شركة ايفكت:effect ( صفاة عقار)...

[fwaz70]

استغفر الله العلي العظيم
حسبنا الله ونعم الوكيل
نعم المولى ونعم النصير
يعني الواحد شيسوي ان سبيناهم قالوا ما يصير وان دعينا عليهم قالوا خاف ربك عندهم عيال
الله يشهد ان ما لي فيها اسهم لكن الواحد من حر ما في قلبه يقول هالكلام عندي ربع واهل يملكون فيه

 

[ابو غانم]

السلام عليكم اخواني راح اعطيكم خبر الأحد الصبح بخصوص وضع شركة صفاة عقار


وشكراً لكم

وين الخبر طال عمرك ؟

 

[fwaz70]

سهم صفاة عقار عليه تخفيض راس الماس من 60 الى 70 بالميه

هذا الخبر

 

[ابو غانم]

هذا الخبر

مو شي الخبر هذا ، وشكله مو رسمي لالحين

 

[MZ1982]

عليه تخفيض ما عليه تخفيض ما راح نبيع

 

[ابو عذوب]

ممكن تبدل بسهم ثاني قريب من سعره لما تشوف الوضع بعد اعلان التخفيض او بعد التخفيض أسأل الله العظيم لكم التوفيق

 

[بوفيصل q8]

تخفيض
ماني مقتنع بسالفة التخفيض
انا اتوقع السهم فيه خير بس يبيله صبر . واعتقد ان الانطلاق قريب جدا

 

[بوفيصل q8]

انا مضارب جدا فاشل
لحد يسمع مني نصيحه .
لكن توقع فقط

 

[MZ1982]

أنا تكلفة السهم علي بالأربعينات و ما راح أبيع

يعلن سوق الكويت للاوراق المالية بان شركة الصفاة العقارية (صفاة عقار) افادت بان مجلس ادارة الشركة سوف يجتمع يوم الاربعاء الموافق 29-04-2015 في تمام الساعة 01:00 ظهرا لمناقشة البيانات المالية السنوية للشركة للسنة المنتهية فى 31-01-2015 .

 

[ابو عذوب]

يعلن سوق الكويت للاوراق المالية بان شركة الصفاة العقارية (صفاة عقار) افادت بان مجلس ادارة الشركة سوف يجتمع يوم الاربعاء الموافق 29-04-2015 في تمام الساعة 01:00 ظهرا لمناقشة البيانات المالية السنوية للشركة للسنة المنتهية فى 31-01-2015 .

 

[ابو غانم]

الحين اللي يملك في السهم ينحاش قبل الاعلان ولا شنو الموضوع ، رايكم ياشباب

 

[بوفيصل q8]

الاسبوع اللي ظاف قالت لكم متي راح ينزل الاعلان ونزل
والان اقول لكم الخسران لا يبيع
خلونا نغامر

 

[ابو غانم]

في حال تخفيض راس المال ، هل ستنقص الأسهم ويرتفع سعر السهم ولا شلون الطريقه ؟

 

[fwaz70]

نعم راح يقل عدد الاسهم ويزيد السعر السوقي بنفس النسبه
الاشكاليه بالاتي :
١- سعر السهم احتمال قوي ينزل بعد اعلان مجلس الاداره (تأثير نفسي)
٢- بعد التخفيض راح ينزل السهم بسعر اخر مرتفع لكن تاريخيا من بعد الازمه معظم الشركات اللي خفضت راسمالها نزل سعرها بشكل كبير بعد رجوعها للتداول

 

[ابو غانم]

نعم راح يقل عدد الاسهم ويزيد السعر السوقي بنفس النسبه
الاشكاليه بالاتي :
١- سعر السهم احتمال قوي ينزل بعد اعلان مجلس الاداره (تأثير نفسي)
٢- بعد التخفيض راح ينزل السهم بسعر اخر مرتفع لكن تاريخيا من بعد الازمه معظم الشركات اللي خفضت راسمالها نزل سعرها بشكل كبير بعد رجوعها للتداول

يعني اللي يملك أسهم فيه راح يتضرر من العمليه هذي ؟

 

[fwaz70]

يعني اللي يملك أسهم فيه راح يتضرر من العمليه هذي ؟

هلا اخوي بوغانم
العلم عند الله لكن انا اقولك تاريخيا معظم الاسهم اللي سوت تخفيض راسمال بعد الازمه العالميه،
اللي باع قبل اعلان التخفيض اهو الربحان وما في سهم شذ عن القاعده حتى الان ما عدا تمويل خليج في التخفيض الثاني الاخير بينما في التخفيض الاول نزل من ١١٠ لين وصل بالعشرينات
بينما اسهم مثل مستثمرون وادنك والمدينه واكتتاب وميادين واصول وبيت الاستثمار الخليجي وغيرهم نزلوا مرتين مره وقت اعلان قرار مجلس الاداره بالتخفيض والمره الثانيه بعد اجراء التخفيض ورجوعه للتداول

اكرر هذي نبذه تاريخيه مو شرط تحصل مع صفاة عقار لكن الواحد يدرس الموضوع وفقا لوضعه وبعدين يتخذ قراره
والله اعلم

 

[ابو غانم]

هلا اخوي بوغانم
العلم عند الله لكن انا اقولك تاريخيا معظم الاسهم اللي سوت تخفيض راسمال بعد الازمه العالميه،
اللي باع قبل اعلان التخفيض اهو الربحان وما في سهم شذ عن القاعده حتى الان ما عدا تمويل خليج في التخفيض الثاني الاخير بينما في التخفيض الاول نزل من ١١٠ لين وصل بالعشرينات
بينما اسهم مثل مستثمرون وادنك والمدينه واكتتاب وميادين واصول وبيت الاستثمار الخليجي وغيرهم نزلوا مرتين مره وقت اعلان قرار مجلس الاداره بالتخفيض والمره الثانيه بعد اجراء التخفيض ورجوعه للتداول

اكرر هذي نبذه تاريخيه مو شرط تحصل مع صفاة عقار لكن الواحد يدرس الموضوع وفقا لوضعه وبعدين يتخذ قراره
والله اعلم

أشكرك يالغالي ماقصرت

 

[fwaz70]

حياك بوغانم

 

[fwaz70]

اقرب مثال .... صفاة طاقه
لما اعلن مجلس الاداره عن التخفيض
نزل السهم من ٢٢.٥ الى ١٦ وبعدين ارتد الى ٢٠ واللحين مريح ع ١٨
اذا انعقدت الجمعيه العموميه ووافقوا ع التخفيض راح يتوقف چم يوم وبعدين بيرجع بسعر يديد حروة ال ٥٥ فلس حسب اقفال اخر يوم قبل العموميه
لكن هل راح يصمد ع ال ٥٥ ويشذ عن القاعده ولا ياخذ درب ربعه، هذا يعتمد ع الملاك وصانع سوقه.

 

[ابو غانم]

كلام جداً واضح وتشكر عليه ، ولكن يبقى السؤال هل تأكد تخفيض راس المال ولا فيه كلام عن صفقه لتجنب الشركة من التخفيض ؟