سؤال على الطاير

[كويتي ماركة]

السلام عليكم

شباب عندي سؤال على الطاير

ادري مو مكانه هني

لكني بحطه لاني امون على اغلب اعضاء القسم وادري راح يساعدوني

انا بسافر دبي عن طريق البر

وما لحقت اطلع فيز للخدم ( فلبينيه + هنديه )

اقدر اطلع فيز لهم من حدود السعوديه + الامارات

وجم سعر الفيز

ارجوا الى يجاوب يكون عنده الخبر الاكيد

ولكم مني دعوه بظهر الغيب

 

[ابوراشد44]

السلام عليكم

انا العام الماضي سافرت الى الامارات بالسياره كنت مطلع فيزه للسعوديه للخادمه بس الامارات حطو الفيزا بالحدود والسعر .... والله ما اذكر بالضبط 100 او 150 درهم وسمعت ان السعوديه يحطون فيزا بالمركز بس بسعر اكثر

اهم شي اتصل على كل سفاره وخذ الخبر الاكيد منهم لان ربعنا كل يوم قرار


واخيرا نصيحه ريح بالك واتصل على مكاتب تخليص معاملات يمرك البيت ويخلصلك كل الفيز وروح وانت مطمن .مثل مكتب الوطن او مكتب مكانه خلف مجمع النقره الشمالي ناسي اسمه

وتروح وترجع بالسلامه

 

[كويتي ماركة]

تسلم اخوي بوراشد على المعلومه

وانا المشكله اني مسافر باجر

ومكاتب تخليص المعاملات قايليلي تحتاج اربع ايام يعني يخلصونها الاثنين

فماكو الا الحدود

وما ابي اطق طريج وارجع على الفاضي

 

[بوعلي الشمري]

السلام عليكم اخوى

تروح وترجع بالسلامة على كل خدامة 400ريال بالجوازات

 

[كويتي ماركة]

تسلم بو علي

والــ 400 وايد

هذا زياره ولا مرور بس

لاني ما راح اقعد بالسعوديه

 

[بو متعب]

قبل كانت 500 ريال الحين ما ادري يمكن 400 ريال يعني الافضل تطلع لها من السفارة توفر اكثر على ما اظن