بلايز رالف لورين 20009 (الأصلية)

[kuwaitdays]

ياجماعة حرام عليكم مداحرين الريال

صج كلامه لو يبيع الوحده إبـ 1000 دك كيفه وإلي يبي خصم بينه و بين الريال مو يشقه ويطنز بعدين يقول انا سويت شذي عشان انبه الفقراء و المساكين شنو كل واحد صاير لي روبن هود زمانه و الفقير ما يلبس بولو ومحد قاله يكشخ

ياجماعه شهالكلام
خلاص كل واحد يحط لسانه بحلجه لأنه مكانه بالحلج مو تزعلون من الكلمه
حبايبي ماله داعي مناجر ومداحر وعلى فكره الفقير فقير الدين مو فقير ما يقدر يشتري بلايز

صج ناس ماعندها ذوق

 

[anonymes]

ها ها ها ها

صج المنتدى ما شاء الله مليان فلاسفه (إلي تاجر، وإلي خبير موضة، وإلي شيخ دين و إقبض من المثاليات)

بس يليت لو كل واحد يسوي ويطبق نصف إلي يقوله (تلاقيه بعد ما يداحر الناس يدش بالدين وإهو مايدري أنه الدين المعاملة)

والله ضحكتوني

 

[تويجر]

الصراحة اسلوبك مو مال الواحد يشتري منك

واهم مافي التاجر اسلوبه

 

[Lipo]

والله الغريب بالمنتدى

لو وحده حاطه بضاعه ولا اي شي للبيع

شوف الاسلوب الحلو والاحترام

بس لا واحد حط شي للبيع ,, تعال اخذ الطنازة

بس الشرها مو عليكم يبه والله انا الغلطان اني عارض البضاعه اهنيه


واذا في مشرف او اي مسؤول للمنتدى

يشيل موضوعي


سلام

 

[lekyooom]

السلام عليكم ,,,

لحول الله والله لو واحد عارض منكم يالي قلتوا غالي ورد عليكم احد قال غالي كان اكلتوه !!!

ياناس بين البايع والشاري يفتح الله الي يعجبه السعر يشتري والي مايعجبه يكلم راعيهم بالخاص اذا مانزل ولا خلاص مالك نصيب فيهم وكل واحد يشتري على قد فلوسه حلاله عنده وفلوسك عندك لكن صدق الي قال شعب الكويت عيبهم الحسد

الله يوفقك ياراعيهم​

 

[altrky]

اخوى فى بعض البلايز عليها رمز الصليب

لا يجوز ارتداء اي ثياب عليها صليب سواء كان الصليب بذاته او ثياب رياضيه عليه شعار احد الدول او الاندية فيها شعار الصليب

http://www.islam-qa.com/index.php?ln=ara&QR=47060


للتذكير فقط ان الذكرى تنفع المؤمنين