بشتري سيارة من أمريكا و بعرف جم ياخذون مني الجمارك

[بوجويس88]

سلام عليكم
يعطيكم العافية شباب

شباب ان شاء الله بروح أمريكا و احتمال كبير اشتري سيارة مناك
و اشحنها للكويت

بس بعرف جم راح ياخذون مني الجمارك؟
و حتى الشحن جم تقريبا يكلف؟

الي عنده معرفة لا يبخل علينا بالفايدة

 

[بوجويس88]

شدعوه شباب
مافي أحد يقدر يفيدني

 

[بورغد]

4%
يعني اذا قيمتها 10000 دينار عليك 400 دينار جمارك

 

[hamadaaa]

شسالفه ....بس 400 لا يا حلو غلطان الجمرك احسب حسابك على 800 دينار او 1000 دينار

بو جويس اذا تحب اقعدك و اعطك رقم واحد بالكويت جاي زياره من امريكا واقعدك معاااه بعد ويدخلك على الحراج بأمريكا بالنت ويعطيك السياره وزبدتها

 

[بوجويس88]

تسلم أخوي بو رغد

حبيب يا أخوي حمادة و مشكووور وايد على خدمتك بس المشكلة باجر انا مسافر

 

[سالم الخليفه]

يعطيك العافيه اخوى
بالنسبه للجمارك ناخذ 5 بالميه
يعنى 10000 ناخذ 500 دينار + 1 بالميه تامين
هذا غير مصرف الشحن
واذا وصلت رسوم مخلصين جمارك وتصديق وزارة الخارجيه للاوراق ودفتر الملكيه
واذا فيه استفسار او اى مساعده
ارسال لى عاخاص

 

[تاجر_سيارات]

السلام عليكم اخوي بو جويس بالنسبه للكونتير حجم 20 2300 دولار والسياره يثمنونها حسب الموديل واعتقد ياخذون 5% وشاكر لك والسياره توصل ما بين 45 الى 60 وانا اقول لو تبي اللى يفيدونك ا مر على الجمارك نفسهم وهم يفيدونك وشاكر لك

 

[بو عبودي]

اذا حاب اييبها لك ومالك الا طيبة الخاطر والرقم عندك بالتوقيع

 

[بوجويس88]

يعطيكم الف عافية شباب و بصراحة أفدتوني وايد
بس ماكو شحن أرخص من جذي

 

[تاجر_سيارات]

بو جويس في رو رو سعره 1500 دولار طبعا ما تعرف شنو رورو الرورو طبعا انه يشحنون السياره على ظهر السفينه مكشوفه من غير لا كونتير ولا شي وانا ما انصحك فيها لانه السياره تتعرض للسرقه والشمس تلعب بداخليه وشكرا

 

[بوجويس88]

مشكور اخوي تاجر_سيارات
عدل كلامك بس المشكلة الكونتينر خبري يكفي سيارتين يعني حرام تحجزه روحك
يطلع غالي حلاته اثنين مع بعض

 

[تاجر_سيارات]

مشكور اخوي تاجر_سيارات
عدل كلامك بس المشكلة الكونتينر خبري يكفي سيارتين يعني حرام تحجزه روحك
يطلع غالي حلاته اثنين مع بعض

اى عدل كونتير 20 قدم سيارتين كونتير 40 قدم 4 سيارات