Cha3bar
عضو متميز
السلام عليكم اخوي جعبر
_________________
ممكن تفسير اكثر ؟
وعليكم السلام أخوي بوفجر
تذكر قلت لك في موضوعك الأخير عن الصناعات إن السهم عليه زيادة رأس مال فوخر عنه .. الجمعية العمومية لهذا العام ألغت زيادة رأس المال القديمة وأقرت زيادة رأس مال جديدة بقيمة إسمية 100 فلس وعلاوة إصدار 350 فلس على ما أذكر على أن تستحق للمساهمين المسجلين في اليوم السابق لإستدعاء زيادة رأس المال ... نفس ما صار مع أجيليتي و الوطنية العقارية
يعني إذا على حسب ما يقولون إن الإستدعاء راح يكون بعد العيد راح يتحدد يوم إستحقاق يسبق البدء بالإكتتاب إلي ما يبي يدخل بالزيادة لازم يتخلص من السهم قبل إقفال التداول في هذا اليوم ولا يتفصخ عليه
عاد الكلام ألحين إن في ناس وايد ما راح تكتتب وراح يخلون كبار الملاك ياخذون راحتهم بالإكتتاب و هم يضاربون على السهم بعد التفسيخة لأنهم متوقعين دعم للسهم خلال فترة الإكتتاب حتى يكون حافز لإنجاح عملية الإكتتاب
عن نفسي مازلت أقول إصفط بعيد وتعال مشي
