الحالة الاجتماعية من قصر العدل؟؟

[ليل]

السلام عليكم



السالفة باختصار في واحد متقدم حق بنت صديقنا ويبي يطلع عليه اثبات حاالة اجتماعية من قصر العدل؟ وفي نفس الوقت ما يبي يطلب منه ييبله هالورقة لعدة اسباب ,الريال يبي يسأل عنه من نفسه من الف للياء,شلون


في احد فيكم يعرف احد يداوم هناك ويقدر يساعده بهالشي؟

 

[ليل]

شدعوة ,,

66 مشاهدة للموضوع ولا اكو رد واحد !!

 

[ناصر فيصل]

السئوال

شؤالك غير واضح هل تقصد ان يرغب بمعرفة ان الشخص متزوج او لا .

عموما لمعرفة اي شخص يجب معرفة دوامة و السئوال عنه بالدوام من مسئولة المباشر و من زملائه ثم الديوانيه ثم الفريج ثم كم ربعه ثم من اهله و ابناء عمومته و خالته و يمكن ان تصل الى معرفة جزء كبير من حواله و الله الموفق

ردينا حتى لا تزعل و تقول ما في احد رد .

 

[ليل]

شؤالك غير واضح هل تقصد ان يرغب بمعرفة ان الشخص متزوج او لا .

عموما لمعرفة اي شخص يجب معرفة دوامة و السئوال عنه بالدوام من مسئولة المباشر و من زملائه ثم الديوانيه ثم الفريج ثم كم ربعه ثم من اهله و ابناء عمومته و خالته و يمكن ان تصل الى معرفة جزء كبير من حواله و الله الموفق

ردينا حتى لا تزعل و تقول ما في احد رد .

مشكور يا الطيب لكن مسؤله بالدوام يقول بأنه مطلق وربعه كل واحد فيهم يقول شي ..واحد يقول مطلق وواحد يقول بأنه متزوج,,اهله يقولون بأنه مطلق ..واهو بعد يقول بأنه مطلق وياب حق رفيجي وراواه ورقة الطلاق لكن رفيجي مو مرتاح ويبي يتأكد بنفسه من قصر العدل ,,السالفة يبيلها واسطة وانا ودي اساعده لكن ماني عارف شلون!!

 

[qanon]

العزيز ليل

حبيبى ليش اللف والدوران من البداية دام الموضوع فيه زواج

يطلب من الشخص بشكل مباشر وصريح

وما فيها اى احراج لا للبنت ولا لاهلهاااا

 

[rahaly]

اخوي ما فيها واسطات ولا شئ ...
اذا المسألة مسألة زواج ... اهل البنت يطلبون منه احضار شهادة اسمها " خلو زوجية " ... يعطونه اياها وهو واقف ... وما فيها شئ انهم يطلبونها ... ويقولوله اي عذر

اما قصة الواسطات ... اسمحلي هذا في حال الواحد يبي يعرف عن واحد لاي سبب بدون علمه .. وما اعتقد انك تقصد ذلك

 

[ليل]

العزيز ليل

حبيبى ليش اللف والدوران من البداية دام الموضوع فيه زواج

يطلب من الشخص بشكل مباشر وصريح

وما فيها اى احراج لا للبنت ولا لاهلهاااا

والله احنا قلناله اطلبها منه وفك عمرك ,, بس اهو منحرج يطلب منه هالطلب!!

 

[ليل]

اخوي ما فيها واسطات ولا شئ ...
اذا المسألة مسألة زواج ... اهل البنت يطلبون منه احضار شهادة اسمها " خلو زوجية " ... يعطونه اياها وهو واقف ... وما فيها شئ انهم يطلبونها ... ويقولوله اي عذر

اما قصة الواسطات ... اسمحلي هذا في حال الواحد يبي يعرف عن واحد لاي سبب بدون علمه .. وما اعتقد انك تقصد ذلك

احنا قلناله ربعه اللي بالديوانية هالحجي لكن الريال مستحي يطلب منه جذي طلب ,, يقول مو حلوة شقول عنا بعدين ؟؟

فاهو وده يعرف عنه من غير ما يطلب منه عشان لا يحرجه وينحش الريال من بنته خصوصا وانه ريال زين يقولون عنه واخلاقه زينه بس اهو يبي يطمن بأنه مو متزوج من غير ما يحرجه !!


بالنسبة لي والله لو طالب بنتي عادي اقوله روح ييب هالشهادة مافيها شي

شالمشكلة بس رفيجي بطبعه يستحي وما يحب يحرج الناس

 

[شيل و مشي]

والله انا عن نفسي لو تقدمت لاحد وقالولي ييب لنا خلو زوجية من وزارة العدل قبل لا اطلع من باب بيتهم اقول الله يستر على بنتكم ويرزقها ومافي نصيب والعوانس ترس الديرة طب وتخير

 

[zoya_y]

بقصر العدل ماكو توثيقات شرعيه

روح مجمع المحاكم الدور الثاني او الثالث في وايد شباب دينين اكيد بيساعدونك
والله يوفق بنيتكم

 

[4x4]

السلام عليكم.
أنا أنصحكم ان تطلبوون من المتقدم للزواج أستخراج الشهاده بنفسه وأحضارها.
ومافيها شي أنا أشووف ألحيين يطلبوون فحص طبي على الزوجيين وعادي الكل يسوي هل فحص ومافيها شي,وبالعكس أنا أشووف أنا أحسن عشان كل واحد تكون الصوره واضحه ما ينخدع بثاني وتصيير المشاكل من البدايه كل واحد يعرف الثاني ويا يتفقوون ول يادار مادخلج شر.
وشقله الواسطه وروح كلم فلان وفلان وخصوصا أن ألي ماسكيين الشغله في مجمع المحاكم أخوانه المطواعه كما ذكر أخونى ألي قبلي.
ومعلومه للجممييع أخوانه المطاوعه أهناك مايعطووونك أبرنت ول أي معلومه عن أي أحد وهذي طبعا لسريه الموضووع.
وأنصحكم أن تطلبوون من المتقدم أن يطلب الشهاده خلو الزوجيه وقولوله الصراحه كل ماسئلنى أحد قالنه جواب ونبي نفصله بشي رسمي مثل الشهاده وذ كان شاري البنت بييبه وراح يتفهم المسئله أنشالله.
والله يكتبلهم أنشالله الي في خيير وصالح لهم ولجميع المسلمين أنشالله.


( سبحان الله سبحان اللهم وبحمدك أستغفرك وأتوب أليك)