر وادري اني خسران

ياجماعه لازم نفعل هالموضوع لازم نوصل للجرايد لاعضاء للجنة العرائض والشكاوي

تكفــــــــــــــــــــــــــــــــــــــــــــــــــــــون

عدل كلامك اخوى انا نفس الشى سجلت بالجامعه ماستر ويوم صدمنى ديوان الخدمه بالقرار سحبت قيدى وقاعده افكر اكمل هندسه لانه راح اكون افيد وايد من الماستر الا مثل قلته بس حرام ادرس من الاول وانا بامكانى اكمل ماستر بس القانون ظالمنا ياريت اتفاعل الموضوع وينظمون لنا كل المبرمجين

 

[qanon]

اخونا العزيز

بدال ما تتعب بانشاء جمعية او اتحاد وغيره من الامور

لازم اتخلى كل اللى نفس تخصصك يتحركون من خلال جميع القنوات الرسمية

يعنى من خلال العمل
ومن خلال اعضاء مجلس الامة

وجذيه تضمون احد يتحرك لكم بالنسبة لتخصصكم

وبالفعل تخصصكم كادره قليل نسبيا

وبالمناسبة ترى فى وايد تخصصات للاسف الشديد مالها اى كادر وهم تستحق كادر مالى لها

بس وين اللى يطالب لهم

 

[بوعبدالمحسن]

في جمعية اصلا موجودة

 

[InUrEyEs]

في جمعية اصلا موجودة

مافى اخوى وين ؟؟؟؟؟؟؟؟؟؟؟؟؟؟؟؟؟؟

 

[fahad_kw]

انا تخصص حاسب الي حبيت اسجل حضوري ,

في جمعيه اسمها تقنيه المعلومات وتضم مبرمجين ومهندسين

 

[InUrEyEs]

انا تخصص حاسب الي حبيت اسجل حضوري ,

في جمعيه اسمها تقنيه المعلومات وتضم مبرمجين ومهندسين

وين هل الجمعيه الا ماسمعانا عنها مدام جمعيه عيل ياخذون فلوس من الدوله وينهم عن التخصص مايدرون وين الله قاطهم

 

[أبوفلان]

هلا اخوى ، بالفعل في جمعية اسمها جمعية تقنية المعلومات ، موجودة بالروضة ،،

وانا عضو فيها ، وكان عندنا اجتماع كل يوم أحد ، فيها تخبة من الشباب الطيب ،،

وكنا مسويين مجموعات مثلا Linux Group و في Security Group و في جروبات غيرها بعد ،،

بس انت عارف الشباب الكويتي ، تسحبهم سحب علشان يحضرون ،، وكل يوم ينقص واحد ، لين آخر شيء ما بقى في أحد ،،

وبعدين مجلس الادارة صاير كلهم كبار بالسن وربع ، وكل سنة اهم شيء عندهم الانتخابات وبوق بالفلوس ، وكل سنة الشؤون تعطيهم فلوس علشان يطورون الجميعية ويسوون رحلات ودورات ، لا تشوف منهم شيء ،،

الشيء الثاني اخوى مجال الحاسب الالي هو افضل مجال للعمل ، والرواتب فيه ممتازة اذا انت اثبت نفسك بالشهادات والدورات ،،

يعني انت تخصص وادرس شهادات يطلبها السوق مثل MCSE - RHCE - C|EH - OCP - CCNA - CCNP ،،

هذه شهادات لها قيمتها بالسوق وتخليك متخصص ، والشركات تبيك ،، اترك عندك دوامات الحكومة فاشلة الا في بعض القطاعات ،،

لو تصير مثلا AIX Admin و Sun Admin و Network Security Administartor ولا تتخصص في التحقيقات الجنائية اللي هي Digital Forensics و في Security Management

وتدرس شهادات مثل CISSP و CISA ،، هذا مسوتاها قوي في سوق العمل ،،

روح شركة ( ابلا ) اذا انت متخصص بهذه التخصصات ، وشوف الطلبات الي تبيها الشركات ، يعني لوعندك CISSP و CISA ما يقل اول راتب عن 1500 دينار بالنازل ،،

اما اللي ماخذ شهادة جامعية ومتوظف بالحكومة ، ولو تسأله الحين تلاقيه ناسي كل الدراسة وكل البرمجة اللي تعلمها ، هذا اكيد ما راح يلاقى شيء ،،

على اقل تقدير سو لك موقع وقدم خدمات حتى لو Hosting السوق يبي والناس كل يوم تزداد في استخدام الحاسب ويبون وايد شغلات ،،

وين خريجيين كمبويتر ساينس ولا المهندسيين بالكويتيين ؟ خلو السوق للمصريين والهنود هم يتحكمون فيه كله ،،

شوف الشركات اللي تركب شبكات وتمسك مشاريع مافيها ولا كويتي ، كلها شغل مصريين وهنود ،،

انتم قاعدين في الوظايف الحكومية الفاشلة والي مافيها شغل ، وبنفس الوقت مضيعين الوقت لا دراسة ولا شيء ،، بس دوانيات وكشتات ووناسة

متى آخر مرة قريتوا كتاب في السكيروتي ولا في لغات البرمجة الجديدة ،،

نص خريجيين الكويت ما يعرفون يركبون Linux Firewall و لا حتى ISA Server ،،

انا اقولك تخصص الحاسب شيء قوي جدا ومثبت نفسة في السوق ، بس انتم تخصصو بعد الجامعة ، مو بس شهادة جامعية ولا ماستر ، هذه عبارة عن دراسة منهجية ، الدراسة التخصصية في منتجات معينة مثل Microsoft ولا Cisco ولا IBM هي المطلوبة اليوم لانها هي اللي بالميدان ،،

لازم شهادات دولية متخصصة ، والله العظيم بعدها غصب عنهم يقبلونكم ،،

لا تقولي واحد عنده CISSP و لا CISA و CISM ولا RHCE ومو لاقي وظيفة مرموقة ،،

حبيبي نص خريجيين الكويت اصلا ما يعرفون شنو هذه الشهادات ولا يعرفون يتخصصون ؟!

آسف على الاطالة وعلى الشدة ، بس ترى انا مقهور من مجهودات الشباب اللي قاعد تضيع ،،

والسلام عليكم

 

[fahad_kw]

بوفلان والله كلامك طيب , لا احنا سالمين من دوام الحكومه التعيس ولا سالمين من احتكار الهنود والمصريين بالقطاع الخاص .
شكرا لك على معلوماتك الحلوه عن الشهادات التخصصيه


تحياتي

 

[أبوفلان]

حياك الله يا طيب

 

[الحريه وطن]

ابو فلان انا مابي 1500 في الخاص
ابي كادر حالي حال المحاسبه والحقوق
انا مابي القطاع الخاص
من حقي انه ينزل كادر دقونا 4 سنوات لغات برمجه ورياضيات وفيزياء ومختبرات لدرجة اني كرهت الكمبيوتر وكرهت لغات البرمجه ولا احب اقرء كتب البرمجه
اخي انا بس اقرء كتب المقرر علي (ادرس حاليا بالجامعه الامريكيه نيويورك-البحرين) يعني علي الاقل الوزارات يقرون لنا كادر حرراااااااااام الحقوق مواد سهله والمحاسبه مرتاحين ومعاشاتهم افضل

اصلا انا كل ما القي شاب جديد بيدرس اقول له هج عن الحاسب الالي ياطب ياهندسه ياحقوق يامحاسبه

وبعدين وين هالجمعيه ماتردي عنا ياخوي المفروض لو واحد منا يكلم لجنة العرائض والشكاوي اتوقع يلقون لنا حل

شوف جمعية المحاسبين شلون نشطه واقرت الكادر مالهم

 

[InUrEyEs]

شكرا اخوى ابو فلان على الرد

بس من قالك ماعندنا دورات انا عندى 35 شهاده بالكمبيوتر ولغات ومتعدده

مابى اشتغل ابقطاع خاص ديرتى او لا فينى وملزوومه تعطينى كادر حالى حال التخصصات الثانيه يعنى معقوله تبى جميع المتخصصين بالحاسب الى يشتغلون بالخاص ؟؟؟

وبعدين مادام انتو بالجمعيه وينكم عن التخصص ليش ماطالبتو بحقوقنا ؟؟؟

 

[الحريه وطن]

ماضاع حقن وراه مطالب
نحو مزيد من التجمع السلمي راح ناخذ حقوقنا اللي جبسوها علينا

 

[كويتي_02]

لالالا يا ان يور ايس هذه سالفه طوليه عريضه لازم نفهمها عدل قبل لا نتورط
عاد انا توني داخل الجامعه بهذا التخصص أول سنه .. الجين خليتيني اعيد النظر و ارجع اكمل على شهاده الهندسه احسن لي

 

[الحريه وطن]

كويتي من صجك انت
لا يبا كمل هندسه ابرك لك كادر ومعاش قوي ومستقبل
النظم لا يقصون عليك بس 60 دك يزيد
يعني تتعب وتدرس واخر شي 60 دينار
يبا كمل هندسه اخذ نصيحتي انا تحسفت اني ما كملت هندسه

 

[InUrEyEs]

لالالا يا ان يور ايس هذه سالفه طوليه عريضه لازم نفهمها عدل قبل لا نتورط
عاد انا توني داخل الجامعه بهذا التخصص أول سنه .. الجين خليتيني اعيد النظر و ارجع اكمل على شهاده الهندسه احسن لي

اى والله نصيحه اخت انحااااااااااااااااااااش لايحوشك

اخذ هندسه وانت مبتسم كل مكان يبيك معاش قوى ومافى عوار راس بتغير المسمى كل سنتين اتغيرمسمى وانت ريل على ريل

 

[InUrEyEs]

للرفع للمطالبه بالكادر

 

[InUrEyEs]

ماعليكم امر ابي احد اسلوبه حلو يكتبلي الكتاب علشان اعطيه نائب بمجلس الامه لمطالبه بالكادر