راس بطن وظهر شلووووووون صاير

[ابــوخــالــد]

يا شباب اللي نعرفه مواقع البيوت

1- سد
2- بطن وظهر
3- زاويه
4- راس=3 شوارع
5- زاويه او راس و نافذ

ياشباب فيه مواقع غيرهاااااااااااااا

راس بطن وظهر شلوون صاير هذاا

 

[ابوهايف]

راس بطن وظهر اعتقد يقصد راس بجنب نافذ يعني موراس وجنبه ارتداد بس نافذ او جنب محول والله اعلم

 

[مشاري بو ناصر]

يمكن

بطن و ظهر و سكه / بطن و ظهر وساحة ...

 

[ابــوخــالــد]

راس بطن وظهر اعتقد يقصد راس بجنب نافذ يعني موراس وجنبه ارتداد بس نافذ او جنب محول والله اعلم

5- زاويه او راس و نافذ

هذا قصدك

 

[ابــوخــالــد]

يمكن

بطن و ظهر و سكه / بطن و ظهر وساحة ...

مشاري على كلامك زاويه يعني

بطن وظهر وساحه يعني ارتداد فيه

 

[nokia*nokia]

الله بالخير أخوي

انا أتوقع اللى انت تقصده يكون بطن وظهر + سكه مثل هالصورة

واذا بتعرف المواقع غير المذكوره :

عندك أفضل المواقع على الإطـلاق اللى يسمى بالجزيــره 4 واجهــات

مثل هالصـــورة :

طبعا الأربع أسهم المشار عليها كلها ساحات ترابيه تكون ارتدادات للأربع

قسائم بالتساوي وتكون كل قسيمه لها أربع واجهات بإستطاعته فتح أربع

أبواب من الشمال والجنوب والشرق والغرب لكل قسيمه وهذا هو التميز

تحيــــاتي لـــك ........ والله يوفق الجميــــع​

 

[ابــوخــالــد]

انا أتوقع اللى انت تقصدهيكون بطن وظهر + سكه

اخوي nokia*nokia

زاويه ونافذ = بطن وظهر وسكه


ولا اعتقد فيه موقع جزيره = على دوار يعني

احترامي لك

 

[nokia*nokia]

اخوي nokia*nokia

زاويه ونافذ = بطن وظهر وسكه


ولا اعتقد فيه موقع جزيره = على دوار يعني

احترامي لك

عزيزي تقدر تروح لمنطقة أشبيليه قطعه 1 بالتحديد

وتشوف بعينك عدد (( 8 )) قسائـم من نفس النموذج اللى رفقته لك

وأنا ما ألومك تقول القسيمه على دوار يجوز إنك ماشفت أو ماعندك درايه

عن النماذج العقاريه السكنيه

وعلى فكره النموذج هذا مقتبس من خريطة بلدية الكويت لمنطقة أشبيليه

يعني مو من نسج الخيال

و أراضي الجزيره فقط لأصحاب التميز لأن اسعارهم عاليه

وللعلم عموم منطقة أشبيليه لاتوجد بها إلا 8 قسائم من نموذج الجزيره .

والله الموفق​

 

[ابــوخــالــد]

وأنا ما ألومك يجوز إنك ماشفت أو ماعندك درايه
عموم منطقة أشبيليه لاتوجد بها إلا 8 قسائم من نموذج الجزيره

اخوي nokia*nokia

اى والله اول مره اسمع عن هالنموذج

طيب ما فيه مناطق غير اشبيليه

ومشكور على المعلومه وتقبل تحياتي لكـ وعساك على القوه

 

[الرسته جوكى]

هذا الموقع المقصود نفس رقم 5 عندك بدال راس نافذ يصير بطن وظهر راس نافذ او عنده يكون محول
http://gis.baladia.gov.kw/frames.as...X=489848.367617944&CY=239439.502509974&CT=هذى

 

[nokia*nokia]

اخوي nokia*nokia

اى والله اول مره اسمع عن هالنموذج

طيب ما فيه مناطق غير اشبيليه

ومشكور على المعلومه وتقبل تحياتي لكـ وعساك على القوه

هلا أخوي ابوخالد

بالنسبه لمناطق غير أشبيليه من نفس المواقع لا أتوقع ، وأشبيليه تميزة

بهذا التخطيط بسبب وزير سابق وشخصيات نافذه كان لهم بصمه واضحه

في مسار التخطيط ويملكون عدة أراضي بمواقع جدا جدا مميزة

وهم حاليا ساكنين بنفس المنطقه

وانا بنفسي دققت على مخططات جنوب السره عن طريق موقع البلديه

ولم أجد موقع جزيرة أربع جهات

ولله الحمد أنى وصلت لك المعلومه من الواقع وتحياتي لك وبالتوفيق بإذن الله​

 

[طيران]

فى غرب الجليب بيت على 4 شوارع

 

[عبدالمذرى]

يقصد طال عمرك على ثلاث شوارع ولا راس نافذ بطن وظهر